Иов 23:1—17
23 Уӕд Иов загъта:
2 «Абон дӕр мӕ уавӕрыл нӕ разы кӕнын ӕмӕ хъаст кӕнын+,Фырхъӕрзынӕй мӕ къухтӕ ӕруӕззау сты.
3 Тӕхуды, ӕмӕ йӕ куы зонин, кӕм ӕй ис ссарӕн!+Кӕм вӕййы, раст уырдӕм бацӕуин+.
4 Мӕ хъуыддаг йӕ размӕ тӕрхонмӕ рахӕссин,Ӕз дӕр ӕрхӕссин бӕлвырдгӕнӕнтӕ.
5 Ӕз бамбарин, цы дзуапп мын раттид, уый,Цы мын зӕгъид, ууыл дзӕбӕх ахъуыды кӕнин+.
6 Ау, мемӕ йе стыр тыхӕй тох кӕнид?Нӕ, нӕ! Уый мӕм ӕнӕмӕнг байхъусид+.
7 Уым рӕстзӕрдӕ адӕймаг йемӕ бафидаудзӕн.Мӕ тӕрхонгӕнӕг мӕ ӕнустӕм ӕнаххосыл банымаид, ӕмӕ афтӕмӕй рацӕуин йӕ разӕй.
8 Скӕсӕнырдӕм ацӕуын – уым нӕй,Фӕстӕмӕ раздӕхын, фӕлӕ йӕ нӕ фенын+.
9 Ацӕуын галиуырдӕм, кӕм архайы, уырдӕм, фӕлӕ йыл мӕ цӕст не ’рхӕцы.Рахизырдӕм фӕзилы, фӕлӕ йӕ уӕддӕр нӕ ауынын.
10 Ӕз цы фӕндагыл цӕуын, уый хорз зоны+.Куы мӕ бафӕлвара, уӕд сызгъӕринау ссыгъдӕг уыдзынӕн+.
11 Ӕз цӕуын йӕ къахвӕдтыл,Ӕз цӕуын йӕ фӕндагыл ӕмӕ дзы иуырдӕм дӕр нӕ хизын+.
12 Йӕ дзыхӕй цы фӕдзӕхстытӕ рацыд, уыдоныл фидар хӕцын+.Йӕ ныхӕстӕ+ йын хӕзнайау мӕ зӕрдӕйы ӕвӕрын, мӕ хӕс цы у, уымӕй сӕ тынгдӕр хъахъхъӕнын.
13 Уый хӕст у иу зондыл, ӕмӕ кӕй бон у йӕ ныхмӕ ӕрлӕууын?+Йӕ зӕрдӕйы цы сфӕнд кӕна, уый бакӕндзӕн+.
14 Мӕн тыххӕй йӕм цы фӕнд ис, уый кӕронмӕ сӕххӕст кӕндзӕн+,Ӕмӕ ахӕм цыдӕртӕ уымӕ бирӕ ис.
15 Уый тыххӕй бацӕуын катайы йӕ разы,Лӕмбынӕг ыл ахъуыды кӕнын, ӕмӕ дзы стӕрсын+.
16 О, Хуыцау мын мӕ зӕрдӕйы тас бауагъта+,Ӕппӕтхъомысджын Хуыцауы тыххӕй катайы бацыдтӕн+.
17 Мӕ цӕсгом мын саудалынг ӕрӕмбӕрзта,Фӕлӕ ӕз уӕддӕр хъусӕй нӕ лӕудзынӕн.
