Исай 19:1—25
19 Тӕрхон Египетӕн+. Йегъовӕ мигъыл фӕтӕхы+ Египетмӕ. Йӕ разы Египеты ницӕйаг хуыцӕуттӕ базыр-зыр кӕндзысты+ ӕмӕ египетӕгты зӕрдӕты тас бацӕудзӕн+.
2 «Ӕз египетӕгты скӕндзынӕн египетӕгты ныхмӕ, ӕмӕ уыдонӕй алчидӕр тох кӕндзӕн йе ’фсымӕримӕ, алчидӕр йе ’мбалимӕ, горӕт горӕтимӕ, паддзахад паддзахадимӕ+.
3 Ӕмӕ египетӕгтӕн сӕ сӕр сӕ кой суыдзӕн+, ӕмӕ сын ӕз сӕ фӕнд фехалдзынӕн+. Уыдон ӕххуысмӕ цӕудзысты ницӕйаг хуыцӕуттӕм+, кӕлӕнгӕнджытӕм, мӕрдтимӕ чи ныхас кӕны, уыдонмӕ ӕмӕ дӕсныфӕрсджытӕм+.
4 Ӕз Египет ратдзынӕн ӕгъатыр хицауы къухтӕм, йӕ сӕргъы уыдзӕн тыхджын паддзах»+,– зӕгъы ӕцӕг Хицау, ӕфсӕдты хицау Йегъовӕ.
5 Денджызы дон байсысдзӕн, цӕугӕдон байсысдзӕн ӕмӕ бахус уыдзӕн+.
6 Цӕугӕдӕттӕ стӕф кӕндзысты. Египеты, Нилы къанӕуттӕн сӕ дон ныггыццыл уыдзӕн ӕмӕ байсысдзысты+. Хъӕз+ ӕмӕ хъамыл* бамбийдзысты.
7 Нилы цӕугӕдоны цур ӕмӕ, Нил денджызмӕ кӕм бакӕлы, уый алыварс цы быдыртӕ ис, стӕй, Нилы цӕугӕдоны былгӕрӕтты цы хуымтӕ ис, уыдон бахус уыдзысты+. Дымгӕ сӕ ахӕсдзӕн, ӕмӕ нал уыдзысты.
8 Кӕсагахсджытӕ кӕудзысты, Нилы цӕугӕдонмӕ йе ’нгуыр чи баппары, уыдон иууылдӕр хъыг кӕндзысты, кӕсагахсӕн хыз доны чи баппары, суанг уыдонмӕ дӕр хъару нал уыдзӕн+.
9 Пырд чи у, ахӕм гӕнимӕ чи кусы+, уыдон фӕхудинаг уыдзысты, урс хъуымац чи уафы, уыдон дӕр афтӕ.
10 Йӕ уафджыты+ ныфс асӕтдзӕн, йе ’ххуырст кусджытӕ иууылдӕр маст кӕндзысты.
11 Цоаны+ кънйӕзтӕ сты ӕнӕзонд. Фараонӕн йӕ зондджындӕр уынаффӕгӕнджытӕн сӕ уынаффӕ зондджын схонӕн нӕй+. Ӕмӕ уӕд фараонӕн афтӕ куыд хъуамӕ зӕгъат: «Мӕнӕн мӕ фыдӕлтӕ уыдысты зондджын адӕм, мӕ фыдӕлтӕ раджы заманты уыдысты паддзӕхтӕ»?
12 Уӕд дын кӕм сты, кӕм сты дӕ зондджынтӕ?+ Ӕфсӕдты хицау Йегъовӕ Египеты тыххӕй цы уынаффӕ рахаста, уый базонӕнт ӕмӕ дын ӕй зӕгъӕнт+.
13 Цоаны кънйӕзтӕ ӕнӕзонд ми бакодтой+, Нофы*+ кънйӕзтыл сайд ӕрцыд, египетӕгтӕн сӕ мыггӕгты хистӕрты+ аххосӕй адӕм рахау-бахау кӕнынц.
