Псалом 51:1—19
Амонӕгӕн. Давиды зарӕг. Вирсавиимӕ+ куы фӕрӕдыд, уый фӕстӕ йӕм пехуымпар Нафан куы бацыди, уӕд.
51 Батӕригъӕд мын кӕн, о Хуыцау, де ’нувыд уарзтмӕ гӕсгӕ+.Де стыр фӕлмӕнзӕрдӕдзинадмӕ гӕсгӕ мын ныххатыр кӕн* мӕ фыдракӕндтӕ+.
2 Бынтондӕр мын ныхс мӕ рӕдыд+,Ӕмӕ мӕ ссыгъдӕг кӕн мӕ тӕригъӕдӕй+.
3 Ӕз зонын мӕ фыдракӕндтӕ+,Мӕ тӕригъӕд ӕдзухдӕр мӕ разы ис+.
4 Дӕ разы, ӕрмӕстдӕр дӕ разы, сарӕзтон тӕригъӕд+,Дӕ цӕсты ӕвзӕр цы у, уый бакодтон+.Ды раст вӕййыс, куы фӕдзурыс, уӕд+,Ӕмӕ тӕрхон куы фӕкӕныс, уӕд дӕм фау ӕрхӕссӕн нӕ вӕййы+.
5 Ӕз тухитимӕ райгуырдтӕн тӕригъӕды+.Тӕригъӕды мидӕг сӕвзӕрдтӕн мӕ мады гуыбыны+.
6 Дӕуӕн циндзинад хӕссы, рӕстдзинад зӕрдӕйы куы уа, уый+.Баххуыс мын кӕн, цӕмӕй зонд базонон суанг мӕ зӕрдӕйы рӕбынӕй+.
7 Бапырх мӕ кӕн иссопӕй ӕмӕ мӕ ссыгъдӕг кӕн мӕ тӕригъӕдӕй, цӕмӕй сыгъдӕг уон+.Ныхс мӕ, цӕмӕй митӕй урсдӕр суон+.
8 Фехъусын мын кӕн зарын ӕмӕ цины хъӕр+,Цӕмӕй, кӕй ныппырх кодтай, уыцы стджытӕ цин кӕной+.
9 Мӕ тӕригъӕдтӕй мын дӕ цӕсгом иннӕрдӕм азил+,Ӕмӕ мын мӕ рӕдыдтытӕ иууылдӕр ныххатыр кӕн*+.
10 Скӕн мын мӕ мидӕг сыгъдӕг зӕрдӕ, о Хуыцау+,Ӕмӕ мын ратт ног зонд, цӕмӕй ӕнӕфӕцудгӕ уон+.
11 Дӕхицӕй мӕ ма аппар+Ӕмӕ мӕ дӕ сыгъдӕг тых* ма айс+.
12 Цы ирвӕзындзинад дӕттыс, уый цинӕй мӕ фӕстӕмӕ схайджын кӕн+,Ӕмӕ мын мӕ зӕрдӕйы ссудз зынг, цӕмӕй мӕ фӕнда дӕ коммӕ кӕсын+.
13 Ӕз фыдгӕнджытӕн бацамондзынӕн дӕ фӕндӕгтӕ+,Ӕмӕ дӕм тӕригъӕдджынтӕ раздӕхдзысты+.
14 Цы туг мыл ис, уымӕй мӕ ссыгъдӕг кӕн+, о Хуыцау, мӕ ирвӕзынгӕнӕг Хуыцау+,Ӕмӕ ме ’взаг цингӕнгӕйӕ дзурдзӕн дӕ рӕстдзинады тыххӕй+.
15 О Йегъовӕ, ратт мын дзурыны бар+,Ӕмӕ дӕ ме ’взаг кадджын кӕндзӕн+.
16 Дӕу нӕ хъӕуы нывонд, науӕд дын ӕй ӕрхӕссин+.Нӕу дын ӕхсызгон судзинаг нывонд+.
17 Хуыцау нывондӕн исы рыст уд+.О Хуыцау, ды зӕрдӕсаст ӕмӕ рыст адӕймагыл дӕхи нӕ атигъ кӕндзынӕ+.
18 Дӕ хорзӕхы фӕрцы Сионӕн хорздзинад ракӕн+,Самай Иерусалимы къултӕ+.
19 Уӕд дын ӕхсызгон уыдзысты рӕстдзинады нывӕндтӕ+,Судзинаг нывӕндтӕ, ӕнӕхъӕнӕй кӕй басудзынц, ахӕм нывӕндтӕ+.Уӕд дӕ нывондхӕссӕныл нывондӕн хӕсдзысты галтӕ+.
