Дӕ цӕстытыл цы фӕуайын кӕныс?
ЙӔ УӔЗ килӕ ӕмӕ ӕрдӕджы бӕрц йеддӕмӕ нӕу, фӕлӕ, куыд зӕгъынц, афтӕмӕй «ӕгас Дун-дунейы дӕр уымӕй вазыгджындӕр конд ницы у». Цымӕ цы у? Адӕймаджы сӕры магъз. Нӕ магъз ӕцӕгдӕр диссаг у. Куыд кусы, уый тыххӕй цас фылдӕр базонӕм, уыйас Йегъовӕйы диссаджы хъуыддӕгтӕн тынгдӕр аргъ кӕнын райдайӕм (Пс. 139:14). Нӕ сӕры магъзы фӕрцы бирӕ алыхуызон курдиӕттӕй хайджын стӕм, ӕмӕ уыцы курдиӕттӕй иу у, нӕ бон нӕ цӕстытыл алыхуызон нывтӕ ауайын кӕнын кӕй у, уый.
Адӕймагӕн йӕ бон у йӕ цӕстытыл ауайын кӕнын, чи нӕма ’рцыд ӕмӕ ӕхсызгонӕй кӕмӕ ӕнхъӕлмӕ кӕсы, ахӕм хабӕрттӕ, йе та, царды кӕй никуы бавзӕрста, ахӕм цыдӕртӕ. Ӕмӕ, ӕвӕццӕгӕн, ды дӕр уыцы курдиатӕй арӕх фӕпайда кӕныс. Зӕгъӕм, цавӕрдӕр бӕстӕйы тыххӕй бакастӕ кӕнӕ фехъуыстай. Кӕд уыцы ран никуы уыдтӕ, уӕддӕр ӕй дӕ бон бауыдзӕн дӕ цӕстытыл ауайын кӕнын. Уӕдӕ нӕ бон куы нӕ уа исты фенын, фехъусын, истӕмӕй саходын йе та истӕмӕ бавналын кӕнӕ басмудын, уӕддӕр ӕй нӕ бон у нӕ цӕстытыл ауайын кӕнын.
Библийӕ мах зонӕм, Хуыцау адӕймаджы йӕхимӕ гӕсгӕ кӕй скодта (Райд. 1:26, 27). Уӕдӕ зӕгъӕн ис, ӕмӕ Йегъовӕйӕн дӕр йӕ бон у цавӕрдӕр хабӕрттӕ йӕ цӕстытыл ауайын кӕнын. Ӕмӕ кӕд мах дӕр уыцы курдиатӕй схайджын кодта, уӕд ӕй куыннӕ фӕнддзӕн, цӕмӕй йын уый фӕрцы дӕр йӕ фӕндон хуыздӕр бамбарыныл архайӕм (Еккл. 3:11). Цӕмӕй уый нӕ къухы ӕфта, уый тыххӕй уыцы курдиатӕй куыд хъуамӕ пайда кӕнӕм? Стӕй нӕхи цавӕр хъуыдытӕй хъуамӕ хизӕм?
ӔНӔЗОНД МИ УЫДЗӔН:
1) Уый афон куы нӕ уа, уӕд цӕуылдӕрты куы хъуыды кӕнӕм йе та-иу, цы не ’мбӕлы, уыдӕттӕ нӕ цӕстытыл куы ауайын кӕнӕм.