14 Йегъовӕ Египетӕн афтӕ бакодта, ӕмӕ катайы бацыд+. Хицӕутты аххосӕй египетӕгтӕ се ’ппӕт хъуыддӕгты дӕр ныдздзӕгъӕлтӕ сты, рахау-бахау кӕнынц, расыг лӕг йӕ омдзӕгыл куыд рахау-бахау кӕна, афтӕ+.
15 Египетӕн йӕ бон ницыуал уыдзӕн, ницыуал бакӕндзысты сӕр кӕнӕ къӕдзил дӕр, тау кӕнӕ хъӕз дӕр+.
16 Уыцы бон египетӕгтӕ суыдзысты сылгоймӕгты хуызӕн. Ӕфсӕдты хицау Йегъовӕ сӕм йӕ къух ӕртхъирӕнгӕнӕгау куы батила, уӕд фыртӕссӕй бариздзысты+, тас сӕ бацӕудзӕн+.
17 Иудӕйы зӕхх Египеты стыр тас бауадздзӕн+. Йӕ кой кӕмӕндӕриддӕр скӕной, уыцы адӕймаджы тас бацӕудзӕн, ӕфсӕдты хицау Йегъовӕ Египеты тыххӕй цы уынаффӕ рахаста, уый куы фехъуса, уӕд+.
18 Уыцы бон Египеты зӕххыл уыдзӕн, ханаайнӕгты ӕвзагыл чи дзурдзӕн+ ӕмӕ ӕфсӕдты хицау Йегъовӕйӕн чи сомы кӕндзӕн+, ахӕм фондз горӕты+. Уыцы горӕттӕй иу хуындзӕн Пырхгӕнӕг горӕт.
19 Уыцы бон Египеты зӕххы астӕу+ лӕудзӕн нывондхӕссӕн Йегъовӕйӕн, йӕ арӕнты раз та – цӕджындз Йегъовӕйы номыл.
20 Уый Египеты зӕххы уыдзӕн нысан ӕмӕ ӕвдисӕн ӕфсӕдты хицау Йегъовӕйы тыххӕй+. Уыдон Йегъовӕмӕ сдзыназдзысты, не ’фхӕрджытӕй нӕ фервӕзын кӕн+, зӕгъгӕ, ӕмӕ сӕм рарвитдзӕн ирвӕзынгӕнӕджы, домбай ирвӕзынгӕнӕджы, ӕмӕ сӕ уый фервӕзын кӕндзӕн+.
21 Ӕмӕ Йегъовӕ египетӕгты ’хсӕн суыдзӕн зындгонд+, ӕмӕ уыцы бон египетӕгтӕ базондзысты Йегъовӕйы. Уыдон ын ӕрхӕсдзысты нывӕндтӕ ӕмӕ лӕвӕрттӕ+, Йегъовӕйӕн дзырд ратдзысты ӕмӕ йӕ сӕххӕст кӕндзысты+.
22 Йегъовӕ египетӕгты ӕрцӕвдзӕн+. Уый сӕ ӕрцӕвдзӕн ӕмӕ сӕ сдзӕбӕх кӕндзӕн+. Уыдон фӕстӕмӕ Йегъовӕмӕ раздӕхдзысты+, уый сын сӕ лӕгъстӕтӕ фехъусдзӕн ӕмӕ сӕ сдзӕбӕх кӕндзӕн+.
23 Уыцы бон Египетӕй Ассиримӕ конд ӕрцӕудзӕн стыр фӕндаг+. Ӕмӕ ассириӕгтӕ ӕрцӕудзысты Египетмӕ, египетӕгтӕ та – Ассиримӕ, ӕмӕ Египет ӕмӕ Ассири Хуыцауӕн лӕггад кӕндзысты.
24 Уыцы бон Израил баиу уыдзӕн Египет ӕмӕ Ассириимӕ+, суыдзӕн арфӕдзинад зӕххы астӕу+,
25 уымӕн ӕмӕ сын ӕфсӕдты хицау Йегъовӕ раарфӕ кӕндзӕн+ ӕмӕ зӕгъдзӕн: «Арфӕгонд уӕд Египет – мӕ адӕм, Ассири+ – мӕ къухты фыдӕбон, ӕмӕ Израил – мӕ бынтӕ»+.
