1 Азфыстыты 26:1—32
26 Адон сты дуаргӕсты+ къордтӕ. Корейы+ байзӕддӕгтӕй: Мешелеми+, Корӕйы фырт, Асафы фырттӕй.
2 Мешелемийы фырттӕ уыдысты: хистӕр фырт – Захари, дыккаг – Йедиаил, ӕртыккаг – Зевади, цыппӕрӕм – Иафниил,
3 фӕндзӕм – Елам, ӕхсӕзӕм – Йегъоханан, ӕвдӕм – Елегоенай.
4 Овед-Едомы+ фырттӕ уыдысты: хистӕр фырт – Шемайӕ, дыккаг – Йегъозавад, ӕртыккаг – Иоах, цыппӕрӕм – Сахар, фӕндзӕм – Нафанаил,
5 ӕхсӕзӕм – Амиил, ӕвдӕм – Иссахар, ӕстӕм – Пеулфай. Хуыцау ын афтӕ раарфӕ кодта+.
6 Йӕ фырт Шемайӕйӕн райгуырд фырттӕ. Уыдон уыдысты сӕ хӕдзарвӕндаджы хистӕртӕ, уымӕн ӕмӕ уыдысты сӕрӕн ӕмӕ тыхджын лӕгтӕ.
7 Шемайӕйы фырттӕ уыдысты Офни, Рефаил, Овид, стӕй Елзавад – йе ’фсымӕртӕ Елиуй ӕмӕ Семахи уыдысты сӕрӕн лӕгтӕ.
8 Адон иууылдӕр уыдысты Овед-Едомы фырттӕ. Сӕхӕдӕг дӕр, сӕ фырттӕ дӕр ӕмӕ се ’фсымӕртӕ дӕр уыдысты сӕрӕн лӕгтӕ, лӕггад кӕнынмӕ хорз чи арӕхст, ахӕмтӕ. Овед-Едомы фырттӕ ӕдӕппӕтӕй уыдысты ӕхсай дыууӕ адӕймаджы.
9 Мешелемийы+ фырттӕ ӕмӕ ӕфсымӕртӕ уыдысты ӕстдӕс, уыдон уыдысты сӕрӕн лӕгтӕ.
10 Мерарийы байзӕддӕгтӕй чи уыд, уыцы Хосӕйӕн уыд фырттӕ. Хистӕр уыд Шимри – хистӕр фырт уый нӕ уыд+, фӕлӕ йӕ йӕ фыд хистӕрӕй сӕвӕрдта+.
11 Дыккаг уыд Хелки, ӕртыккаг – Тевали, цыппӕрӕм – Захари. Хосӕйы фырттӕ ӕмӕ ӕфсымӕртӕ ӕдӕппӕтӕй уыдысты ӕртындӕс.
12 Дуаргӕсты къордты хистӕртӕн дӕр ӕмӕ се ’фсымӕртӕн дӕр+ Йегъовӕйы хӕдзары лӕггадгӕнгӕйӕ уыди сӕхи хӕстӕ.
13 Ӕмӕ гыццыл бинонтӕ дӕр ӕмӕ стыр бинонтӕ дӕр сӕ хӕдзарвӕндӕгтӕм гӕсгӕ+ хӕлттӕ сӕппӕрстой+, чи сӕ кӕцы кулдуары раз лӕудзӕн, уый сбӕрӕг кӕнынӕн.
14 Скӕсӕн фарс ӕрхауд Шелемимӕ+. Стӕй хӕлттӕ сӕппӕрстой йӕ фырт Захарийӕн+, зондджын уынаффӕгӕнӕгӕн+, ӕмӕ уымӕ та ӕрхауд цӕгат фарс+.
15 Овед-Едоммӕ ӕрхауд хуссар фарс, йӕ фырттӕм+ та – къӕбицтӕ+.
16 Шупим ӕмӕ Хосӕмӕ+ ӕрхауд ныгуылӕн фарс. Уый ис Шаллехеты кулдуары цур, хӕрдмӕ чи цӕуы, уыцы стыр фӕндаджы раз. Хъахъхъӕнджыты иу къорд+ лӕууыд иннӕ къорды раз+.
17 Скӕсӕнырдыгӕй лӕууыд ӕхсӕз левиты, цӕгатырдыгӕй алы бон дӕр – цыппар, хуссарырдыгӕй алы бон дӕр+ – цыппар, къӕбицты+ раз та – дыууӕ хъахъхъӕнӕджы ӕмӕ ма сӕ фарсмӕ ноджыдӕр дыууӕ хъахъхъӕнӕджы.
18 Ныгуылӕнырдыгӕй, тыргъ кӕм уыди, уым цыппарӕй лӕууыдысты стыр фӕндаджы раз+, дыууӕйӕ та – тыргъы раз.
