Оси 7:1—16
7 «Израилы сдзӕбӕх кӕнын мӕ куы фӕфӕнды+, уӕд Ефремы тӕригъӕд+ ӕмӕ Самарийы фыдхъуыддӕгтӕ рабӕрӕг вӕййынц+. Сайыны куыст кӕнынц+, давджытӕ адӕмы хӕдзӕрттӕм бабырынц, абырджытӕ уынджы адӕмыл сӕхи ныццӕвынц+.
2 Сӕ фыдхъуыддӕгтӕ сын иууылдӕр кӕй ӕрхъуыды кӕндзынӕн+, уый сӕ хъуыдыйы кӕрон дӕр нӕй+. Ныр сыл сӕ хъуыддӕгтӕ ӕртыхстысты+. Иу дӕр дзы мӕнӕй сусӕг нӕу+.
3 Сӕ фыдхъуыддӕгтӕй паддзахӕн циндзинад хӕссынц. Кӕй сайынц, уый кънйӕзтӕн ӕхсызгон у+.
4 Се ’ппӕт дӕр кӕнынц хӕтгӕ+. Уыдон сты, дзулгӕнӕг кӕй стӕвд кӕны, уыцы пецы хуызӕн. Дзулгӕнӕг хыссӕ скӕны ӕмӕ, цалынмӕ нӕ сӕнхъизы, уӕдмӕ зынгтӕ нал фезмӕнты.
5 Нӕ паддзахы бон кънйӕзтӕ сӕхи ныррынчын кодтой+, сӕн фыдӕх расайдта+. Паддзах йӕ къух радта, хынджылӕг чи кӕны, уыдонмӕ.
6 Сӕ зӕрдӕ сӕ мидӕг судзы+, раст ӕй цыма пецмӕ бадардтой, уыйау+. Сӕ дзулгӕнӕг ӕнӕхъӕн ӕхсӕв фӕфынӕй кӕны, райсомӕй та пецы ногӕй пиллон арт ссудзы+.
7 Се ’ппӕт дӕр пецау сзынг сты, ӕмӕ сӕ тӕрхонгӕнджыты ныхъуырынц. Сӕ паддзӕхтӕ иууылдӕр фӕмард сты+. Иу дӕр мӕм дзы ӕххуысмӕ нӕ сиды+.
8 Ефрем иннӕ адӕмтимӕ схӕццӕ+. Ефрем сси, иннӕрдӕм кӕй не ’рфӕлдӕхтой, ахӕм дзулы хуызӕн+.
9 Йӕ тых ын ӕцӕгӕлӕттӕ бахордтой+, фӕлӕ йӕ уый нӕ зыдта+. Йӕ сӕр сурс, фӕлӕ йӕ уый та нӕ зыдта.
10 Израилӕн йӕ сӕрбӕрзонддзинад йӕ ныхмӕ ӕргом дзуры+, фӕлӕ уӕддӕр сӕ Хуыцау Йегъовӕмӕ не здӕхынц+ ӕмӕ йӕ нӕ агурынц+.
11 Ефрем сси ӕнӕмбаргӕ+, ӕнӕзонд* бӕлоны+ хуызӕн. Египетмӕ ӕххуысмӕ сидынц+, Ассиримӕ цӕуынц+.
12 Кӕдӕмфӕнды ма ацӕуой,– мӕ хыз сыл ӕрӕппардзынӕн+. Уӕларвон мӕргътау сӕ бынмӕ ӕрӕппардзынӕн+. Бафхӕрдзынӕн сӕ, се ’ппӕты дӕр куыд бафӕдзӕхстон, афтӕ+.
13 Додой сӕ къона+, уымӕн ӕмӕ мӕнӕй алыгъдысты!+ Фесӕфдзысты, уымӕн ӕмӕ мӕ разы фыдракӕнд сарӕзтой! Ӕз сӕ ирвӕзын кодтон+, уыдон та мӕнӕй мӕнг ныхӕстӕ дзырдтой+.
14 Кӕд сӕ хуыссӕнтыл ӕрдиаг кодтой, уӕддӕр мӕм ӕххуысмӕ зӕрдӕйӕ нӕ сидтысты+. Дзул ӕмӕ адджын сӕны уӕлхъус сӕ рӕстӕг ӕрвыстой+ ӕмӕ мӕ ныхмӕ цыдысты+.
15 Ӕз сын зонд амыдтон+, фидар сӕ кодтон+, уыдон та мӕ ныхмӕ фыдвӕндтӕ кодтой+.
16 Ӕмӕ та-иу аздӕхтысты, фӕлӕ, уӕлдӕр цы у, уымӕ* нӕ+. Йӕ бос кӕмӕн суӕгъд, ахӕм ӕрдыны хуызӕн систы+. Сӕ кънйӕзтӕ сӕ фауӕн ныхӕсты тыххӕй хъамайӕ сӕ мӕлӕт ссардзысты+. Ӕмӕ сыл уый тыххӕй Египеты зӕххыл худдзысты»+.
