Ромӕгтӕм 12:1—21
12 Гъемӕ уӕдӕ, ме ’фсымӕртӕ, Хуыцау тӕригъӕдгӕнаг кӕй у, уый номӕй уын лӕгъстӕ кӕнын: уӕ буӕрттӕ+ раттут удӕгас+, сыгъдӕг+ ӕмӕ, Хуыцауӕн ӕхсызгон чи у+, ахӕм нывондӕн+ – лӕггад ын кӕнут+, арф хъуыды кӕнут+, афтӕмӕй.
2 Ӕмӕ ацы дуне* мауал фӕзмут+, фӕлӕ уӕ зонд ног кӕнут+ ӕмӕ уӕ удыхъӕд ивут, цӕмӕй-иу бамбарат*+, цы у Хуыцауы фӕндон+: цы йӕм кӕсы хорз, цы йын у ӕхсызгон ӕмӕ цы у йӕ цӕсты ӕххӕст.
3 Хуыцауы стыр хорзӕхӕй хайджын кӕй дӕн, уымӕ гӕсгӕ уӕ алкӕмӕн дӕр дзурын: цы стут, уӕхицӕй уымӕй фылдӕр ӕнхъӕл ма ут+, фӕлӕ уӕ алчидӕр хъуыды кӕнӕд, Хуыцау ын цы уырнындзинад+ радта+, уымӕ гӕсгӕ, цӕмӕй ӕмбаргӕ уат+.
4 Буар иу куыд у, буары уӕнгтӕ та – бирӕ+, фӕлӕ уӕнгтӕ се ’ппӕт уыцы иу куыст куыд нӕ кӕнынц,
5 раст афтӕ мах дӕр: кӕд бирӕ стӕм, уӕддӕр стӕм иу буар+ – Чырыстиимӕ иумӕ, ӕмӕ стӕм, кӕрӕдзиимӕ баст чи у, ахӕм уӕнгтӕ+.
6 Ӕмӕ нӕ иугӕр Хуыцау йе стыр хорзӕхмӕ+ гӕсгӕ алыхуызон курдиӕттӕй* схайджын кодта+, уӕд, пехуымпар чи у, уый пехуымпариуӕг кӕнӕд, Хуыцау ын цы уырнындзинад радта, уымӕ гӕсгӕ;
7 лӕггадгӕнӕг чи у, уый дарддӕр дӕр лӕггад кӕнӕд+; иннӕты чи ахуыр кӕны+, уый сӕ дарддӕр дӕр ахуыр кӕнӕд+;
8 иннӕты чи фӕдзӕхсы, уый сӕ фӕдзӕхсӕд+; исчи исты дӕтты, уӕд дӕттӕд цӕстуарзонӕй+; разамынд чи дӕтты+, уый йӕ куыст кӕнӕд зӕрдиагӕй; хатыр чи кӕны+, уый хатыр кӕнӕд зӕрдӕйӕ.
9 Уӕ уарзт+ уӕд ӕнӕхин+. Ӕвзӕрдзинадӕй уе сӕфт уынут+, хорз цы у, ууыл та фидар хӕцут+.
10 Кӕрӕдзи уарзут ӕфсымӕртау+ фӕлмӕн уарзтӕй. Кӕрӕдзийӕн кад кӕнынмӕ-иу+ иу иннӕйы разӕй фӕуӕд.
11 Уӕ хъуыддӕгты зивӕггӕнаг ма ут+. Хуыцауы сыгъдӕг тыхы фӕрцы уӕ удӕй арт уадзут+. Йегъовӕйӕн цагъартау лӕггад кӕнут+.
12 Цы ныфс уын ис, уый уын уӕд цины хос+. Зындзинӕдты фидар лӕуут+. Ӕппынӕдзух кувут+.
13 Сыгъдӕджытӕ хъуаг цӕмӕй ӕййафой, уымӕй-иу сӕм фӕкӕсут+. Алкӕддӕр ут уазӕгуарзон+.
14 Чи уӕ ’фхӕры, уыдонӕн арфӕ кӕнут+ – арфӕ+, ӕлгъитгӕ нӕ, фӕлӕ+.
15 Цин чи кӕны, уыдонимӕ цин кӕнут+, кӕугӕ чи кӕны, уыдонимӕ та кӕут.
16 Уӕхимӕ цы зӕрдӕ дарут, ахӕм зӕрдӕ дарут иннӕтӕм дӕр+. Уӕхицӕй исты ӕнхъӕл ма ут+, фӕлӕ ут сӕрныллӕг+. Уӕхимӕ зондджын ма кӕсут+.
17 Ӕвзӕрдзинад ӕвзӕрдзинадӕй макӕмӕн фидут+. Аразут, алкӕй цӕсты дӕр хорз цы у, уый.
18 Уӕ бон цы у, уый аразут, цӕмӕй алкӕимӕ дӕр хӕларӕй цӕрат+.
19 Мӕ уарзон ӕфсымӕртӕ, уӕ маст макӕмӕй исут+. Уыцы хъуыддаг Хуыцауы бар бакӕнут, цӕмӕй уый ныккала йӕ маст+, уымӕн ӕмӕ афтӕ фыст у: «Мастисӕг ӕз дӕн. Цы сын ӕмбӕлы, уый сын ӕз бакӕндзынӕн,– зӕгъы Йегъовӕ»+.
20 Фӕлӕ «де знаг ӕххормаг куы уа, уӕд ын бахӕрын кӕн, дойны куы уа, уӕд ын дон ратт+. Афтӕмӕй йын йӕ сӕрыл судзгӕ цӕхӕртӕ ӕрӕмбырд кӕндзынӕ*»+.
21 Ма бауадз, ӕмӕ дыл ӕвзӕрдзинад фӕуӕлахиз уа, фӕлӕ ӕвзӕрдзинадыл хорздзинадӕй уӕлахиз кӕн+.
Фиппаинӕгтӕ
^ Кӕнӕ «цардӕвӕрд»; грекъ. айо́н.
^ Кӕнӕ «уӕхицӕн сбӕлвырд кӕнат».
^ Комк. «лӕвӕрттӕй».
^ Ома цӕмӕй йӕ маст атадаид, судзгӕ цӕхӕртӕй ӕфсӕйнаг куыд батайы, афтӕ.
