Оси 14:1—9
14 «О Израил, дӕ Хуыцау Йегъовӕмӕ раздӕх+, уымӕн ӕмӕ дӕ тӕригъӕды тыххӕй фӕкалдтӕ+.
2 Фӕсмоны ныхӕстимӕ Йегъовӕмӕ раздӕх+. Уе ’ппӕт дӕр ын зӕгъут: „Ныххатыр нын кӕн нӕ тӕригъӕдтӕ+ ӕмӕ нӕм хорзӕй цы ис, уый айс. Мах та дын, нывондӕн уӕнгуытӕ куыд ӕрхӕссынц, афтӕ нывондӕн ӕрхӕсдзыстӕм нӕ дзыхыныхас+ – кадджын дӕ кӕндзыстӕм.
3 Ассири нӕ нӕ фервӕзын кӕндзӕн+. Бӕхтыл нал цӕудзыстӕм+. Нӕ къухтӕ цы скодтой, уыдӕттӕн афтӕ нал дзурдзыстӕм: „О нӕ Хуыцау!“, уымӕн ӕмӕ сидзӕрмӕ* ӕрмӕстдӕр ды дӕ фӕлмӕнзӕрдӕ“+.
4 Ӕз сӕ сдзӕбӕх кӕндзынӕн, ӕмӕ мыл гадзрахатӕй нал цӕудзысты+. Зӕрдӕйӕ* сӕ уарздзынӕн+, уымӕн ӕмӕ сӕм нал мӕсты кӕнын+.
5 Ӕз Израилӕн уыдзынӕн ӕртӕхы хуызӕн+. Уый дидинӕгау* райхӕлдзӕн ӕмӕ Ливаны бӕласау уидӕгтӕ ауадздзӕн.
6 Йӕ къалиутӕ айваздзӕн, ӕмӕ йӕ кад оливӕбӕласы+ кадӕй къаддӕр нӕ уыдзӕн, йӕ адджын тӕф уыдзӕн Ливаны бӕласы адджын тӕфау.
7 Уыдон та ногӕй йӕ базыры аууоны цӕрдзысты+. Хор таудзысты ӕмӕ сӕнӕфсирбӕласау къуыбыр ракалдзысты+. Йӕ кой кӕндзысты, Ливаны сӕны кой куыд кӕнынц, афтӕ.
8 Ефрем зӕгъдзӕн: „Цӕмӕн ма мӕ хъӕуынц ацы мӕнгхуыцӕуттӕ?“+
Ӕз ӕй мӕхӕдӕг фехъусдзынӕн ӕмӕ йӕм мӕ хъус дардзынӕн+. Ӕз дӕн пӕлӕхсар ӕхсӕлыбӕласы хуызӕн+. Мӕныл ссардзынӕ дыргътӕ».
9 Чи у зондджын, цӕмӕй ацы хабӕрттӕ бамбара?+ Чи у ӕмбаргӕ, цӕмӕй сӕ зона?+ Йегъовӕйы фӕндӕгтӕ сты раст фӕндӕгтӕ+, ӕмӕ сыл рӕстгӕнджытӕ цӕудзысты+, фыдгӕнджытӕ та-иу сыл фӕкӕлдзысты+.
