Йеремийы хъарӕг 3:1—66
3 Ӕз дӕн, Хуыцауы судзгӕ мастӕй хъизӕмӕртты+ хай чи баци, уый.
2 Уый ӕз дӕн, кӕй акодта ӕмӕ рухсы нӕ, фӕлӕ талынджы кӕй ракӕн-бакӕн кодта+.
3 Уый ӕз дӕн, ӕнӕхъӕн бон кӕй ныхмӕ цӕуы+.
ב [Бет]
4 Мӕ буар мын ныххус кодта, мӕ царм мын баихсийын кодта+. Ныцъцъӕл мын кодта ме стджытӕ+.
5 Мӕ алыварс мын къул самадта, маргджын кӕрдӕг+ мын мӕ алыварс+ сзайын кодта ӕмӕ мыл зындзинӕдтӕ ӕртыхсын кодта.
6 Раджы кӕддӕр чи амард, ахӕм адӕймагау+ мӕ талынг ран сбадын кодта+.
ג [Ги́мел]
7 Мӕ размӕ мын дурӕй къул самадта, цӕмӕй ӕддӕмӕ ма рахизон+. Уӕззау ӕрхуы хъадамантӕ+ мыл бакодта.
8 Куы йӕм фӕдзыназын, ӕххуыс дзы куы фӕкурын, уӕд мын мӕ куывдӕн йӕ фӕндаг ӕрӕхгӕны+.
9 Мӕ фӕндӕгтӕ мын лӕгъзгонд дуртӕй амад къулӕй ӕрӕхгӕдта+. Мӕ цӕуӕнтӕ мын ныззылынтӕ кодта+.
ד [Да́лет]
10 Арсау мӕ размӕ бабадти+, домбайау ӕрӕмбӕхст+, ӕмӕ мӕ аскъуыдтӕ кӕнынмӕ хъавы.
11 Мӕ фӕндӕгтӕ мын схӕццӕтӕ кодта. Афтӕ мын бакодта, ӕмӕ ницыуал аразын. Ӕппындӕр мын ницыуал ныууагъта+.
12 Йе ’рдын ӕрбакъӕдз кодта+, фатӕй мӕм ныхъхъавыд+.
ה [Хе]
13 Мӕ уыргты мын ныссагъта йӕ фаттӕ, йӕ фатдоны фыртты+.
14 Мӕ ныхмӕ чи цӕуы, уыдон мыл худынц+, бон-изӕрмӕ мыл зарджытӕ кӕнынц+.
15 Мастӕй мӕ ныддӕнгӕл кодта+. Хъыцъы дӕттӕ мын бадардта*+.
ו[Вав]
16 Хуырӕй мын мӕ дӕндӕгтӕ мур кӕны+. Фӕнычы мӕ сӕвдылдта+.
17 Дӕхицӕй мӕ аппӕрстай, ӕмӕ мӕ уд ӕнцой нал ары. Мӕ хъуыдыйы хорзӕй ницыуал баззад+.
18 Мӕхицӕн фӕзӕгъын: «Мӕ кад ӕрбайсӕфт ӕмӕ мӕ Йегъовӕйӕ цы ныфс уыд, уый нал ис»+.
ז [За́йин]
19 Ма мын ферох кӕн мӕ хъизӕмар, ма ферох кӕн, хауӕггаг кӕй фӕдӕн+, хъыцъы дӕттӕ кӕй нуазын, маргджын кӕрдӕг кӕй хӕрын, уый+.
20 Уыдӕттӕ ӕнӕмӕнг дӕ зӕрдыл ӕрлӕудзысты ӕмӕ мӕм дӕхи ӕркъул кӕндзынӕ+.
21 Гъе уый мӕ зӕрдыл дардзынӕн+. Гъе уый тыххӕй ӕнхъӕлмӕ кӕсдзынӕн+.
ח [Хет]
22 Мах нӕ фесӕфтыстӕм+ Йегъовӕйы ӕнувыд уарзты фӕрцы+, уымӕн ӕмӕ ӕгӕрон у йӕ фӕлмӕнзӕрдӕдзинад+.
