2 Азфыстыты 2:1—18
2 Соломон бардзырд радта, цӕмӕй сарӕзтаиккой хӕдзар+ Йегъовӕйы номыл+, стӕй паддзахы хӕдзар+.
2 Соломон равзӕрста ӕвдай мин адӕймаджы, цӕмӕй уӕргътӕ хастаиккой, ӕстай мины та – цӕмӕй хӕхты дур састаиккой+. Ӕртӕ мин ӕхсӕзсӕдӕ адӕймаджы та сын цӕстдарджытӕй сӕвӕрдта+.
3 Стӕй Соломон Тиры паддзах Хираммӕ+ арвыста ахӕм ныхас: «Ды мӕ фыд Давидимӕ+ хорз цардтӕ ӕмӕ йын ӕрвыстай кедрбӕласы хъӕдтӕ, цӕмӕй йӕхицӕн хӕдзар сарӕзтаид.
4 Ӕз та фӕнд кӕнын мӕ Хуыцау Йегъовӕйы номыл+ хӕдзар саразын+ ӕмӕ йын ӕй снывонд кӕнын+, цӕмӕй йӕ разы хӕрздӕф буд+ судзон, ӕдзухдӕр йӕ разы нывонд дзултӕ+ ӕвӕрон ӕмӕ йын алы райсом дӕр ӕмӕ алы изӕр+ дӕр, стӕй сабатбонты+, мӕй куы сног вӕййы+, уыцы бонты ӕмӕ нын нӕ Хуыцау Йегъовӕ цы бӕрӕгбӕттӕ бафӕдзӕхста кӕнын, уыдоны рӕстӕг+ судзинаг нывӕндтӕ хӕссон. Уый Израилы адӕмӕн ӕххӕстгӕнинаг у ӕнустӕм+.
5 Цы хӕдзар аразинаг дӕн, уымӕн йӕ кад нӕрдзӕн+, уымӕн ӕмӕ нӕ Хуыцау у ӕппӕт хуыцӕуттӕй кадджындӕр+.
6 Уӕвгӕ, кӕй бон у уымӕн хӕдзар саразын?+ Уӕлӕрвты ӕмӕ арвы кӕрӕтты дӕр куы нӕ цӕуы+, уӕд ӕз чи дӕн+, ӕмӕ йын хӕдзар саразон? Аразын ӕй ӕрмӕстдӕр уый тыххӕй, цӕмӕй-иу уым йӕ разы нывӕндты фӕздӕг суадзон+.
7 Гъемӕ мын рарвит дӕсны кусӕджы, сызгъӕрин, ӕвзист, ӕрхуы+ ӕмӕ ӕфсӕйнаг дзауматӕ аразынмӕ чи арӕхсы, тарсырх къуымбилимӕ, сырх-сырхид ӕндӕхтимӕ ӕмӕ ӕрвхуыз ӕндахимӕ архайын, стӕй алыхуызон нывӕфтыдтӕ кӕнын чи зоны, ахӕмы, цӕмӕй куса, ам мӕм Иудӕйы ӕмӕ Иерусалимы цы дӕсны кусджытӕ ис, мӕ фыд Давид кӕй равзӕрста, уыдонимӕ+.
8 Стӕй мын Ливанӕй+ ӕрӕрвит кедрбӕласы+ ӕмӕ ӕхсӕлыбӕласы+ хъӕдтӕ ӕмӕ сырх хъӕдӕрмӕг+ дӕр – ӕз ӕй зонын, дӕ лӕггадгӕнджытӕ Ливаны бӕлӕстӕ калынмӕ дӕсны кӕй сты+. Мӕ лӕггадгӕнджытӕ дӕр кусдзысты дӕ лӕггадгӕнджытимӕ,
9 цӕмӕй мын бирӕ хъӕдтӕ ӕрцӕттӕ кӕной, уымӕн ӕмӕ, цы хӕдзар аразинаг дӕн, уый уыдзӕн диссаг ӕмӕ йӕ кад нӕрдзӕн.
10 Дӕ лӕггадгӕнджытӕн та, хъӕдӕрмӕг чи цӕттӕ кӕна ӕмӕ бӕлӕстӕ чи кала, уыдонӕн, хӕринагӕн ратдзынӕн дыууын мин стыр дурыны* мӕнӕу, дыууын мин стыр дурыны+ хъӕбӕрхор, дыууын мин дурыны* сӕн+ ӕмӕ дыууын мин дурыны та – сой».
11 Тиры паддзах Хирам+ Соломонмӕ фыстӕг ныффыста ӕмӕ йӕм дзуапп арвыста: «Йегъовӕ уарзы+ йӕ адӕмы, ӕмӕ сын паддзахӕй дӕу уый тыххӕй сӕвӕрдта»+.
12 Хирам ма ноджыдӕр ныффыста: «Табу Израилы Хуыцау Йегъовӕйӕн+, арв ӕмӕ зӕхх Скӕнӕгӕн+, паддзах Давидӕн зондджын фырт кӕй радта, уый тыххӕй. Уый хайджын у зонд ӕмӕ ӕмбаргӕдзинадӕй+ ӕмӕ Йегъовӕйӕн хӕдзар сараздзӕн, стӕй сараздзӕн паддзахы хӕдзар дӕр+.
13 Гъемӕ дӕм ӕрвитын дӕсны, фӕлтӕрд кусӕджы, йӕ ном – Хирам-Ави+.
14 Йӕ мад у Даны байзӕддӕгтӕй, йӕ фыд та уыди тираг. Уый дӕсны у сызгъӕрин, ӕвзист, ӕрхуы+, ӕфсӕйнаг, дур+ ӕмӕ хъӕды куыст кӕнынмӕ, зоны тарсырх къуымбилимӕ+, ӕрвхуыз ӕндахимӕ+, зынаргъ+ хъуымӕцтимӕ ӕмӕ сырх-сырхид+ ӕндӕхтимӕ архайын, стӕй алыхуызон нывӕфтыдтӕ+ кӕнын ӕмӕ дӕсны у, цыдӕриддӕр ын зӕгъой, уымӕн пълан скӕнынмӕ+. Уый кусдзӕн дӕ дӕсны кусджытимӕ ӕмӕ дӕ фыды, мӕ буц хицау Давиды, дӕсны кусджытимӕ.
15 Мӕ буц хицау та, куыд загъта, афтӕ йӕ лӕггадгӕнджытӕн рарвитӕд мӕнӕу, хъӕбӕрхор, сой ӕмӕ сӕн+.
16 Мах та дын Ливаны, цас дӕ хъӕуа+, уыйбӕрц бӕлӕстӕ акалдзыстӕм+ ӕмӕ дын сӕ денджызыл+ Иоппимӕ+ ӕруадздзыстӕм, уырдыгӕй та сӕ дӕхӕдӕг Иерусалиммӕ аласдзынӕ».
17 Уый фӕстӕ Соломон банымадта, Израилы+ зӕххыл цыдӕриддӕр ӕрцӕуӕггаг нӕлгоймӕгтӕ цард, уыдоны, йӕ фыд Давид сӕ куыд банымадта+, афтӕ, ӕмӕ уыдысты сӕдӕ фӕндзай ӕртӕ мин ӕхсӕзсӕдӕ адӕймаджы.
18 Ӕмӕ дзы ӕвдай мины сӕвӕрдта уаргъхӕсджытӕй+, ӕстай мины – хӕхты дур чи саста, ахӕм кусджытӕй+, ӕртӕ мин ӕхсӕзсӕдӕ адӕймаджы та – цӕстдарджытӕй, цӕмӕй кусджытӕм сӕ хъус дардтаиккой+.
