Ӕмбисӕндтӕ 27:1—27
27 Райсомы бонӕй ма ’ппӕл+, уымӕн ӕмӕ, цы ’рхӕсдзӕн*, уый нӕ зоныс+.
2 Дӕхӕдӕг дӕхицӕй ма ’ппӕл, фӕлӕ дӕ ӕндӕр исчи раппӕлӕд. Дӕхицӕй ма ’ппӕл, фӕлӕ дӕ раппӕлӕд ӕцӕгӕлон+.
3 Дур уӕззау у, змис дӕр рог нӕу+, фӕлӕ дын ӕнӕзонд цы маст скӕна, уый сӕ дыууӕйӕ дӕр уӕззаудӕр у+.
4 Адӕймаг мӕстӕй куы рафыца, уӕд ӕгъатыр у, куы смӕсты уа, уӕд донивылдӕй уӕлдай нӕу+. Фӕлӕ хӕлӕг куы кӕна*, уӕд уымӕн та чи бафӕраздзӕн?+
5 Сусӕг уарзтӕй ӕргом уайдзӕф хуыздӕр у+.
6 Чи дӕ уарзы, уымӕн йӕ цӕфтӕ сты йе ’нувыд зӕрдӕйӕ+, йе сӕфт дӕ чи уыны, уымӕн та хорздзинады* тыххӕй лӕгъстӕ кӕнын хъӕуы+.
7 Ӕфсӕст адӕймаг фӕзгъӕр мыд йӕ къӕхты бын ссӕнды, ӕххормаг удӕн та цыфӕнды маст хӕринаг дӕр адджын у+.
8 Йӕ ахстон чи ныууадзы, уыцы цъиуӕй+ ӕмӕ, йӕ райгуырӕн бӕстӕйӕ чи сысты, уыцы адӕймагӕй уӕлдай нӕй+.
9 Сой ӕмӕ буд+ зӕрдӕйӕн куыд ӕхсызгон сты, раст афтӕ адджын у, зӕрдӕбын* уынаффӕ чи ратты, уыцы ӕмбал дӕр+.
10 Де ’мбалы ӕмӕ дӕ фыды ’мбалы ма ныууадз, ӕмӕ зындзинады куы бахауай, уӕд де ’фсымӕры хӕдзармӕ ма бацу. Дард чи цӕры, уыцы ’фсымӕрӕй хӕстӕг сыхаг хуыздӕр у+.
11 Зондджын у, мӕ хъӕбул, ӕмӕ мын мӕ зӕрдӕ рухс кӕн+, цӕмӕй мӕ бон уа, фидистӕ мын чи кӕны, уымӕн дзуапп дӕттын+.
12 Ӕмбаргӕ адӕймаг фыдбылыз куы фены, уӕд дзы йӕхи бахизы+, ӕвӕлтӕрдтӕ та размӕ ацӕуынц ӕмӕ бӕллӕхы бахауынц+.
13 Исчи ӕцӕгӕлоны тыххӕй дзырд куы ратта, уӕд ын райс йӕ уӕлӕдарӕс+, ӕмӕ хӕлд сылгоймагимӕ* чи баиу уа, уымӕй исты райс цъынды+.
14 Сӕумӕцъӕхӕй искӕмӕн хъӕрӕй чи арфӕ кӕны, уымӕн йӕ ныхӕстӕ ӕлгъыстыл банымайдзысты+.
15 Къӕвдабон цар куыд тӕдза ӕмӕ хӕдзары фӕлӕууӕн куыд нӕ уа, афтӕ у хъуырхъуыргӕнаг ус дӕр+.
16 Уый чи уромы, уый уромы дымгӕ ӕмӕ йӕ рахиз армы уромы сой.
17 Ӕфсӕйнаг ӕфсӕйнаджы цыргъ кӕны, адӕймаг та – адӕймаджы+.
18 Легъуибӕлас чи хъахъхъӕны, уый йын хӕрдзӕн йӕ дыргътӕй+, ӕмӕ йӕ хицауы чи хъахъхъӕны, уымӕн уыдзӕн кад+.
19 Адӕймаг доны йӕ цӕсгом куыд фены, афтӕ иу адӕймаг иннӕйы зӕрдӕйы фены йӕхи зӕрдӕ.
20 Ингӕн* ӕмӕ сау сыджыт*+ сты ӕнӕфсис+. Афтӕ ӕнӕфсис у адӕймаджы цӕст дӕр+.
21 Тайынгӕнӕн мигӕнӕн у ӕвзистӕн+, пец – сызгъӕринӕн+, адӕймаг та рабӕрӕг вӕййы, куы дзы раппӕлынц, уӕд+.
22 Ӕнӕзонд адӕймаджы цъӕл хоримӕ фӕхты мидӕг хойӕнӕй куы хойай, уӕддӕр дзы йе ’нӕзонддзинад нӕ рахицӕн уыдзӕн+.
23 Дӕ фысты хъуамӕ хорз зонай. Дӕ дзугтӕм зӕрдиагӕй кӕс+,
24 уымӕн ӕмӕ хъӕздыгдзинӕдтӕ ӕнустӕм не сты+, ӕмӕ паддзахы кадыхуд дӕр фӕлтӕрӕй-фӕлтӕрмӕ нӕу.
25 Цъӕх кӕрдӕг нал ис, фӕзынд ног кӕрдӕг, ӕмӕ хӕхтыл зайӕгойтӕ ӕрӕмбырд кодтой+.
26 Фыркъатӕ дын – уӕлӕдарӕсӕн+, цӕутӕ – зӕххы аргъ.
27 Сӕгъы ӕхсыр та уыдзӕн дӕхи фаг дӕр, дӕ хӕдзаронты фаг дӕр ӕмӕ, дӕ хӕдзары цы чызджытӕ ис, уыдоны дарыны фаг дӕр+.
Фиппаинӕгтӕ
^ Комк. «ныййардзӕн».
^ Кӕнӕ «ӕнӕууӕнк куы кӕна», ома адӕймаг йӕ цардӕмбалыл куыд ӕнӕууӕнк кӕна, афтӕ.
^ Комк. «пъаты».
^ Комк. «йӕ удӕй»; «уд» – дзут. не́феш. Кӕс Уӕлӕмх. 6.
^ Комк. «ӕндӕрбӕстагимӕ».
^ Комк. «сӕфты (бынат)».
^ Комк. «Шеол». Кӕс Уӕлӕмх. 8.
