Псалом 38:1—22
Давиды псалом. Зӕрдыл ӕрлӕууын кӕнынӕн.
38 О Йегъовӕ, мӕстыйӕ мын ма уайдзӕф кӕн+Ӕмӕ мын зонд мӕстӕй судзгӕйӕ ма амон+.
2 Уымӕн ӕмӕ мӕ дӕ фаттӕ арф ахызтысты+Ӕмӕ мыл дӕ къух уӕз кӕны+.
3 Дӕ фыдӕхӕй мӕ буары иу ӕнӕхъӕн бынат нал баззад+.Мӕ тӕригъӕды фыдӕй ме стджытӕн ӕнцой нал ис+.
4 Мӕ рӕдыдтытӕ мӕ сӕрӕй уӕлдӕр фесты+,Уӕззау уаргъау мыл уӕз кӕнынц+.
5 Мӕ хъӕдгӕмттӕ тӕф кӕнынц, схӕф стыМе ’нӕзонддзинады тыххӕй+.
6 Ӕнцой нал зонын, бынтон ныггуыбыр дӕн+,Бон-изӕрмӕ ӕнкъардӕй рацу-бацу кӕнын+.
7 Мӕ хуылф иууылдӕр судзы,Мӕ буары иу ӕнӕхъӕн бынат нал баззад+.
8 Бандзыг дӕн, мӕ зӕрдӕ бынтон асаст,Хъӕр кӕнын мӕ зӕрдӕйы рыстӕй+.
9 О Йегъовӕ, ды уыныс, цӕмӕ бӕллын, уый,Мӕ уды хъӕрзын мын хъусыс+.
10 Мӕ зӕрдӕйы гуыпп-гуыпп цӕуы, хъару мӕм нал ис,Мӕ цӕстырухс батад+.
11 Чи мӕ уарзы, уыдон ӕмӕ ме ’мбӕлттӕ дардӕй кӕсынц мӕ хъизӕмармӕ+,Мӕ хорз зонгӕтӕ дард слӕууыдысты+.
12 Марынмӕ мӕ чи хъавы, уыдон мын къӕппӕджытӕ ӕвӕрынц+,Фыдбылыз ракӕнынмӕ мын чи хъавы, уыдон дзурынц мӕ ныхмӕ+,Бон-изӕрмӕ хъуыды кӕнынц, цы хиндзинад ӕрымысой, ууыл+.
13 Ӕз та къуырмайау мӕхи ницыхъусӕг скӕнын+,Ӕгомыгау мӕ дзых нӕ бакӕнын+.
14 Чи ницы хъусы, ахӕм адӕймаджы хуызӕн сдӕн,Ӕмӕ сӕ ныхмӕ мӕ дзыхӕй иу ныхас дӕр не схауд.
15 Уымӕн ӕмӕ дӕумӕ ӕнхъӕлмӕ кастӕн, о Йегъовӕ+,Ӕмӕ мын ды дзуапп радтай, о Йегъовӕ, мӕ Хуыцау+.
16 Ӕз дзырдтон: «Кӕннод мыл фӕуӕлахиз уыдзысты+,Мӕ къах куы фӕцуда+, уӕд мӕм уӕлейӕ дӕлӕмӕ кӕсдзысты»+.
17 Гыццыл ма бахъӕуа, ӕмӕ фӕцудыдтаин+,Мӕ уды рыст мын ӕппындӕр ӕнцой нӕ лӕвӕрдта+.
18 Ӕмӕ мӕ рӕдыды тыххӕй радзырдтон+.Мӕ тӕригъӕды тыххӕй ӕнцой нал зыдтон+.
19 Ме знӕгтӕ сфидар сты, стыхджын сты+,Кӕмӕн ницы кодтон, афтӕмӕй мӕ йе сӕфт чи уыны, уыдон сбирӕ сты+.
20 Мӕ хорздзинад мын фыстой ӕвзӕрдзинадӕй+,Хорздзинадмӕ кӕй тырныдтон, уый тыххӕй мӕ ныхмӕ цыдысты+.
21 Ма мӕ ныууадз, о Йегъовӕ.О мӕ Хуыцау, дард ма лӕуу+.
22 О Йегъовӕ, мӕ ирвӕзынгӕнӕг+,Тагъддӕр мӕм фӕзын ӕххуысмӕ+.
