Нымӕцтӕ 23:1—30
23 Ӕмӕ Валаам Валакӕн загъта: «Ацы бынаты мын скӕн авд нывондхӕссӕны+ ӕмӕ мын ӕрцӕттӕ кӕн авд галы ӕмӕ авд фыры».
2 Валак дӕр уайтагъд бакодта, Валаам куыддӕриддӕр загъта, афтӕ. Уый фӕстӕ Валак ӕмӕ Валаам алы нывондхӕссӕныл дӕр нывондӕн ӕрхастой фӕйнӕ галы ӕмӕ фӕйнӕ фыры+.
3 Ӕмӕ Валаам Валакӕн загъта: «Ды ам дӕ судзинаг нывӕндты цур фӕлӕуу+, ӕз та ацӕуон. Кӕд мӕм Йегъовӕ фӕзынид+. Ӕмӕ мын цыдӕриддӕр зӕгъа, уый дын зӕгъдзынӕн». Ӕмӕ ацыди къуыбырмӕ.
4 Хуыцау Валааммӕ куы фӕзынд, уӕд ын Валаам+ загъта: «Ӕз ӕрӕвӕрдтон авд нывондхӕссӕны ӕмӕ дзы алкӕцыйыл дӕр нывондӕн ӕрхастон фӕйнӕ галы ӕмӕ фӕйнӕ фыры»+.
5 Уӕд Йегъовӕ Валаамӕн+ йе ’взагыл ныхас сӕвӕрдта ӕмӕ йын загъта: «Аздӕх Валакмӕ. Ӕмӕ зӕгъдзынӕ ацы ныхӕстӕ»+.
6 Гъемӕ Валаам дӕр ӕрыздӕхт Валакмӕ ӕмӕ федта, Валак йӕхӕдӕг дӕр ӕмӕ Моавы кънйӕзтӕ дӕр иууылдӕр кӕй лӕууынц йӕ судзинаг нывӕндты раз.
7 Ӕмӕ Валаам райдыдта йӕ ныхас+:«Моавы паддзах Валак мӕ ӕркодта Арамӕй+,Ӕркодта мӕ скӕсӕйнаг хӕхтӕй:„Ӕрцу ӕмӕ мын Иаковы ралгъит.Ӕрцу ӕмӕ Израилы фыдбылызы хай бакӕн“+.
8 Фӕлӕ, Хуыцау кӕй не ’лгъиты, уыдоны куыд ралгъитон?+Йегъовӕ фыдбылызы хай кӕй нӕ кӕны, уыдоны фыдбылызы хай куыд бакӕнон?+
9 Къӕдзӕхты цъуппытӕй сӕм кӕсын,Къуыбыртӕй сӕ уынын.Уыцы адӕм цӕрынц хибарӕй цатырты+,Уыдон иннӕ адӕмтимӕ нӕ иу кӕнынц, сӕхи нымайынц хицӕн адӕмыл+.
10 Чи банымадта Иаковы байзӕддӕгты+, зӕххы рыгау нымӕц кӕмӕн нӕй, уыдоны?Чи банымадта Израилӕн йӕ цыппӕрӕм хай дӕр?Уадз ӕмӕ ӕз* рӕстзӕрдӕ адӕмы мардӕй амӕлон+,Ӕмӕ уыдонау уӕд мӕ кӕрон»+.
11 Уӕд Валак Валаамӕн загъта: «Уый мын цы бакуыстай? Ӕз дӕ ӕркодтон, цӕмӕй мын ме знӕгты ралгъитай, ды та сӕ арфӕты бын фӕкодтай»+.
12 Валаам ын дзуапп радта: «Йегъовӕ мын ме ’взагыл цы сӕвӕра, уый хъуамӕ ма дзурон?»+
13 Уӕд та йын Валак загъта: «Курын дӕ, цом мемӕ, кӕцӕй дӕм зыной, ӕндӕр ахӕм бынатмӕ. Ӕрмӕстдӕр дӕм сӕ иу хай зындзӕн, се ’ппӕт дӕм нӕ зындзысты+. Ӕмӕ мын сӕ уырдыгӕй ралгъит»+.
14 Ӕмӕ йӕ акодта Цофимы быдырмӕ, Фасгӕйы+ хохмӕ, ӕмӕ уым скодта авд нывондхӕссӕны ӕмӕ дзы алкӕцыйыл дӕр нывондӕн ӕрхаста фӕйнӕ галы ӕмӕ фӕйнӕ фыры+.
15 Уый фӕстӕ Валаам Валакӕн загъта: «Ды ам дӕ судзинаг нывӕндты цур фӕлӕуу, ӕз та ацӕуон ӕмӕ Хуыцауимӕ аныхас кӕнон».
16 Ӕмӕ та Йегъовӕ фӕзынд Валааммӕ ӕмӕ йын йе ’взагыл ныхас сӕвӕрдта ӕмӕ йын загъта+: «Аздӕх Валакмӕ+. Ӕмӕ зӕгъдзынӕ ацы ныхӕстӕ».
17 Гъемӕ Валаам дӕр ӕрыздӕхт Валакмӕ ӕмӕ федта, Валак йӕхӕдӕг дӕр ӕмӕ Моавы кънйӕзтӕ дӕр иууылдӕр кӕй лӕууынц йӕ судзинаг нывӕндты раз. Ӕмӕ йӕ Валак бафарста: «Цы загъта Йегъовӕ?»
18 Ӕмӕ та Валаам йӕ ныхас райдыдта+:«Байхъус, Валак.Лӕмбынӕг мӕм байхъус, Сепфоры+ фырт.
19 Хуыцау адӕймаг нӕу, цӕмӕй сайа+,Адӕймаджы фырт нӕу, цӕмӕй фӕсмон кӕна+.Уый зӕгъдзӕн, ӕмӕ йӕ нӕ сараздзӕн?Йӕ дзыхӕй ныхас рацӕудзӕн, ӕмӕ йӕ нӕ сӕххӕст кӕндзӕн?+
20 Ӕз ам уый тыххӕй дӕн, цӕмӕй арфӕ кӕнон+.Ӕмӕ уый раарфӕ кодта, ӕмӕ йӕ ӕз нӕ аивдзынӕн+.
21 Хуыцау нӕ бауадздзӕн+, цӕмӕй Иаковӕн исчи кӕлӕнтӕ скӕна.Нӕ бауадздзӕн, цӕмӕй Израилыл исты фыдбылыз ӕрцӕуа.Сӕ Хуыцау Йегъовӕ семӕ ис+,Уыдон кадджын кӕнынц сӕ паддзахы.
22 Хуыцау сӕ ракӕны Египетӕй+.Израил хъӕддаг галау бырсы размӕ+.
23 Никӕй бон у Иаковӕн хинтӕ скӕнын+,Дӕсныфӕрсджытӕн ницы у сӕ бон Израилы ныхмӕ зӕгъын+.Ныр Иаков ӕмӕ Израилӕй зӕгъдзысты:„Акӕсут-ма, Хуыцау цы сарӕзта!“+
24 Адӕм домбайау сыстдзысты,Домбайау сӕхиуыл схӕцдзысты+.Не ’рхуысдзысты, цалынмӕ сӕ амӕттаджы нӕ бахӕрой,Цалынмӕ, чи фӕцагъды, уыдоны туг нӕ бануазой, уӕдмӕ»+.
25 Уӕд Валак Валаамӕн загъта: «Кӕд сӕ дӕ бон ралгъитын нӕу, уӕд сын арфӕ уӕддӕр ма кӕн».
26 Валаам та йын дзуапп радта: «Нӕ дын загътон, Йегъовӕ мын цыдӕриддӕр зӕгъа, уый кӕндзынӕн, зӕгъгӕ?»+
27 Ӕмӕ та уӕд Валак Валаамӕн загъта: «Лӕгъстӕ дын кӕнын, цом мемӕ. Иу ранмӕ ма дӕ скӕндзынӕн. Кӕд ӕцӕг Хуыцауы бафӕндид, ӕмӕ мын сӕ уырдыгӕй ралгъитис»+.
28 Ӕмӕ Валак Валаамы скодта Фегоры хохы сӕрмӕ. Уыцы хох та кӕсы Йесимоны ’рдӕм+.
29 Ӕмӕ та йын Валаам+ загъта: «Ацы бынаты мын скӕн авд нывондхӕссӕны ӕмӕ мын ӕрцӕттӕ кӕн авд галы ӕмӕ авд фыры»+.
30 Ӕмӕ Валак бакодта, Валаам ын куыддӕриддӕр загъта, афтӕ, ӕмӕ алы нывондхӕссӕныл дӕр нывондӕн ӕрхаста фӕйнӕ галы ӕмӕ фӕйнӕ фыры+.
Фиппаинӕгтӕ
^ Комк. «мӕ уд»; «уд» – дзут. не́феш. Кӕс Уӕлӕмх. 6.
