Исай 15:1—9
15 Моавӕн цы тӕрхон ӕрцыд хаст, уый+. Ар-Моав+ ӕхсӕвы ныппырх кодтой, ӕмӕ бамыр. Кир-Моав+ ӕхсӕвы ныппырх кодтой, ӕмӕ бамыр.
2 Уый ссыд кувӕндонмӕ ӕмӕ Дивонмӕ+, бӕрзонд ранмӕ, цӕмӕй фӕкӕуа. Моав богъ-богъӕй кӕуы Нево+ ӕмӕ Медевӕйыл+. Се ’ппӕтӕн дӕр сӕ сӕртӕ ӕмӕ сӕ боцъотӕ сты даст+.
3 Уынгты адӕм сты хъисынты+. Хӕдзӕртты сӕрты+ ӕмӕ горӕты фӕзты иууылдӕр богъ-богъӕй кӕуынц, кӕугӕйӕ дӕлӕмӕ ӕрцӕуынц+.
4 Есевон ӕмӕ Елеалейы+ хъӕр цӕуы. Сӕ хъӕр хъуысы суанг Иаацӕйы+ онг. Уый тыххӕй хъӕр кӕнынц Моавы гӕрзифтонг ӕфсӕддонтӕ дӕр. Адӕмӕн сӕ зӕрдӕтӕ сӕ мидӕг ризынц.
5 Мӕ зӕрдӕ кӕуы Моавыл+. Уырдыгӕй чи ралыгъд, уыдон сты суанг Сигоры+ ӕмӕ Егла-Шелишийы+. Лухиты+ къуылдыммӕ хизгӕйӕ алчидӕр кӕуы. Оронаиммӕ+ цӕугӕйӕ дзыназынц, цы бӕллӕх ӕрцыд, уый тыххӕй.
6 Нимримы дӕттӕ байсыстысты+. Цъӕх кӕрдӕг бахус, кӕрдӕг никуыуал баззад, иу цъӕх хал дӕр никуыуал зыны+.
7 Ӕмӕ уыдон дӕр, цы муртӕ ма сӕм баззад ӕмӕ цы мулк фембырд кодтой, уыдон фӕхӕссынц, гӕдыбӕлӕстӕ кӕм зайы, уыцы дӕлвӕзыл.
8 Моавы алырдыгӕй хъуысы дзыназын+. Йе ’рдиаг хъуысы суанг Еглаиммӕ, йе ’рдиаг цӕуы суанг Беер-Елиммӕ,
9 уымӕн ӕмӕ Димоны дӕттӕ туг фестадысты. Фӕлӕ ма ӕз Димонӕн цӕттӕ кӕнын ноджыдӕр иу цыдӕр: Моавӕй чи лидзы ӕмӕ уыцы зӕххыл чи баззад, уыдоныл сардаудзынӕн домбайы+.
