Ӕмбисӕндтӕ 21:1—31
21 Паддзахы зӕрдӕ Йегъовӕйы къухы у цӕугӕдоны хуызӕн+ – кӕцырдӕм ӕй фӕнды, уыцырдӕм ӕй аздахы+.
2 Адӕймагӕн йӕ алы фӕндаг дӕр йӕхи цӕсты раст у+, фӕлӕ Йегъовӕ кӕсы, зӕрдӕйы цы ис, уымӕ+.
3 Рӕстӕй цӕрай ӕмӕ раст тӕрхон кӕнай, уый Йегъовӕйӕн нывӕндтӕй ӕхсызгондӕр у+.
4 Хъал цӕстытӕ ӕмӕ схъӕл зӕрдӕ+, фыдгӕнджыты цырагъ, сты тӕригъӕд+.
5 Алцыдӕр бӕстон чи кӕны, уымӕн йӕ фӕндтӕй ис пайда+, тагъд чи кӕны, уымӕн та йӕ фӕстаг цӕуы мӕгуырмӕ+.
6 Гӕды ’взагӕй хъӕздыгдзинӕдтӕ кӕнын, чи ӕрбайсӕфы, ахӕм мигъӕй уӕлдай нӕу+. Афтӕ чи кӕны, уыдон агурынц мӕлӕт+.
7 Фыдгӕнджытӕ иннӕты кӕй стигъынц, уый сӕ бабын кӕндзӕн+, уымӕн ӕмӕ сӕ нӕ фӕнды рӕстӕй архайын+.
8 Ӕцӕгӕлоны фӕндаг у зылын+, сыгъдӕг чи у, уымӕн та йӕ хъуыддӕгтӕ сты раст+.
9 Хъуырхъуыргӕнаг усимӕ иу хӕдзары цӕрыны бӕсты+ фӕлтау цары къуымы цӕр+.
10 Фыдгӕнӕджы уд бӕллы ӕвзӕрдзинадмӕ+, ӕмӕ йе ’мбалмӕ хорз цӕстӕй нӕ ракӕсдзӕн+.
11 Иннӕтыл чи худы, уый ӕфхӕрд куы баййафы, уӕд ӕвӕлтӕрд свӕййы зондджын+. Ӕмӕ зондджынӕн хъуыддаг куы бамбарын кӕнынц, уӕд фылдӕр базоны+.
12 Рӕстаг Хуыцау йӕ хъус дары фыдгӕнӕджы хӕдзармӕ+ ӕмӕ фыдгӕнджыты бӕллӕхы ӕппары+.
13 Мӕгуыры ӕрдиагмӕ йӕ хъустӕ чи сӕхгӕны+, уый йӕхӕдӕг дӕр ӕххуысмӕ сиддзӕн, фӕлӕ йын дзуапдӕттӕг нӕ уыдзӕн+.
14 Сусӕг лӕварӕй маст ссӕуы+, ӕмӕ гӕртамӕй*+ ссӕуы тыхджын маст дӕр.
15 Рӕстгӕнӕгӕн ӕхсызгон у рӕстӕй архайын+, фыдхъуыддӕгтӕ чи кӕны, уыдоныл та мӕгуыры бон акӕндзӕн+.
16 Зонды фӕндаг чи ныууадза+, уый уыдзӕн мӕрдты ’хсӕн+.
17 Хъазын ӕмӕ худын йеддӕмӕ ӕндӕр кӕй ницы мӕт ис, уый смӕгуыр уыдзӕн+; сӕн ӕмӕ сой чи уарзы, уый не схъӕздыг уыдзӕн+.
18 Рӕстгӕнӕджы балхӕныны тыххӕй раттынц фыдгӕнӕджы+, ӕмӕ мӕнгард адӕймаг уыдзӕн рӕстзӕрдӕ адӕмы бӕсты+.
19 Хъуырхъуыргӕнаг усимӕ тухӕнӕй мӕлыны бӕсты фӕлтау ӕдзӕрӕг быдыры цӕр+.
20 Зондджыны хӕдзары – агургӕ ӕмӕ ӕнӕаргӕ хӕзна ӕмӕ сой+, ӕнӕзонд та сын сӕ бынӕй рухс суадзы+.
21 Рӕстдзинадмӕ+ ӕмӕ ӕнувыд уарзтмӕ чи тырны, уый ссардзӕн цард, рӕстдзинад ӕмӕ кад+.
22 Зондджын адӕймаг къулы сӕрты бахизы тыхджынты горӕтмӕ, цӕмӕй басӕтта, сӕ зӕрдӕ цы тыхыл дарынц, уый+.
23 Йӕ дзыхӕй уӕлдай ныхас кӕмӕн не схауы ӕмӕ йе ’взаджы рохтыл хӕцын чи зоны, уый йӕ уд мастӕй хизы+.
24 Йӕхиуыл чи фервӕссыд ӕмӕ йӕ масты фӕдыл чи цӕуы, уымӕн йӕ ном – хиуылӕрвӕссон, хъал ӕмӕ хиппӕлой+.
25 Зивӕггӕнаджы йӕ бӕллицтӕ ӕркӕндзысты мӕлӕтмӕ, уымӕн ӕмӕ йӕ къухтӕ кусын нӕ комынц+.
26 Уый бон-изӕрмӕ цӕмӕдӕрты бӕллы, рӕстгӕнӕг та дӕтты ӕмӕ хӕлӕг ницы кӕны+.
27 Фыдгӕнджыты нывӕндтӕ ӕнад сты+. Ӕмӕ уӕд хӕлд адӕмы нывӕндтӕ куыннӕ хъуамӕ уой ӕнад+!
28 Сайгӕ чи кӕны, ахӕм ӕвдисӕн фесӕфдзӕн+, лӕмбынӕг хъусын чи зоны, уыцы адӕймаг та дзурдзӕн ӕнустӕм+.
29 Фыдгӕнӕг йӕхи ныцъцъаммар кӕны+, рӕстзӕрдӕ адӕймаг та йӕ фӕндӕгтыл цӕудзӕн фидар къахдзӕфтӕй+.
30 Зонд, арфуынындзинад ӕмӕ уынаффӕ Йегъовӕйы ныхмӕ куы уой, уӕд ницы сты+.
31 Бӕх ӕрцӕттӕ кӕнынц тохы бонмӕ+, фӕлӕ ирвӕзындзинад у Йегъовӕйӕ+.
Фиппаинӕгтӕ
^ Комк. «роны ӕвӕрд гӕртамӕй».