23 Йӕ фӕлмӕнзӕрдӕдзинад алы райсом дӕр сног вӕййы+. Ды алкӕддӕр дӕ иузӕрдион+.
24 «Йегъовӕ у мӕ хай+,– зӕгъы мӕ уд,– ӕмӕ йӕм уый тыххӕй ӕнхъӕлмӕ кӕсдзынӕн»+.
ט [Тет]
25 Йегъовӕйыл йӕ ныфс чи дары, чи йӕ агуры+, уымӕн* уый бирӕ хӕрзты цӕуы+.
26 Хорз у, адӕймаг ӕнӕдзургӕйӕ+ куы фенхъӕлмӕ кӕсы+, Йегъовӕ йӕ кӕд фервӕзын кӕндзӕн, уымӕ+.
27 Хорз у, адӕймаг ӕфсондз йе ’взонджы бонты куы фӕхӕссы+.
י [Йод]
28 Хибарӕй бадӕд ӕмӕ мацы дзурӕд+, уымӕн ӕмӕ йыл уыцы уаргъ Хуыцау сӕвӕрдта+.
29 Рыджы ныддӕлгом уӕд+. Чи зоны ма исты ныфс ис+.
30 Чи йӕ цӕвы, уымӕ йӕ уадул бадарӕд+. Фидистӕй бафсӕдӕд+.
כ [Каф]
31 Уымӕн ӕмӕ нӕ Йегъовӕ ӕнустӕм нӕ ныууадздзӕн+.
32 Кӕд нӕ масты хай бакодта+, уӕддӕр нын батӕригъӕд кӕндзӕн, уымӕн ӕмӕ ӕгӕрон у йе ’нувыд уарзт+,
33 Уымӕн ӕмӕ адӕймаджы фыртты йӕхи зӕрдӕйы фӕндӕй нӕ бафхӕры ӕмӕ нӕ фӕриссын кӕны+.
ל [Ла́мед]
34 Фӕлӕ зӕххыл цыдӕриддӕр ахст адӕм ис+, уыдоны къӕхты бын куы фессӕндынц+,
35 Адӕймагӕн Иунӕг Стыр Хуыцауы раз тӕрхоны йӕ хъуыддагмӕ куы не ’ркӕсынц+,
36 Адӕймагӕн тӕрхоны йӕ хъуыддаг рӕстӕй куы нӕ равзарынц, уӕд уый Йегъовӕйы зӕрдӕмӕ нӕ фӕцӕуы+.
מ [Мем]
37 Чи загъта, афтӕ ӕмӕ афтӕ уыдзӕн, зӕгъгӕ, ӕмӕ йӕ ныхас кӕмӕн ӕрцыд, Йегъовӕ йӕ не ’рцӕуын кодта, афтӕмӕй?+
38 Иунӕг Стыр Хуыцауы дзыхӕй уыцы иу рӕстӕг ӕвзӕр хабар ӕмӕ хорз хабар нӕ рацӕуы+.
39 Куыд хъуамӕ хъаст кӕна адӕймаг+, йӕ тӕригъӕд ӕй цӕмӕ ӕркодта, уый тыххӕй?+
נ [Нун]
40 Ӕркӕсӕм нӕ фӕндӕгтӕм, раиртасӕм+ сӕ ӕмӕ Йегъовӕмӕ раздӕхӕм+.
41 Уӕларвон Хуыцаумӕ саразӕм нӕ зӕрдӕтӕ ӕмӕ йӕм нӕ къухтӕ сивазӕм+.
42 «Мах тӕригъӕд ракодтам, дӕ ныхмӕ цыдыстӕм+. Ӕмӕ нын ды нӕ ныххатыр кодтай+.
ס [Са́мех]
43 Ды дӕхимӕ фӕндаг фыдӕхӕй ӕрӕхгӕдтай+ ӕмӕ нӕ фӕдыл зилыс+. Ды мардтай, никӕуыл ауӕрстай+.
44 Ды бӕзджын мигътӕй дӕхимӕ фӕндаг ӕрӕхгӕдтай+, цӕмӕй дӕм куывд ма хӕццӕ кӕна+.
45 Адӕмты ’хсӕн нӕ бырон ӕмӕ ӕнӕхъӕугӕ уӕлдӕйттӕ фестын кодтай»+.
