Ионӕ 3:1—10
3 Уӕд Йегъовӕ Ионӕйӕн дыккаг хатт загъта+:
2 «Сыст, ацу стыр горӕт Ниневимӕ ӕмӕ сын фехъусын кӕн+, ӕз дын цы дзурын, уый».
3 Уӕд Ионӕ сыстад ӕмӕ Ниневимӕ ацыд, Йегъовӕ йын куыд загъта, афтӕ+. Ниневи та Хуыцауы цӕсты стыр горӕт уыд+, кӕрӕй-кӕронмӕ уыди ӕртӕ боны цыд.
4 Ӕппынфӕстаг Ионӕ горӕтмӕ бацыд, иу боны фӕндаг дзы рацыд ӕмӕ адӕмӕн хъусын кодта: «Цыппор боны ма, ӕмӕ Ниневи пырх ӕрцӕудзӕн»+.
5 Ӕмӕ Ниневийы цӕрджытӕ Хуыцауыл баууӕндыдысты+, ӕмӕ хъӕздыгӕй-мӕгуырӕй, стырӕй-чысылӕй ком дарын райдыдтой+ ӕмӕ сӕ уӕлӕ хъисынтӕ скодтой.
6 Ниневийы паддзах уыцы хабар куы фехъуыста+, уӕд йӕ паддзахбадӕнӕй сыстад, йӕ паддзахы дарӕс раласта, йӕ уӕлӕ хъисын ӕрӕппӕрста ӕмӕ фӕнычы сбадт+.
7 Стӕй ма бардзырд дӕр радта, цӕмӕй паддзахы номӕй ӕмӕ йӕ уынаффӕгӕнджыты номӕй Ниневийы фехъусын кодтаиккой:
«Адӕм дӕр, фос дӕр, стуртӕ дӕр ӕмӕ лыстӕг фос дӕр хӕринаджы хъӕстӕ ма фӕуӕнт. Мацы хӕрӕнт. Суанг дон дӕр ма нуазӕнт+.
8 Сӕхиуыл дӕр ӕмӕ сӕ фосыл дӕр хъисын ӕркӕнӕнт, ӕмӕ Хуыцауӕн сӕ тых сӕ бонӕй лӕгъстӕ кӕнӕнт ӕмӕ сӕ алчидӕр йе ’взӕр фӕндагӕй раздӕхӕд+ ӕмӕ, цы фыдхъуыддӕгтӕ арӕзта, уыдон ныууадзӕд.
9 Кӕд ныл ӕцӕг Хуыцау уыцы бӕллӕх не ’руадзид, кӕд нын фӕтӕригъӕд кӕнид+ ӕмӕ йӕ судзгӕ маст бауромид, ӕмӕ нӕ фесӕфиккам»+.
10 Ӕцӕг Хуыцау сын федта сӕ хъуыддӕгтӕ+, федта, се ’взӕр фӕндагӕй кӕй раздӕхтысты, уый+, ӕмӕ фӕфӕсмон кодта+, бӕллӕх ӕруадзинаг сыл кӕй уыд, ууыл ӕмӕ сыл ӕй нал ӕруагъта+.
