2 Азфыстыты 9:1—31
9 Савӕйы ус-паддзах+ фехъуыста Соломоны кады тыххӕй ӕмӕ йӕм Иерусалиммӕ ӕрцыд, цӕмӕй йӕ зын фарстатӕй+ бафӕлвӕрдтаид. Ӕрцыди йӕм дуне адӕмимӕ. Теуатыл+ ӕрбаласта бальзамы сой+, тынг бирӕ сызгъӕрин+ ӕмӕ зынаргъ дуртӕ+. Ӕмӕ Савӕйы ус-паддзах бацыд Соломонмӕ ӕмӕ, йӕ зӕрдӕйы цыдӕриддӕр уыд, уыдӕттыл йемӕ фӕныхас кодта+.
2 Ӕмӕ йын Соломон бамбарын кодта, цӕмӕй йӕ фарста, уыдӕттӕ иууылдӕр+. Йӕ фарстатӕй иу дӕр ахӕм нӕ уыд, ӕмӕ йын Соломон дзуапп ма зыдтаид+.
3 Савӕйы ус-паддзах куы федта, Соломон цы стыр зонды хицау у+, цы хӕдзар сарӕзта+,
4 йӕ фынгыл цавӕр хӕринӕгтӕ ис+, йӕ лӕггадгӕнджытӕ фынджы уӕлхъус куыд бадынц, уырдыглӕуджытӕ куыд лӕггад кӕнынц, нозт куыд рахӕссынц+ ӕмӕ куыд конд сты+ ӕмӕ Йегъовӕйы хӕдзары+ цавӕр судзинаг нывӕндтӕ+ ӕрхӕссы, уӕд йӕ дисӕн кӕрон нал уыд.
5 Ӕмӕ паддзахӕн загъта: «Мӕ бӕстӕйы дӕ хъуыддӕгтӕ ӕмӕ дӕ зонды тыххӕй цы фехъуыстон, уый ӕцӕг разынд+.
6 Ӕз уыцы ныхӕстыл не ’ууӕндыдтӕн+, цалынмӕ не ’рцыдтӕн ӕмӕ ӕппӕт дӕр мӕхи цӕстӕй нӕ федтон+, уӕдмӕ. Ӕмӕ йӕ ныр уынын, де стыр зонды тыххӕй мын йе ’мбис дӕр кӕй нӕ радзырдтой+. Дӕу тыххӕй цы фехъуыстон, уыдон ӕппындӕр ницы сты, цы федтон, уыимӕ абаргӕйӕ+.
7 Куыд амондджын сты+ дӕ адӕм! Куыд амондджын сты дӕ лӕггадгӕнджытӕ, ӕдзух дӕ разы чи лӕууы ӕмӕ дын дӕ зондмӕ чи хъусы!+
8 Табу дӕ Хуыцау Йегъовӕйӕн+, дӕу йӕ паддзахбадӕныл чи ӕрбадын кодта+, цӕмӕй дӕ Хуыцау Йегъовӕйы номӕй паддзах уай!+ Дӕ Хуыцау бауарзта+ Израилы адӕмы ӕмӕ йӕ фӕнды, цӕмӕй ӕнустӕм уой, ӕмӕ дӕ уыдонӕн паддзахӕй+ сӕвӕрдта, цӕмӕй рӕстӕй+ тӕрхон кӕнай»+.
9 Ӕмӕ стӕй паддзахӕн балӕвар кодта сӕдӕ дыууын таланты сызгъӕрин+, тынг бирӕ бальзамы сой+ ӕмӕ зынаргъ дуртӕ+. Паддзах Соломонӕн Савӕйы ус-паддзах цас бальзамы сой ӕрласта, уыйбӕрц ын никуы ничи ӕрласта+.
10 Стӕй ма Хирамы+ лӕггадгӕнджытӕ ӕмӕ Соломоны лӕггадгӕнджытӕ Офирӕй сызгъӕринӕй+ уӕлдай ластой сырх хъӕдӕрмӕг+ ӕмӕ зынаргъ дуртӕ+.
11 Ӕмӕ паддзах сырх хъӕдӕрмӕгӕй сарӕзта Йегъовӕйы хӕдзары ӕмӕ паддзахы хӕдзары+ асинтӕ+, стӕй зарӕггӕнджытӕн+ дыууадӕстӕнон фӕндыртӕ+ ӕмӕ хъисфӕндыртӕ+. Ахӕм сырх хъӕдӕрмӕг Иудӕйы зӕххыл уӕдмӕ никуы уыд.
12 Паддзах Соломон Савӕйы ус-паддзахӕн+ ракодта, йӕхӕдӕг ын цы лӕвӕрттӕ ӕрхаста, уыйбӕрц лӕвӕрттӕ ӕмӕ ма йын уымӕй уӕлдай радта, цыдӕриддӕр ӕй хъуыди ӕмӕ дзы цыдӕриддӕр ракуырдта, уый дӕр. Ӕмӕ Савӕйы ус-паддзах йӕ лӕггадгӕнджытимӕ фӕстӕмӕ йӕ бӕстӕмӕ аздӕхт+.
13 Соломонмӕ алы аз дӕр цы сызгъӕрин ӕфтыд, уымӕн йӕ уӕз уыд ӕхсӕзсӕдӕ ӕхсай ӕхсӕз сызгъӕрин таланты*+.
14 Уымӕй уӕлдай ма йӕм ӕфтиаг цыд, уӕйгӕнинӕгтӕ чи ласта, уыцы сӕудӕджертӕй ӕмӕ базаргӕнджытӕй+, стӕй аравиаг+ паддзӕхтӕй се ’ппӕтӕй дӕр ӕмӕ бӕстӕйы хицӕуттӕй, Соломонӕн сызгъӕрин ӕмӕ ӕвзист чи ласта, уыдонӕй.
15 Паддзах Соломон хӕццӕ* сызгъӕринӕй+ скодта дыууӕсӕдӕ стыр уарты – стыр уартытыл хӕццӕ сызгъӕринӕй цъар сӕвӕрдта, алкӕцыйыл дӕр дзы ацыд фӕйнӕ ӕхсӕзсӕдӕ сиклы*+,
16 ӕмӕ ӕртӕсӕдӕ гыццыл уарты – гыццыл уартытыл сызгъӕринӕй цъар сӕвӕрдта, алкӕцыйыл дӕр дзы ацыд фӕйнӕ ӕртӕ минӕйы*+. Стӕй сӕ паддзах сӕвӕрдта, Ливаны хъӕд+ кӕй хуыдтой, уыцы хӕдзары.
17 Паддзах ма скодта стыр паддзахбадӕн пылыстӕгӕй ӕмӕ йыл сыгъдӕг сызгъӕринӕй цъар сӕвӕрдта+.
18 Паддзахбадӕнмӕ арӕзт уыд асинтӕ, уыди дзы ӕхсӕз къӕпхӕны. Йӕ разы уыд къӕхтӕвӕрӕн сызгъӕринӕй ӕмӕ паддзахбадӕнмӕ уыд фидаргонд. Паддзахбадӕнӕн иуырдыгӕй дӕр ӕмӕ иннӕрдыгӕй дӕр уыди къухӕвӕрӕнтӕ, ӕмӕ уыцы къухӕвӕрӕнты+ раз лӕууыд дыууӕ домбайы+.
19 Асинты ӕхсӕз къӕпхӕныл та лӕууыд дыууадӕс домбайы+ – лӕууыдысты иуырдыгӕй дӕр ӕмӕ иннӕрдыгӕй дӕр. Ахӕм паддзахбадӕн иу паддзахады дӕр нӕ уыд+.
20 Паддзах Соломоны нуазӕн къустӕ+ иууылдӕр уыдысты сызгъӕринӕй+. Ӕмӕ, Ливаны хъӕд+ кӕй хуыдтой, уыцы хӕдзары мигӕнӕнтӕ дӕр иууылдӕр уыдысты сыгъдӕг сызгъӕринӕй. Ӕвзистӕй дзы ницы уыд, уымӕн ӕмӕ Соломоны рӕстӕджы ӕвзистӕн кад нӕ уыд+.
21 Паддзахы наутӕ-иу цыдысты Фарсисмӕ+ ӕмӕ-иу сыл цыдысты Хирамы+ лӕггадгӕнджытӕ. Фарсисаг наутӕ-иу ӕртӕ азы иу хатт ӕрластой сызгъӕрин, ӕвзист+, пылыстӕг+, маймулитӕ ӕмӕ мӕлхъытӕ+.
22 Зӕххыл цы паддзӕхтӕ уыд, уыдонӕй Соломонӕй хъӕздыгдӕр+ ӕмӕ зондджындӕр+ паддзах нӕ уыд.
23 Ӕмӕ зӕххыл алы паддзахы дӕр фӕндыд Соломоны фенын+ ӕмӕ йӕ ӕцӕг Хуыцау цы стыр зондӕй+ схайджын кодта, уымӕ байхъусын+.
24 Алчидӕр ын хаста лӕвӕрттӕ+: ӕвзист ӕмӕ сызгъӕрин дзауматӕ+, уӕлӕдарӕс+, хӕцӕнгарз, бальзамы сой, бӕхтӕ ӕмӕ хӕргӕфстӕ. Ӕмӕ афтӕ алы аз дӕр+.
25 Соломоны бӕхдӕтты уыд цыппар мин бынаты бӕхтӕн+. Уыди йӕм бӕхуӕрдӕттӕ+ ӕмӕ дыууадӕс мин хӕстон бӕхы, ӕмӕ сӕ дардта, бӕхуӕрдӕттӕ кӕм лӕууыдысты, уыцы горӕтты+ ӕмӕ Иерусалимы, паддзахмӕ хӕстӕг.
26 Соломоны дӕлбар уыдысты, Стыр цӕугӕдонӕй* суанг филистимӕгты зӕххы онг ӕмӕ Египеты арӕнты онг цыдӕриддӕр паддзӕхтӕ уыд, уыдон+.
27 Уымӕй уӕлдай паддзах Иерусалимы уыйбӕрц ӕвзист ӕрӕмбырд кодта, ӕмӕ уыди дуртау бирӕ, ӕмӕ кедр та – Шефелӕйы+ чи зайы, уыцы сикоморбӕлӕстау+ бирӕ+.
28 Соломонӕн бӕхтӕ+ ластой Египетӕй+ ӕмӕ ӕндӕр бӕстӕтӕй.
29 Соломоны иннӕ хъуыддӕгты тыххӕй та+, фыццӕгты тыххӕй ӕмӕ фӕстӕгты тыххӕй, фыст ис, пехуымпар Нафан+ ӕмӕ, Силомӕй+ чи уыд, уыцы пехуымпар Ахи+ цы ныффыстой ӕмӕ цӕстылуайӕнтӕ уынӕг Иддо+ Наваты фырт+ Йеровоамы+ тыххӕй цы цӕстылуайӕнтӕ ныффыста, уым.
30 Соломон Иерусалимы ӕгас Израилӕн паддзах уыд цыппор азы.
31 Уый фӕстӕ Соломон йӕ фыдӕлтӕм баиу, ӕмӕ йӕ бавӕрдтой йӕ фыд Давиды горӕты+. Ӕмӕ йӕ фӕстӕ паддзах сси йӕ фырт+ Ровоам+.
Фиппаинӕгтӕ
^ 23 т бӕрц.
^ Иу сикл у 11,4 г.
^ Ома, ӕндӕр згъӕримӕ кӕй бадон кодтой, ахӕм.
^ Иу минӕ у 570 г.
^ Ома Евфратӕй.