פ [Пе]
46 Не знӕгтӕ нӕм се ’ппӕт дӕр сӕ дзыхтӕ бахӕлиу кодтой+.
47 Нӕ хай баисты тасдзинад ӕмӕ дзыхъхъ+, заууатмӕ ӕрцыдыстӕм, ныппырх нӕ кодтой+.
48 Мӕ адӕмы чызг кӕй бабын, уый тыххӕй мӕ цӕссыг лӕсӕнтӕ кӕны+.
ע [А́йин]
49 Мӕ цӕстытӕ цӕугӕдӕттӕ фестадысты, басабыр кӕнӕн ӕмӕ сын бауромӕн нал ис+,
50 Цалынмӕ Йегъовӕ уӕларвӕй не ’ркӕса ӕмӕ йӕ адӕмы хъизӕмӕрттӕ нӕ фена, уӕдмӕ+.
51 Мӕ уд хъизӕмар кӕны, мӕ цӕстытӕ цы уынынц, уый тыххӕй+ – мӕ горӕты чызджыты тыххӕй+.
צ [Ца́де]
52 Маргъыл куыд фӕцуан кӕнынц, афтӕ мыл цуан кодтой ме знӕгтӕ+, ӕппындӕр ницӕй тыххӕй+.
53 Мӕ цард мын дзыхъхъы бабын кодтой+, дуртӕй мыл балӕууыдысты.
54 Дӕттӕ мӕ сӕрты кӕлын райдыдтой+, ӕмӕ загътон: «Бабын дӕн!»+
ק [Коф]
55 Арф дзыхъхъӕй дӕм дӕ номӕй сидтӕн, о Йегъовӕ+.
56 Ды мын фехъусдзынӕ мӕ хъӕлӕс+. Ӕнцойдзинад дӕ куы курон, ӕххуысмӕ дӕм куы сидон, уӕд-иу дӕ хъус ма сӕхгӕн+.
57 Цы бон дӕм сдзынӕзтон, уыцы бон мӕм дӕхи ӕрбаввахс кодтай+ ӕмӕ мын загътай: «Ма тӕрс»+.
ר [Реш]
58 О Йегъовӕ, ды тӕрхоны мӕ сӕрыл рахӕцыдтӕ+. Фервӕзын мӕ кодтай+.
59 Цытӕ мын бавзарын кодтой, уый федтай, о Йегъовӕ+. Ӕмӕ мын мӕ хъуыддаг равзар+.
60 Ды федтай, сӕ маст мӕ куыд истой, мӕ ныхмӕ фыдвӕндтӕ куыд кодтой, уыдӕттӕ иууылдӕр+.
ש [Син] кӕнӕ [Шин]
61 О Йегъовӕ, ды сын фехъуыстай сӕ фидистӕ, мӕ ныхмӕ цы фыдвӕндтӕ кодтой, уыдон иууылдӕр+,
62 Мӕ ныхмӕ чи цӕуы, уыдоны ныхӕстӕ+ ӕмӕ, бон-изӕрмӕ мӕн тыххӕй куыд сусу-бусутӕ кодтой, уый+.
63 Ӕркӕс, куыд ӕрбадынц ӕмӕ куыд сыстынц, уымӕ+. Сӕ зарӕджы сӕр ӕз дӕн+.
ת [Тав]
64 О Йегъовӕ, ды сын бафиддзынӕ сӕ хъуыддӕгтӕм гӕсгӕ+.
65 Сӕ зӕрдӕтӕ сын ныддур кӕндзынӕ+, де ’лгъыст сӕ баййафдзӕн+.
66 Мӕстӕй судзгӕйӕ сӕ фӕдыл зилдзынӕ,+ Йегъовӕ, арвы бын сӕ кой куыд мауал уа, афтӕ сын бакӕндзынӕ+.
א [А́леф]
Фиппаинӕгтӕ
^ Комк. «скъӕлдзойӕ мӕ бафсӕста». Кӕс 19 ст. дӕр.
^ Комк. «уыцы удӕн»; «уд» – дзут. не́феш. Кӕс Уӕлӕмх. 6.