Нееми 10:1—39
10 Сӕ мыхуыр+ ыл сӕвӕрдтой:
тиршафӕ+ Нееми+, Ахалийы+ фырт,стӕй Седеки,
2 Серайӕ+, Азари, Йереми,
3 Пашхур, Амари, Малхи,
4 Хаттуш, Шевани, Маллух,
5 Харим+, Меремоф, Овади,
6 Данел+, Гиннефон, Варух,
7 Мешуллам, Ави, Миамин,
8 Маази, Вилгай ӕмӕ Шемайӕ – адон уыдысты сауджынтӕ.
9 Левиттӕ: Азанийы фырт Йешуа+, Хенадады+ фырттӕй Биннуй, стӕй Кадмиил
10 ӕмӕ се ’фсымӕртӕ Шевани+, Годи, Клитӕ, Фелай, Ханан,
11 Миха, Рехов, Хашави,
12 Заккур, Шереви+, Шевани,
13 Годи, Вани ӕмӕ Венинуй.
14 Адӕмы хистӕртӕ: Парош, Пахаф-Моав+, Елам, Заффу, Вани,
15 Вунни, Азгад, Бевай,
16 Адони, Бигвай, Адин,
17 Атер, Езеки, Азур,
18 Годи, Хашум, Бецай,
19 Хариф, Анафоф, Невай,
20 Магпиаш, Мешуллам, Хезир,
21 Мешезавел, Садок, Иаддуй,
22 Фелати, Ханан, Анайӕ,
23 Оси, Ананийӕ, Хашшув,
24 Галлохеш, Пилхӕ, Шовек,
25 Рехум, Хашавнӕ, Маасейӕ,
26 Ахи, Ханан, Анан,
27 Маллух, Харим ӕмӕ Ваанӕ.
28 Ӕмӕ иннӕ адӕм дӕр – сауджынтӕ+, левиттӕ+, дуаргӕстӕ+, зарӕггӕнджытӕ+, нефинейтӕ+ ӕмӕ, йӕхи чидӕриддӕр нӕ алыварс цӕрӕг адӕмтӕй фӕхицӕн кодта+, цӕмӕй ӕцӕг Хуыцауы закъоныл+ хӕца, уыдон, стӕй сӕ устытӕ, сӕ фырттӕ ӕмӕ сӕ чызджытӕ ӕмӕ, ӕмбарынхъом чидӕриддӕр уыд, уыдон+,–
29 се ’ппӕт дӕр се ’фсымӕртимӕ+, сӕ кадджын лӕгтимӕ+, расомы кодтой*+, кӕй цӕрдзысты ӕцӕг Хуыцауы закъонмӕ гӕсгӕ, ӕцӕг Хуыцауы лӕггадгӕнӕг Моисейы уылты чи ӕрцыд лӕвӕрд, уыцы закъонмӕ гӕсгӕ+, ӕмӕ нӕ Хицау Йегъовӕйы фӕдзӕхстытыл+, йӕ тӕрхӕттыл ӕмӕ йӕ уагӕвӕрдтыл+ кӕй хӕцдзысты ӕмӕ сӕ кӕй ӕххӕст кӕндзысты+.
30 Мах дзырд радтам, нӕ чызджыты нӕ алыварс цӕрӕг адӕмтӕн кӕй нӕ дӕтдзыстӕм, стӕй сын сӕ чызджыты дӕр нӕ лӕппутӕн кӕй нӕ курдзыстӕм+.
31 Стӕй-иу нӕм нӕ алыварс цӕрӕг адӕмтӕ+ сабаты уӕй кӕнынмӕ хор кӕнӕ ӕндӕр исты куы ’рбахӕссой, уӕд-иу сӕ ницы райсдзыстӕм – нӕдӕр сабаты+, нӕдӕр ӕндӕр сыгъдӕг бон+. Ӕвдӕм аз та-иу зӕхх нӕ бакусдзыстӕм+ ӕмӕ нӕ хӕс чи дара, уыдонӕн-иу ӕй нал бафидын кӕндзыстӕм+.
32 Уымӕй уӕлдай нӕ алчидӕр йӕхимӕ уыцы хӕс райста, алы аз дӕр сиклы* ӕртыккаг хай кӕй дӕтдзӕн, нӕ Хуыцауы хӕдзары лӕггад кӕнынӕн цы хъӕуы, уыдӕттӕн+:
33 нывонд дзултӕн+, алы бон дӕр кӕй хъӕуы хӕссын, уыцы хоры кувинагӕн+, сабатбонты+ ӕмӕ, мӕй куы сног вӕййы+, уыцы бонты кӕй фӕхъӕуы хӕссын, уыцы судзинаг нывӕндтӕн, бӕрӕгбӕттӕн+, табуйаг цы у+, уыдӕттӕн, Израилы адӕмы тӕригъӕдӕй ссыгъдӕг кӕнынӕн цы нывӕндтӕ фӕхӕссынц+, уыдонӕн ӕмӕ нӕ Хуыцауы хӕдзары ӕппӕт куыстытӕн дӕр+.
34 Хӕлттӕ сӕппӕрстам+ ӕмӕ афтӕмӕй сбӕлвырд кодтам, сауджынтӕй, левиттӕй ӕмӕ адӕмӕй сӕ хӕдзарвӕндӕгтӕм гӕсгӕ нӕ Хуыцауы хӕдзармӕ алы афӕдз дӕр суг чи кӕд хӕсдзӕн+, уый, цӕмӕй сӕ нӕ Хуыцау Йегъовӕйы нывондхӕссӕныл судзой+, закъоны куыд фыст ис, афтӕ+.
35 Стӕй ма дзырд радтам, алы аз дӕр нӕ зӕххы фыццаг тыллӕг+ ӕмӕ бӕлӕсты фыццаг дыргътӕ+ Йегъовӕйы хӕдзармӕ кӕй хӕсдзыстӕм
36 ӕмӕ нӕ Хуыцауы хӕдзармӕ, нӕ Хуыцауы хӕдзары чи лӕггад кӕны, уыцы сауджынтӕм кӕй кӕндзыстӕм+ алы фыццаггуырды+ дӕр – нӕ фырттӕй дӕр ӕмӕ нӕ фосӕй+ дӕр, закъоны куыд фыст ис+, афтӕ. Ӕрбакӕндзыстӕм-иу фыццагзад нӕл фос не стуртӕй дӕр ӕмӕ нӕ лыстӕг фосӕй дӕр+.
37 Ӕмӕ ма нӕ Хуыцауы хӕдзары хӕрӕндӕттӕм сауджынтӕм хӕсдзыстӕм+, фыццаг кӕй ӕрыссӕм, ахӕм ставд ссад+, мысайнӕгтӕ+, алыхуызон бӕлӕсты дыргътӕ+, ног сӕн+ ӕмӕ сой+ дӕр. Нӕ зӕххы тыллӕгӕй дӕсӕм хай та дӕтдзыстӕм левиттӕн+, уымӕн ӕмӕ нӕм зӕххы куыст кӕмдӕриддӕр кӕнынц, уыцы горӕтты адӕм левиттӕн хъуамӕ дӕттой дӕсӕм хай.
38 Левиттӕ-иу дӕсӕм хай куы исой, уӕд семӕ хъуамӕ уа сауджын, Аароны фырт. Ӕмӕ-иу левиттӕ сӕ дӕсӕм хайӕ хъуамӕ дӕсӕм хай раттой Хуыцауы хӕдзармӕ+, къӕбицы цы хӕрӕндӕттӕ ис+, уырдӕм.
39 Израилы фырттӕ ӕмӕ левитты фырттӕ мысайнагӕн кӕй ӕрбахӕссынц+, уыцы хор, ног сӕн+ ӕмӕ сой хъуамӕ хӕссой, кувӕндоны мигӕнӕнтӕ кӕм сты ӕмӕ сауджынтӕ+, дуаргӕстӕ+ ӕмӕ зарӕггӕнджытӕ+ кӕм лӕггад кӕнынц, уыцы хӕрӕндӕттӕм. Мах нӕхицӕн фидарӕй загътам, нӕ Хуыцауы хӕдзар рохуаты кӕй нӕ ныууадздзыстӕм+.
Фиппаинӕгтӕ
^ Дзут. тексты цы дзырд ис, уый нысан кӕны ахӕм сомы, ӕмӕ адӕймаг йӕхи куы ралгъиты, зӕгъгӕ, афтӕ куы нӕ бакӕнон, уӕд мыл афтӕ ӕмӕ афтӕ ӕрцӕуӕд.
^ Иу сикл у 11,4 г.
