Йереми 41:1—18
41 Ӕвдӕм мӕйы паддзахы байзӕддаг+ Измаил+, Елишамӕйӕн+ йӕ фырт Нефанийы фырт, паддзахимӕ-иу цы хицӕуттӕ уыди, уыдонӕй иу, ӕмӕ йемӕ дӕс адӕймаджы+ ӕрцыдысты Ахикамы фырт Гедалимӕ Массифӕмӕ+. Ӕмӕ Массифӕйы иумӕ минас кӕнын райдыдтой+.
2 Уӕд иуафон Нефанийы фырт Измаил ӕмӕ, йемӕ цы дӕс лӕджы уыди, уыдон фестадысты ӕмӕ Гедалийы, Шафанӕн йӕ фырт Ахикамы фырты, хъамайӕ барӕхуыстой+. Афтӕ Измаил амардта, Вавилоны паддзах уыцы бӕстӕйы сӕргъы кӕй сӕвӕрдта, уый+.
3 Измаил ма амардта, Гедалиимӕ Массифӕйы чи уыд, уыцы дзуттӕгты се ’ппӕты дӕр ӕмӕ дзы халдейаг ӕфсӕддонтӕй чи уыд, уыдоны дӕр.
4 Гедалийы куы амардтой, уымӕй дыккаг бон, хабар куы ничима базыдта, уӕд+
5 Сихемӕй+, Силомӕй+ ӕмӕ Самарийӕ+ ӕрцыди ӕстай адӕймаджы, сӕ боцъотӕ ныддастой+, сӕ уӕлӕдарӕс ӕрыскъуыдтой ӕмӕ сӕхи ныллыгтӕ кодтой, афтӕмӕй+. Сӕ къухты уыди хоры кувинаг ӕмӕ урс буд+ – хъуамӕ сӕ бахастаиккой Йегъовӕйы хӕдзармӕ.
6 Нефанийы фырт Измаил Массифӕйӕ сӕ размӕ кӕугӕйӕ рацыд+ ӕмӕ сӕм куы бахӕццӕ, уӕд сын загъта: «Цомут Ахикамы фырт Гедалимӕ».
7 Ӕмӕ куыддӕр горӕтмӕ бацыдысты, афтӕ сӕ Нефанийы фырт Измаил ӕмӕ йӕ адӕм амардтой ӕмӕ сӕ доны дзыхъхъы ныппӕрстой+.
8 Фӕлӕ уыдоны ’хсӕн уыди дӕс лӕджы, ӕмӕ сӕм куыддӕр Измаил йӕ къух систа, афтӕ йын загътой: «Ма нӕ амар, махӕн быдыры ӕмбӕхст ис хӕринаг: мӕнӕу, хъӕбӕрхор, сой ӕмӕ мыд»+. Ӕмӕ Измаил дӕр йӕхи фӕурӕдта ӕмӕ сӕ се ’фсымӕртау нӕ амардта.
9 Измаил+, кӕй амардта, уыцы адӕмӕн сӕ мӕрдтӕ цы доны дзыхъхъы ныппӕрста, уый уыд тынг стыр. Скъахта йӕ паддзах Асӕ, Израилы паддзах Ваасӕ йӕм ныббырсынмӕ куы хъавыд, уӕд+. Уыцы дзыхъхъ Нефанийы фырт Измаил байдзаг кодта мӕрдтӕй.
10 Уый фӕстӕ Измаил, Массифӕйы+ ма цы адӕм уыд, уыдоны се ’ппӕты дӕр уацары акодта. Акодта паддзахы чызджыты+ ӕмӕ ма Массифӕйы чи баззад, уыцы адӕмы се ’ппӕты дӕр+ – хъахъхъӕнджыты хистӕр Навузардан Ахикамы фырт Гедалийы бар кӕй бакодта, уыдоны+. Нефанийы фырт Измаил сӕ уацары акодта ӕмӕ ацыд, цӕмӕй цӕугӕдоныл Аммоны фырттӕм ахызтаид+.
11 Цасдӕры фӕстӕ Карейы фырт Иоханан+ ӕмӕ, йемӕ чи уыд, уыцы ӕфсады хистӕртӕ+ фехъуыстой, Нефанийы фырт Измаил цытӕ бакодта, уый.
12 Ӕмӕ уӕд адӕмы ракодтой ӕмӕ ацыдысты, цӕмӕй Нефанийы фырт Измаилимӕ схӕцыдаиккой, ӕмӕ йӕ ссардтой Гаваоны, стыр дӕтты цур+.
13 Измаилимӕ цы адӕм уыд, уыдон Карейы фырт Иохананы ӕмӕ, йемӕ чи уыд, уыцы ӕфсады хистӕрты куы федтой, уӕд бацин кодтой.
14 Ӕмӕ, Измаил Массифӕйӕ+ уацары кӕй ракодта, уыцы адӕм иууылдӕр фездӕхтысты ӕмӕ Карейы фырт Иохананмӕ ацыдысты.
15 Нефанийы фырт Измаил та ӕмӕ ма йемӕ аст лӕджы Иохананы къухӕй аирвӕзтысты+ ӕмӕ Аммоны фырттӕм алыгъдысты.
16 Карейы фырт Иоханан+ ӕмӕ, йемӕ чи уыд, уыцы ӕфсады хистӕртӕ Нефанийы фырт Измаилы къухӕй байстой, Измаил Ахикамы фырт Гедалийы+ куы амардта, уӕд Массифӕйӕ уацары кӕй акодта, уыдоны: нӕлгоймӕгты, хӕстонты, устыты, сывӕллӕтты ӕмӕ паддзахы фӕсдзӕуинты – Гаваонӕй кӕй ӕркодта, уыцы адӕмы.
17 Стӕй ацыдысты ӕмӕ ӕхсӕвы ӕрлӕууыдысты Кимгамы, Вифлеемы+ раз, цӕмӕй уый фӕстӕ Египетмӕ ацыдаиккой+,
18 уымӕн ӕмӕ халдейтӕй+ тарстысты+. Тӕрсгӕ та сӕ уымӕн кодтой, ӕмӕ Нефанийы фырт Измаил амардта Ахикамы фырт Гедалийы+, Вавилоны паддзах уыцы бӕстӕйы сӕргъы кӕй сӕвӕрдта, уый+.