1 Азфыстыты 9:1—44
9 Израилӕгты се ’ппӕты дӕр хӕдзарвӕндӕгты номхыгъдтӕм бахастой+ ӕмӕ сӕ Израилы паддзӕхты чиныджы ныффыстой. Иудӕйы адӕмы та Вавилонмӕ уацары акодтой+, Хуыцауыл гадзрахатӕй кӕй рацыдысты, уый тыххӕй.
2 Сӕ зӕххытӕм, сӕ горӕттӕм фӕстӕмӕ фыццаг ӕрыздӕхтысты израилӕгтӕ+, сауджынтӕ+, левиттӕ+ ӕмӕ нефинейтӕ*+.
3 Иерусалимы+ цардысты Иудӕйы+ фырттӕй, Вениамины+ фырттӕй, стӕй Ефрем ӕмӕ Манассийы фырттӕй иуӕй-иутӕ:
4 Уфай (Уфай уыд Амиуды фырт, Амиуд – Амврийы фырт, Амври – Имрийы фырт, Имри – Ванийы фырт, Вани – Фаресы+ фырттӕй, Фарес та уыд Иудӕйы+ фырт),
5 Шелӕйы байзӕддӕгтӕй+ – йӕ хистӕр фырт Асайӕ ӕмӕ йӕ фырттӕ,
6 Зарайы+ фырттӕй – Йеуил ӕмӕ сӕ ӕхсӕзсӕдӕ нӕуӕдз ӕфсымӕры.
7 Вениамины фырттӕй: Саллу (Саллу уыд Мешулламы фырт, Мешуллам – Годавийы фырт, Годави – Гассенуйы фырт),
8 стӕй Йерохамы фырт Ивни ӕмӕ Илӕ (Илӕ уыд Уззийы фырт, Уззи та – Михрийы фырт), стӕй Мешуллам (Мешуллам уыд Сафатийы фырт, Сафати – Рагуилы фырт, Рагуил та – Ивнийы фырт).
9 Се ’фсымӕртӕ фыст уыдысты, чи сӕ кӕмӕй рацыд, уымӕ гӕсгӕ ӕмӕ уыдысты фарастсӕдӕ фӕндзай ӕхсӕз адӕймаджы. Се ’ппӕт дӕр – хӕдзарвӕндӕгты хистӕртӕ.
10 Сауджынтӕй: Йедайӕ, Йегъоиарив, Иахин+
11 ӕмӕ Азари+, ӕцӕг Хуыцауы хӕдзары хистӕртӕй сӕ иу (Азари уыд Хелкийы фырт, Хелки – Мешулламы фырт, Мешуллам – Садокы фырт, Садок – Мераиофы фырт, Мераиоф та – Ахитувы фырт),
12 Адай (Адай уыд Йерохамы фырт, Йерохам – Пашхуры фырт, Пашхур – Малхийы фырт) ӕмӕ Маасай (Маасай уыд Адиилы фырт, Адиил – Иахзеры фырт, Иахзер – Мешулламы фырт, Мешуллам – Мешиллемифы+ фырт, Мешиллемиф та – Иммеры фырт),
13 стӕй се ’фсымӕртӕ, хӕдзарвӕндӕгты хистӕртӕ, иу мин авдсӕдӕ ӕхсай адӕймаджы, тыхджын лӕгтӕ, ӕцӕг Хуыцауы хӕдзары лӕггад кӕнынӕн цыдӕриддӕр хъуыд, уый аразынмӕ чи арӕхст+, ахӕм нӕлгоймӕгтӕ.
14 Левиттӕй: Шемайӕ (Шемайӕ уыд Хашшувы фырт, Хашшув – Азрикамы фырт, Азрикам – Хашавийы+ фырт, Мерарийы фырттӕй),
15 Вакбакар, Хереш, Галал ӕмӕ Матфани (Матфани+ уыд Михайы+ фырт, Миха – Зихрийы+ фырт, Зихри та – Асафы+ фырт),
16 стӕй Овади (Овади уыд Шемайӕйы+ фырт, Шемайӕ – Галалы фырт, Галал – Идифуны+ фырт, Идифун – Берехийы фырт, Берехи – Асӕйы фырт, Асӕ та – Елхъаны фырт. Уый цард нетофафӕгты+ хъӕуты).
17 Дуаргӕстӕ+ уыдысты Шаллум+, Аккув, Талмон ӕмӕ Ахиман. Се ’фсымӕр Шаллум сын уыд хистӕр.
18 Раздӕр уый лӕууыд паддзахы кулдуары+ раз, скӕсӕнырдыгӕй. Ацы дуаргӕстӕ хъахъхъӕдтой Левийы+ фыртты цатыртӕ.
19 Шаллум (Шаллум уыд Корӕйы фырт, Корӕ – Евиасафы+ фырт, Евиасаф та – Корейы+ фырт+) ӕмӕ йе ’фсымӕртӕ, Корейы байзӕддӕгтӕ+, дзуапп лӕвӕрдтой, цатыры дуаргӕстӕм+ цы куыст хауд, уымӕн, сӕ фыдӕлтӕн та бахӕс кодтой, Йегъовӕ кӕм ӕрбынат кодта, уырдӕм бахизӕн хъахъхъӕнын.
20 Раздӕр сӕ хистӕр уыд Елеазары+ фырт Финеес+. Йегъовӕ уыди йемӕ+.
21 Мешелемийы фырт Захари+ дуаргӕсӕй лӕууыд ӕмбырды цатыры бахизӕны.
22 Къӕсӕртӕ хъахъхъӕнджытӕй кӕй сӕвӕрдтой, уыдон ӕдӕппӕтӕй уыдысты дыууӕсӕдӕ дыууадӕс адӕймаджы. Ӕмӕ цардысты+ сӕ цӕрӕнбынӕтты, сӕ хӕдзарвӕндӕгты номхыгъды+ куыд фыст уыдысты, уымӕ гӕсгӕ. Давид+ ӕмӕ, цӕстылуайӕнтӕ+ чи уыдта, уыцы Самуил сӕ сӕвӕрдтой уыцы бынӕтты, ӕууӕнкджын кӕй уыдысты, уый тыххӕй+.
23 Уыдонӕн ӕмӕ сӕ фырттӕн сӕ хӕс уыд Йегъовӕйы хӕдзары кулдуӕрттӕ, ома цатыр*, хъахъхъӕнын+.
24 Дуаргӕстӕ лӕууыдысты цыппарырдыгӕй: скӕсӕнырдыгӕй+, ныгуылӕнырдыгӕй+, цӕгатырдыгӕй+ ӕмӕ хуссарырдыгӕй+.
25 Се ’фсымӕртӕ-иу сӕм, кӕм цардысты, уырдыгӕй авд+ бонмӕ ӕрцыдысты ӕмӕ-иу сын ӕххуыс кодтой.
26 Дуаргӕстӕй цыппар арӕхстджын лӕгӕн, ӕууӕнкджын кӕй уыдысты, уый тыххӕй, сӕ бар бакодтой ӕцӕг Хуыцауы хӕдзары хӕрӕндӕттӕ+ ӕмӕ хӕзнадӕттӕ+. Уыдон уыдысты левиттӕ.
27 Ӕнӕхъӕн ӕхсӕв-иу лӕууыдысты ӕцӕг Хуыцауы хӕдзары алыварс, уымӕн ӕмӕ сӕ хъахъхъӕнджытӕй+ сӕвӕрдтой. Стӕй ма сын сӕ бар бакодтой дӕгъӕл дӕр, цӕмӕй-иу райсомӕй дуӕрттӕ байгом кодтаиккой+.
28 Иутӕ сӕ дзуапп лӕвӕрдтой, лӕггад кӕнгӕйӕ цы мигӕнӕнтӕй+ архайдтой, уыдоны тыххӕй: куы-иу сӕ ӕрбахастой, уӕд дӕр-иу сӕ банымадтой, ӕмӕ-иу сӕ куы рахастой, уӕд дӕр.
29 Иннӕтӕ та дзуапп лӕвӕрдтой иннӕ мигӕнӕнты тыххӕй, стӕй табуйаг+ дзауматы тыххӕй ӕмӕ ӕппӕты хуыздӕр ссад+, сӕн+, сой+, буд+ ӕмӕ бальзамы сойы+ тыххӕй дӕр.
30 Сауджынты фырттӕй чидӕртӕ бальзамы сойӕ арӕзтой хӕрздӕф сойтӕ+.
31 Левит Маттифи, Корейы байзӕддӕгтӕй Шаллумы+ хистӕр фырт, ӕууӕнкджын кӕй уыд, уый тыххӕй, дзуапп лӕвӕрдта, тебӕты цы фыхтой, уый тыххӕй+.
32 Се ’фсымӕртӕн, ома Каафы байзӕддӕгтӕй кӕмӕндӕрты, бахӕс кодтой, цӕмӕй-иу алы сабат+ дӕр скодтаиккой нывонд дзултӕ+.
33 Уыцы зарӕггӕнджытӕ+ уыдысты левитты хӕдзарвӕндӕгты хистӕртӕ ӕмӕ-иу уыдысты хӕрӕндӕтты+. Уыдон иннӕ куыстытӕй сӕрибар уыдысты+, уымӕн ӕмӕ ӕхсӕвӕй-бонӕй сӕ куысты лӕуд уыдысты+.
34 Адон сты левитты хӕдзарвӕндӕгты хистӕртӕ, сӕргълӕуджытӕ, фыст ӕрцыдысты, чи сӕ кӕмӕй рацыд, уымӕ гӕсгӕ. Ӕмӕ цардысты Иерусалимы+.
35 Гаваоны фыд Йеиел цард Гаваоны+. Йӕ ус хуынди Маахӕ.
36 Йӕ фырттӕ уыдысты: йӕ хистӕр фырт Авдон, стӕй Цур, Кис, Ваал, Нир, Надав,
37 Гедор, Ахио, Захари+ ӕмӕ Миклоф.
38 Миклофӕн райгуырд Шимеам. Уыдон се ’фсымӕртимӕ цардысты Иерусалимы, сӕ иннӕ ӕфсымӕрты фарсмӕ.
39 Нирӕн+ райгуырд Кис+. Кисӕн райгуырд Саул+. Саулӕн райгуырдысты Ионафан+, Малхисуа+, Аминадав+ ӕмӕ Ешваал+.
40 Ионафаны фырт уыд Мерив-Ваал+. Мерив-Ваалӕн райгуырд Миха+.
41 Михайы фырттӕ уыдысты Пифон, Мелех, Фарей ӕмӕ Ахаз+.
42 Ахазӕн райгуырд Иаер. Иаерӕн райгуырдысты Алемеф, Азмавеф ӕмӕ Зимри. Зимрийӕн райгуырд Моцӕ.
43 Моцӕйӕн райгуырд Биней, Бинейӕн райгуырд Рефай, Рефайӕн+ – Елеасӕ, Елеасӕйӕн та – Ацел.
44 Ацелӕн уыд ӕхсӕз фырты. Сӕ нӕмттӕ сты Азрикам, Бохру, Измаил, Шеари, Овади ӕмӕ Ханан. Адон сты Ацелы+ фырттӕ.
Фиппаинӕгтӕ
^ Комк. «цатыры хӕдзар».