19 Адон уыдысты, Корейы+ фырттӕй ӕмӕ Мерарийы+ фырттӕй дуаргӕстӕ чи уыд, уыдоны къордтӕ.
20 Иннӕ левиттӕй та Ахийӕн йӕ бар уыдысты ӕцӕг Хуыцауы хӕдзары хӕзнадӕттӕ+ ӕмӕ-иу Хуыцауӕн цы снывонд кодтой, уыдон+ кӕм уыдысты, уыцы хӕзнадӕттӕ.
21 Гирсоны байзӕддаг чи уыд, уыцы Лаеданы+ фырттӕй, ома Гирсоны байзӕддаг Лаеданӕй цы хӕдзарвӕндӕгтӕ рацыд, уыдоны хистӕртӕй дзы уыд Йехиел+.
22 Йехиелы фырттӕн, Зефам ӕмӕ йе ’фсымӕр Иоилӕн+, сӕ бар уыдысты Йегъовӕйы хӕдзары хӕзнадӕттӕ+.
23 Амрамы фырттӕй, Ицгары фырттӕй, Хевроны фырттӕй ӕмӕ Узиилы+ фырттӕй та дзы уыд:
24 Шевуил+, Моисейӕн йӕ фырт Гирсоны фырт, уый уыд къӕбицты хицау.
25 Йе ’фсымӕртӕй, Елиезеры+ фырттӕй дзы уыд: йӕ фырт Рехави+, уый фырт Йешайӕ, уый фырт Иорам, уый фырт Зихри ӕмӕ уый фырт Шеломоф.
26 Паддзах Давид+, хӕдзарвӕндӕгты хистӕртӕ+, минты сӕргъы ӕмӕ сӕдӕты сӕргъы чи лӕууыд, уыдон, стӕй ӕфсады хистӕртӕ Хуыцауӕн цы снывонд кодтой, уыдон+ кӕм уыдысты, уыцы хӕзнадӕттӕ уыдысты Шеломоф ӕмӕ йе ’фсымӕрты бар.
27 Хӕстыты-иу+ знагӕй цы байстой+, уымӕн-иу йӕ иу хай снывонд кодтой Йегъовӕйы хӕдзармӕ зилынӕн.
28 Цӕстылуайӕнтӕ уынӕг+ Самуил, Кисы фырт Саул, Ниры фырт Авенир+ ӕмӕ Саруйӕйы+ фырт Иоав+ Хуыцауӕн цы снывонд кодтой ӕмӕ адӕм дӕр Хуыцауӕн цыдӕриддӕр снывонд кодтой, уыдон иууылдӕр уыдысты Шеломиф ӕмӕ йе ’фсымӕрты бар.
29 Ицгары+ фырттӕй дзы уыди Хенани ӕмӕ йӕ фырттӕ. Уыдон Израилы уыдысты хицӕуттӕ ӕмӕ тӕрхонгӕнджытӕ+, ӕмӕ сӕ хӕстӕ баст уыдысты, Хуыцауы хӕдзары ӕдде+ цы хъуыддӕгтӕ уыд, уыдонимӕ.
30 Хевроны+ фырттӕй: Хашави ӕмӕ йе ’фсымӕртӕ – иу мин авдсӕдӕ сӕрӕн лӕджы+. Уыдонӕн сӕ бар уыдысты, Израилы Иорданӕй ныгуылӕнырдӕм цы зӕххытӕ уыд, уым Йегъовӕйӕн ӕмӕ паддзахӕн лӕггад кӕнынимӕ цыдӕриддӕр хъуыддӕгтӕ баст уыд, уыдон.
31 Хевроны фырттӕй Йери+ уыд, Хевронӕй цы хӕдзарвӕндӕгтӕ рацыд, уыдоны хистӕр. Давид цыппорӕм+ аз куы уыд паддзах, уӕд Хевроны фыртты ’хсӕн агурын райдыдтой хъӕбатыр ӕмӕ тыхджын лӕгты ӕмӕ сӕ ссардтой Иазеры+, Галаады+ зӕххыл.
32 Йе ’фсымӕртӕ, хӕдзарвӕндӕгты хистӕртӕ+, уыдысты сӕрӕн лӕгтӕ+ – ӕдӕппӕтӕй дыууӕ мин авдсӕдӕ адӕймаджы. Ӕмӕ сӕ паддзах Давид сӕвӕрдта Рувимы мыггаджы, Гады мыггаджы ӕмӕ Манассийы+ мыггаджы ӕмбисы сӕргъы. Сӕ бар уыдысты ӕцӕг Хуыцауы хъуыддӕгтӕ иууылдӕр ӕмӕ паддзахы хъуыддӕгтӕ+ дӕр.