Дӕ цӕстытыл исты ауайын кӕнай, уый ӕвзӕр нӕу. Иуӕй-иу хатт ма уый пайда дӕр вӕййы. Фӕлӕ Екклесиасты 3:1 фыст ис: «Алцӕмӕн дӕр ис йӕхи афон». Ӕмӕ адӕймаг та хатгай цавӕрдӕр хъуыддаг фӕкӕны, уый афон куы нӕ вӕййы, уӕд. Зӕгъӕм, иуӕй-иу хатт ӕмбырды рӕстӕг кӕнӕ, Библи куы фӕахуыр кӕнӕм, уӕд нӕ хъуыдытӕ адзӕгъӕл вӕййынц. Ӕмӕ нын уӕд, Хуыцау нӕ цы курдиатӕй схайджын кодта, уый ӕххуысгӕнӕг нал вӕййы, фӕлӕ къуылымпыйы хос. Йесо дӕр загъта, тӕссаг кӕй у, раст цы нӕу, ахӕм цӕуылдӕрты хъуыды кӕнын, зӕгъӕм, ӕнӕгъдау хъуыддӕгтыл (Матф. 5:28). Цы не ’мбӕлы, уыдӕттӕ нӕ цӕстытыл куы уайын кӕнӕм, уӕд Йегъовӕйы зӕрдӕ фӕриссын кӕндзыстӕм. Ӕнӕгъдау цӕуылдӕрты чи фӕхъуыды кӕны, уый ӕнӕгъдау хъуыддаг бакӕнынмӕ дӕр бирӕ нал фӕхъӕуы. Уӕдӕ макуы бауадз, цӕмӕй, дӕ цӕстытыл цы ауайын кӕныс, уый тыххӕй Йегъовӕйӕ адард уай!
2) Афтӕ куы хъуыды кӕнӕм, ӕмӕ, хъӕздыг куы уӕм, уӕд нын тӕссаг ницӕмӕй уыдзӕн.
Цавӕрдӕр дзауматӕ адӕймаджы ӕнӕмӕнг хъӕуынц ӕмӕ йын пайда дӕр сты. Фӕлӕ афтӕ куы хъуыды кӕнӕм, ӕмӕ ӕхцайы Ӕмб. 18:11). 2009 азы сентябры Филиппинты сӕйраг горӕт Манилӕйӕн йӕ 80 процентӕй фылдӕр тӕрккъӕвдаты тыххӕй доны бын фӕци. Цымӕ, бирӕ мулк кӕмӕ уыд, уыдон уыцы бӕллӕхӕй аирвӕзтысты? Уыцы рӕстӕг бирӕ фӕллой чи фесӕфта, иу ахӕм хъӕздыг лӕг загъта: «Ацы донивылд хъӕздгуыты ӕмӕ мӕгуырты ӕмрӕнхъ сӕвӕрдта – сӕ иутӕ дӕр ӕмӕ се ’ннӕтӕ дӕр ӕмхуызонӕй бавзӕрстой зындзинӕдтӕ ӕмӕ маст». Адӕймагмӕ, чи зоны, афтӕ кӕса, ӕмӕ йӕм бирӕ мулк куы уа, уӕд ын тӕссаг ницӕмӕй уыдзӕн. Фӕлӕ ӕцӕгӕй афтӕ нӕу.
фӕрцы амондджын ӕмӕ ӕдас уыдзыстӕм, уӕд фӕфыдӕнхъӕл уыдзыстӕм. Зондджын паддзах Соломон ныффыста: «Хъӕздыгӕн йӕ хъӕздыгдзинӕдтӕ сты йӕ фидар горӕт, афтӕ йӕм кӕсы, ӕмӕ йӕ фидар къулау хъахъхъӕнынц» (3) Истӕуыл дзӕгъӕлы куы мӕт кӕнӕм.
Йесо загъта, цӕмӕй ӕгӕр мацӕуыл мӕт кӕнӕм (Матф. 6:34). Ӕдзух цӕуылдӕрты чи фӕмӕт кӕны, уый йӕ цӕстытыл бирӕ цыдӕртӕ фӕуайын кӕны! Хатт адӕймаг фӕмӕт кӕны, йӕхӕдӕг кӕй ӕрымысыд, ахӕм зындзинӕдтыл, ома йыл чи нӕма ’рцыд йе та йыл, чи зоны, ӕппындӕр чи не ’рцӕуа, ахӕм хабӕрттыл. Ӕмӕ йын уый йӕ хъарутӕ иууылдӕр байсы. Библимӕ гӕсгӕ, ахӕм адӕймагӕн тӕссаг у, йӕ ныфс бынтондӕр куы асӕтта ӕмӕ йӕхимӕ куы ныхъхъуса, уымӕй (Ӕмб. 12:25). Уӕдӕ нын Йесо хуымӕтӕджы нӕ загъта, цӕмӕй ӕгӕр ма мӕт кӕнӕм ӕмӕ скъуыддзаг кӕнӕм, ныртӕккӕ нын цы зындзинӕдтӕ ис, уыдон.
ЗОНДЫЛ ДЗУРӔГ УЫДЗӔН:
1) Тӕссаг нын цӕмӕй уыдзӕн, ууыл-иу рагацау куы ахъуыды кӕнӕм, ӕмӕ-иу дзы нӕхи куы бахизӕм.
Библи нын дзуры, цӕмӕй ӕмбаргӕ уӕм ӕмӕ алцӕуыл дӕр рагацау хъуыды кӕнӕм (Ӕмб. 22:3). Хуыцау нӕ цы курдиатӕй схайджын кодта, уый фӕрцы уынаффӕ рахӕссыны размӕ нӕ бон вӕййы нӕ цӕстытыл ауайын кӕнын, уыцы уынаффӕ нӕ цӕмӕ ’ркӕндзӕн, уый. Зӕгъӕм дӕ цавӕрдӕр бадтмӕ фӕхуыдтой. Ацӕуай ӕви нӕ, уый аскъуыддзаг кӕныны размӕ-иу ахъуыды кӕн: чи ма дзы уыдзӕн? Цас адӕм дзы уыдзӕн? Кӕм ӕмӕ кӕд уыдзӕн? Цы дзы араздзысты? Алцыдӕр дзы Библийы уагӕвӕрдтӕм гӕсгӕ уыдзӕн? Уыдӕттыл куы ахъуыды кӕнай, уӕд дӕ бон уыдзӕн уыцы бадт дӕ цӕстытыл ауайын кӕнын. Хуыцау дӕ цы курдиатӕй схайджын кодта, уый фӕрцы раст уынаффӕтӕ хӕсдзынӕ ӕмӕ-иу дӕхи бахиздзынӕ, дӕ уырнындзинадыл ӕвзӕрырдӕм чи фӕзындзӕн, ахӕм уавӕртӕй.
2) Нӕ цӕстытыл-иу куы ауайын кӕнӕм, цавӕрдӕр зындзинады сӕрты куыд ахизӕн ис, уый.
Адӕймагӕн йӕ бон цавӕрдӕр хабӕрттӕ йӕ цӕстытыл ауайын кӕнын кӕй у, уый ма йын ӕххуыс кӕны зындзинӕдты сӕрты хизынӕн дӕр. Зӕгъӕм, ӕмбырды кӕимӕдӕр кӕрӕдзи нӕ бамбӕрстат. Ӕмб. 15:28). Ахӕм зын уавӕрты-иу, куыд бакӕнӕм, ууыл лӕмбынӕг куы ахъуыды кӕнӕм, уӕд ӕмбырды фарн хъахъхъӕндзыстӕм. Ӕмӕ уӕд зӕгъӕн уыдзӕн, Хуыцауӕй лӕвӕрд нын чи у, уыцы курдиатӕй раст кӕй пайда кӕнӕм.
Цы сараздзынӕ, цӕмӕй бафидауат? Ахӕм уавӕры бирӕ цӕуылдӕрты фӕхъӕуы ахъуыды кӕнын. Уыцы хо кӕнӕ ӕфсымӕр куыд фӕныхас кӕны? Йемӕ аныхас кӕнын хуыздӕр кӕд уыдзӕн? Хуыздӕр цавӕр ныхӕстӕ уыдзӕн зӕгъын, стӕй сӕ куыд хъуамӕ зӕгъай? Дӕ цӕстытыл ауайын кӕн, афтӕ кӕнӕ ӕндӕрхуызон куы бакӕнай, уӕд хабар куыд рауайдзӕн, ӕмӕ стӕй, хуыздӕр куыд уа, афтӕ бакӕн (3) Ууыл куы архайӕм, цӕмӕй нын Библи кӕсын ӕмӕ йӕ ахуыр кӕнын фылдӕр пайда хӕсса.
