Псалом 145:1—21
Кады зарӕг. Давиды псалом.
א [А́леф]
145 Кадджын дӕ кӕндзынӕн, о мӕ Хуыцау, мӕ Паддзах+,Арфӕ кӕндзынӕн дӕ номӕн ӕнусӕй-ӕнусмӕ, мыггагмӕ+.
ב [Бет]
2 Ӕнӕхъӕн бон дын арфӕ кӕндзынӕн+,Дӕ ном дын кадджын кӕндзынӕн ӕнусӕй-ӕнусмӕ, мыггагмӕ+.
ג [Ги́мел]
3 Йегъовӕ у стыр Хуыцау, уый у стыр кады аккаг+.Куыд диссаджы Хуыцау у, ууыл зонд не ’ххӕссы+.
ד [Да́лет]
4 Фӕлтӕрӕй-фӕлтӕрмӕ ӕппӕлдзысты дӕ хъуыддӕгтӕй+,Дзурдзысты дӕ хъомысджын хъуыддӕгты тыххӕй+.
ה [Хе]
5 Мӕ хъуыдытӕ уыдзысты де стыр кад ӕмӕ намысыл+Ӕмӕ дӕ диссаджы хъуыддӕгтыл+.
ו [Вав]
6 Дзурдзысты дӕ диссаджы стыр хъуыддӕгтыл+.Ӕз дзурдзынӕн, куыд диссаджы Хуыцау дӕ, уый тыххӕй+.
ז [За́йин]
7 Дӕ хорздзинад куыд стыр у, уый тыххӕй дзурдзысты ӕнӕрынцойӕ+.Цингӕнгӕ зардзысты дӕ рӕстдзинады тыххӕй+.
ח [Хет]
8 Йегъовӕ у тӕригъӕдгӕнаг ӕмӕ фӕлмӕнзӕрдӕ+.Мӕсты кӕнынмӕ тагъд нӕ кӕны, стыр у йе ’нувыд уарзт+.
ט [Тет]
9 Йегъовӕ хорз у алкӕмӕн дӕр+,Уый фӕлмӕнзӕрдӕдзинад ӕвдисы, кӕй сфӕлдыста, уыдонмӕ се ’ппӕтмӕ дӕр+.
י [Йод]
10 Де ’ппӕт хъуыддӕгтӕ дӕ кадджын кӕндзысты, о Йегъовӕ+.Иузӕрдион дыл чи у, уыдон дын арфӕ кӕндзысты+.
כ [Каф]
11 Дзурдзысты дӕ паддзахады кады тыххӕй+Ӕмӕ де стыр хъомысы тыххӕй+.ל [Ла́мед]
12 Адӕймаджы фырттӕн дзурдзысты йӕ хъомысджын хъуыддӕгты тыххӕй+,Йӕ паддзахады кад ӕмӕ намысы тыххӕй+.
מ [Мем]
13 Дӕ паддзахад уыдзӕн ӕнустӕм+,Дӕ хицаудзинад – фӕлтӕрӕй-фӕлтӕрмӕ+.
ס [Са́мех]
14 Йегъовӕ ӕххуыс кӕны, чи ахауы, уыдонӕн+,Схӕцы, йӕ ныфс кӕмӕн асаст, уыдоныл+.
ע [А́йин]
15 Се ’ппӕтӕн дӕр дӕумӕ у се скаст+,Ӕмӕ сын ды дӕттыс хӕринаг йӕ афоныл+.
פ [Пе]
16 Дӕ къух байгом кӕныс+Ӕмӕ алкӕмӕн дӕр раттыс, йӕ зӕрдӕ цы зӕгъы, уый+.
צ [Ца́де]
17 Йегъовӕ алы хъуыддаджы дӕр архайы рӕстӕй+,Алы хъуыддаджы дӕр у иузӕрдион+.
ק [Коф]
18 Йегъовӕ хӕстӕг у, чи йӕм кувы, уыдонмӕ+,Рӕстдзинадмӕ* гӕсгӕ йӕм чи кувы, уыдонмӕ се ’ппӕтмӕ дӕр+.
ר [Реш]
19 Уый сӕххӕст кӕндзӕн, чи дзы тӕрсы, уыдонӕн сӕ зӕрдӕйы фӕндон+.Фехъусдзӕн сын сӕ дзыназын ӕмӕ сӕ фервӕзын кӕндзӕн+.
ש [Шин]
20 Йегъовӕ хъахъхъӕны, чи йӕ уарзы, уыдоны+,Фыдгӕнджыты та се ’ппӕты дӕр фесафдзӕн+.
ת [Тав]
21 Ме ’взаг кадджын кӕндзӕн Йегъовӕйы+.Иууылдӕр арфӕ кӕнӕнт йӕ сыгъдӕг номӕн ӕнусӕй-ӕнусмӕ, мыггагмӕ+.
Фиппаинӕгтӕ
^ Кӕнӕ «Ӕцӕгдзинадмӕ».
