Псалом 32:1—11
Давиды псалом. Маскил*.
32 Амондджын у, Хуыцау йӕ фыдракӕнд кӕмӕн ныббарста ӕмӕ йӕ тӕригъӕд кӕмӕн ныххатыр кодта+.
2 Амондджын у уыцы адӕймаг, йӕ рӕдыды тыххӕй Йегъовӕ дзуапп кӕмӕй не ’рдомдзӕн+Ӕмӕ хиндзинад кӕмӕ нӕй+.
3 Куы ницы дзырдтон, уӕд бон-изӕрмӕ хъӕрзыдтӕн ӕмӕ ме стджытӕ ныххус сты+,
4 Уымӕн ӕмӕ мыл ӕхсӕвӕй-бонӕй дӕ къух уӕз кодта+.Мӕ хъару байсыст, сӕрдыгон тӕвды дон куыд байсысы, афтӕ+. (Села́)
5 Ӕппынфӕстаг дын мӕ тӕригъӕд раргом кодтон, нӕ басусӕг кодтон мӕ рӕдыд+.Ӕз загътон: «Йегъовӕйӕн мӕ тӕригъӕдтӕ раргом кӕндзынӕн»+.Ӕмӕ мын ды мӕ рӕдыд ӕмӕ мӕ тӕригъӕдтӕ ныххатыр кодтай+. (Села́)
6 Уый тыххӕй дӕм, иузӕрдион дыл чи у, уыдонӕй алчидӕр кувдзӕн+,Цалынмӕ дӕ ссарӕн ис, уӕдмӕ+.Ӕмӕ йӕм ивылд доны гуылфӕнтӕ дӕр нӕ бахӕццӕ уыдзысты+.
7 Ды дӕ ме ’мбӕхсӕн бынат, ды мӕ бахъахъхъӕндзынӕ бӕллӕхӕй+.Фервӕзын мӕ кӕндзынӕ ӕмӕ мӕ алыварс хъуысдзӕн цины хъӕртӕ+. (Села́)
8 Ды загътай: «Ӕмбаргӕдзинад дын ратдзынӕн ӕмӕ дӕ цы фӕндагыл цӕуын хъӕуы, ууыл дӕ сараздзынӕн+.Ратдзынӕн дын уынаффӕ ӕмӕ дӕм мӕ цӕст дардзынӕн+.
9 Ӕнӕмбаргӕ бӕхы кӕнӕ хӕргӕфсы хуызӕн ма у+ –Цалынмӕ сыл идон кӕнӕ рохтӕ нӕ бакӕнай ӕмӕ сӕ не ’рсабыр кӕнай+,Уӕдмӕ хӕстӕг не ’рбацӕудзысты»+.
10 Фыдгӕнӕгӕн ис бирӕ мӕстытӕ+,Йӕ зӕрдӕ Йегъовӕйыл чи дары, уый та рӕвдыд у ӕнувыд уарзтӕй+.
11 Рӕстгӕнджытӕ, Йегъовӕ уӕд уӕ цин ӕмӕ уӕ зӕрдӕ райӕд+.Фырцинӕй зарут, рӕстзӕрдӕ адӕм уе ’ппӕт дӕр+.
Фиппаинӕгтӕ
^ Бӕлвырдӕй цы нысан кӕны, уый бӕрӕг нӕу. Чи зоны, нысан кӕны «ӕмдзӕвгӕ-сагъӕс».