Библи алы бон дӕр кӕсын ӕнӕмӕнг хъӕуы. Фӕлӕ дзы бирӕ бакӕсӕм, уый сӕйраг нӕу. Хъуамӕ-иу ахъуыды кӕнӕм, Библийы фыст хабӕрттӕй цӕуыл ахуыр кӕнӕм, ууыл. Ӕмӕ-иу стӕй хъуамӕ архайгӕ дӕр уымӕ гӕсгӕ кӕнӕм. Библи кӕй кӕсӕм, уый фӕрцы хъуамӕ Йегъовӕйы хъуыддӕгтӕн тынгӕй-тынгдӕр аргъ кӕнӕм. Ӕмӕ та нын ам дӕр баххуыс кӕндзӕн, Хуыцауӕй лӕвӕрд нын чи у, уыцы курдиат. Цымӕ куыд? Цӕвиттонӕн райсӕм чиныг «Сӕ уырнындзинад сын фӕзмут». Ацы чиныг кӕсгӕйӕ нӕ бон вӕййы нӕ цӕстытыл ауайын кӕнын, Библийы кӕй кой ис, уыдон-иу цы уавӕрты уыдысты, уый. Цыма нӕхӕдӕг дӕр уым фестӕм, афтӕ вӕййы: чи цы аразы, уый нӕхи цӕстӕй фӕуынӕм, алы уынӕр дӕр фӕхъусӕм ӕмӕ алыхуызон тӕфтӕм фесмудӕм. Ӕмӕ нын ӕнцондӕр вӕййы бамбарын, цы адӕмы кой дзы цӕуы, уыдонмӕ цавӕр ӕнкъарӕнтӕ уыдаид, уый. Афтӕмӕй, хорз кӕй зыдтам, уыцы хабӕрттӕй дӕр бирӕ ног цыдӕртӕ базонӕм ӕмӕ нӕ уырнындзинад бафидар вӕййы. Библи ахӕм хуызы куы ахуыр кӕнӕм, уӕд нын фылдӕр пайда хӕсдзӕн.
4) Иннӕты зын бамбарыныл куы архайӕм.
Иннӕтӕн тӕригъӕд кӕнын чи зоны, уый иннӕты зӕрдӕйы рыст йӕхи зӕрдӕйы банкъары. Уыцы миниуӕг Йегъовӕмӕ дӕр ӕмӕ Йесомӕ дӕр кӕй ис, уымӕ гӕсгӕ йӕ мах дӕр хъуамӕ нӕ удыхъӕды фидар кӕнӕм (Рац. 3:7; Пс. 72:13). Цымӕ нын уый цӕй фӕрцы бантысдзӕн? Стыр ӕххуыс нын уыдзӕн, Хуыцауӕй лӕвӕрд нын чи у, уыцы курдиат. Чи зоны, хотӕй кӕнӕ ӕфсымӕртӕй чидӕр цы уавӕры ис, ахӕм уавӕры никуы уыдтӕ. Фӕлӕ уӕддӕр дӕ бон у ахъуыды кӕнын: «Ӕз йӕ бынаты куы уаин, уӕд куыд кӕнин? Цы мын баххуыс кӕнид?» Нӕхи-иу уыцы адӕймаджы бынаты куы сӕвӕрӕм, уӕд нын ӕнцондӕр уыдзӕн йӕ зын бамбарын. Ӕцӕгдӕр, иннӕты зын ӕмбарын куы зонӕм, уӕд нын уый алы хъуыддаджы дӕр ӕххуыс кӕндзӕн – уацамынды дӕр ӕмӕ ӕмбырды дