Иов 27:1—23
27 Иов йӕ ныхас адарддӕр кодта ӕмӕ ӕмбисӕндтӕй дзурын+ райдыдта:
2 «Сомы кӕнын удӕгас Хуыцауӕй+, мӕ хъуыддаг рӕстӕй равзарын+ кӕй нӕ бафӕндыд, уымӕй,Ӕмӕ Ӕппӕтхъомысджын Хуыцауӕй, мӕ зӕрдӕ мын мастӕй чи байдзаг кодта+:
3 Цалынмӕ улӕфон,Цалынмӕ Хуыцауы комытӕф* мӕ фындзыхуынчъыты уа+,
4 Уӕдмӕ мӕ дзыхӕй мӕнгард ныхас не схаудзӕн,Ме ’взагыл гӕдыныхас нӕ уыдзӕн!
5 Нӕ, уый никуы уыдзӕн, ӕмӕ ӕз сымах рӕстгӕнджытыл банымайон!+Цалынмӕ ӕгас уон, уӕдмӕ Хуыцауыл мӕ зӕрдӕ нӕ сивдзынӕн*!+
6 Ӕз фидар хӕцдзынӕн мӕ рӕстдзинадыл ӕмӕ йӕ нӕ ныууадздзынӕн+,Мӕ зӕрдӕ мыл мӕ царды бонтӕй иуы тыххӕй дӕр нӕ фӕхуддзӕн+.
7 Уадз ме знаг разынӕд фыдгӕнӕг+,Мӕ ныхмӕ чи цӕуы, уый разынӕд ӕвзӕргӕнӕг.
8 Хуыцауы чи ныууагъта, уый йӕ ныфс цӕуыл хъуамӕ дара, кӕд ӕмӕ йӕ Хуыцау фесафдзӕн+,Кӕд ӕмӕ йын йӕ цард байсдзӕн?+
9 Бӕллӕхы куы бахауа,Уӕд ын Хуыцау йӕ дзыназын фехъусдзӕн?+
10 Науӕд Ӕппӕтхъомысджын Хуыцау йе стыр цин уыдзӕн?Хуыцаумӕ алкӕддӕр кувдзӕн?
11 Ӕз уын зонд амондзынӕн Хуыцауы тыхы фӕрцы,Ӕппӕтхъомысджын Хуыцауы хъуыддӕгтӕ нӕ басусӕг кӕндзынӕн+.
12 Кӕд уе ’ппӕт дӕр цӕстылуайӕнтӕ федтат,Уӕд ницӕйаг ныхӕстӕ цӕмӕн кӕнут?+
13 Уый у фыдгӕнӕгӕн йӕ хай Хуыцауӕй+,Ӕгъатыр адӕм бынтӕ райсдзысты Ӕппӕтхъомысджын Хуыцауӕй.
14 Йӕ фырттӕ куы сбирӕ уой, уӕддӕр – карды комӕн+.Ӕмӕ сӕ байзӕддӕгтӕн хӕринаг нӕ фаг кӕндзӕн.
15 Удӕгасӕй ма сӕ чи баззайа, уыдоны баныгӕндзысты, фыдниз куы сыста, уӕд,Ӕмӕ сӕ идӕдзтӕ кӕугӕ дӕр нӕ кӕндзысты+.
16 Рыгау бирӕ ӕвзист куы ӕрӕмбырд кӕна,Ӕлыгау бирӕ дарӕс куы ’рцӕттӕ кӕна,
17 Уӕд, цы ’рцӕттӕ кодта, уый йӕ уӕлӕ скӕндзӕн рӕстгӕнӕг+,Ӕмӕ йын ӕнаххос адӕм йе ’взист байуардзысты.
18 Рӕмпӕгау сарӕзта йӕ хӕдзар,Хъалагъур кӕй саразы, ахӕм халагъудау+.
19 Хъӕздыгӕй схуысдзӕн, фӕлӕ йӕ тыллӕг карст не ’рцӕудзӕн,Йӕ цӕстытӕ байгом кӕндзӕн – ӕмӕ йӕм ницыуал ис+.
20 Бӕллӕхтӕ йӕ дӕттау ӕнӕнхъӕлӕджы сӕ быны фӕкӕндзысты+,Ӕхсӕвы йӕ тыхджын дымгӕ аскъӕфдзӕн.
21 Скӕсӕйнаг дымгӕ йӕ фелвасдзӕн+, ӕмӕ лӕг ӕрбайсӕфдзӕн,Дымгӕ йӕ йӕ бынатӕй ахӕсдзӕн+.
22 Йӕхи йыл ныццӕвдзӕн ӕмӕ йын нӕ фӕтӕригъӕд кӕндзӕн+,Ӕмӕ дзы уый алидзыныл архайдзӕн+.
23 Адӕм ын мӕстӕймарӕн ӕмдзӕгъд кӕндзысты+Ӕмӕ йыл сӕ бынатӕй ӕхситт кӕндзысты+.
