Исай 25:1—12
25 О Йегъовӕ, ды дӕ мӕ Хуыцау+. Ӕз дӕ кадджын кӕнын+, бӕрзонд дын кӕнын дӕ ном+, уымӕн ӕмӕ ды сарӕзтай диссаджы хъуыддӕгтӕ+, рагзамантӕй фӕстӕмӕ хӕссыс уынаффӕтӕ+, архайыс иузӕрдионӕй+ ӕмӕ ӕууӕнкджынӕй+.
2 Ды горӕт дурты цӕнд фестын кодтай, фидаргонд горӕт – хӕлддзӕгтӕ. Ӕцӕгӕлӕтты цӕрӕн мӕсыг нал ис, ӕмӕ уыцы горӕт ӕнустӕм дӕр нал сараздзысты+.
3 Уый тыххӕй дӕ тыхджын адӕм кадджын кӕндзысты, ӕгъатыр адӕмты горӕт дӕ тӕрсдзӕн+.
4 Ды сдӕ фидар мӕсыг хуымӕтӕг адӕймагӕн, фидар мӕсыг мӕгуыр адӕймагӕн йӕ зын сахат+, ӕмбӕхсӕн бынат тӕрккъӕвдайӕ, аууон+ – судзгӕ хурӕй. Ӕгъатыр адӕймаджы улӕфт, тӕрккъӕвда йӕхи къулыл куыд хойа, афтӕ куы вӕййы, уӕд ды адӕймаджы фӕхъахъхъӕныс.
5 Ӕнӕдон бӕстӕйы судзгӕ хуры тӕвд мигъы аууонӕй куыд фӕсӕттыс, афтӕ басабыр кӕныс ӕцӕгӕлӕтты хъӕлӕба+. Ӕгъатыр адӕмы зарын ныссабыр вӕййы+.
6 Ӕфсӕдты хицау Йегъовӕ ацы хохыл+ ӕппӕт адӕмтӕн дӕр скӕндзӕн куывд+. Ӕмӕ дзы уыдзӕн дзаджджын хӕринӕгтӕ+ ӕмӕ бадт сӕн, дзаджджын хӕринӕгтӕ стджыты магъзимӕ+ ӕмӕ бадт фӕрсыгъд+ сӕн+.
7 Ацы хохыл уый фесафдзӕн*, ӕппӕт адӕмыхӕттыты дӕр чи ӕрбатыхта, уыцы ӕмбӕрзӕн+, ӕппӕт адӕмтыл дӕр ӕмбӕрзт чи у, уыцы уӕфт хъуымац.
8 Уый фесафдзӕн* мӕлӕт ӕнустӕм+, Дунедарӕг Хуыцау Йегъовӕ се ’ппӕтӕн дӕр сӕ цӕссыгтӕ сӕ рустӕй ныссӕрфдзӕн+. Ӕмӕ ӕгас зӕххыл дӕр йӕ адӕмы худинагӕй фервӕзын кӕндзӕн+, уымӕн ӕмӕ уый загъта Йегъовӕ.
9 Уыцы бон адӕймаг зӕгъдзӕн: «Ай у нӕ Хуыцау!+ Мах ыл нӕ ныфс дардтам+, ӕмӕ нӕ фервӕзын кодта+. Ай у Йегъовӕ!+ Мах ыл нӕ ныфс дардтам. Цӕй ӕмӕ фырцинӕй зарӕм ӕмӕ цин кӕнӕм, цы ирвӕзындзинад дӕтты, ууыл»+.
10 Йегъовӕ ацы хохыл йӕ къух ӕруадздзӕн+, ӕмӕ Моав йӕ бынаты ныннӕмдзысты+, хъӕмп фаджысы куыд ныннӕмынц, афтӕ+.
11 Йе ’хсӕн* йӕ къухтӕ сисдзӕн, адӕймаг ленк кӕнгӕйӕ йӕ къухтӕ куыд фӕисы, афтӕ, ӕмӕ йын йӕ сӕрбӕрзонддзинад+ йӕ къухты рӕвдз змӕлдӕй къӕхты бынмӕ ӕрӕппардзӕн.
12 Уый ныппырх кӕндзӕн фидаргонд горӕт дӕ* бӕрзонд фидар къултимӕ, фегад ӕй кӕндзӕн, ӕрӕппардзӕн ӕй зӕхмӕ, рыгмӕ+.
Фиппаинӕгтӕ
^ Комк. «аныхъуырдзӕн».
^ Комк. «аныхъуырдзӕн».
^ Ома Моавы ’хсӕн.
^ Ӕвӕц., дзуры Моавӕн.
