Псалом 11:1—7
Амонӕгӕн. Давиды псалом.
11 Ӕз мӕхи Йегъовӕйы уазӕг бакодтон+.Уӕд мын куыд уӕндут афтӕ дзурын:«Маргъау атӕх дӕ хохмӕ!+
2 Уӕртӕ фыдгӕнджытӕ се ’рдын ӕрбакъӕдз кодтой+,Ӕрдынбосыл фат ӕрбавӕрдтой,Цӕмӕй йӕ талынджы рӕстзӕрдӕтыл фехсой+.
3 Рӕстдзинады бындуртӕ куы фехӕлдысты+,Уӕд рӕстгӕнӕгӕн куыд кӕнгӕ у?»
4 Йегъовӕ ис йӕ рухс кувӕндоны+.Йегъовӕйӕн йӕ паддзахбадӕн ис уӕлӕрвты+.Йӕ цӕстытӕ фӕлгӕсынц, йӕ цӕстытӕ лӕмбынӕг кӕсынц+ адӕймаджы фырттӕм.
5 Йегъовӕ лӕмбынӕг кӕсы рӕстгӕнӕгмӕ дӕр ӕмӕ фыдгӕнӕгмӕ дӕр+.Фыддзинад чи уарзы, уымӕй уый* йе сӕфт уыны+.
6 Уый фыдгӕнджытыл къӕвдайау ныккалдзӕн къӕппӕджытӕ, зынг ӕмӕ сондон+,Ӕмӕ судзгӕ дымгӕ уыдзӕн сӕ нуазӕн+.
7 Уымӕн ӕмӕ Йегъовӕ у рӕстаг Хуыцау+, уый уарзы раст хъуыддӕгтӕ+.Рӕстзӕрдӕ чи у, уыдон ын фендзысты йӕ цӕсгом+.
Фиппаинӕгтӕ
^ Комк. «йӕ уд».
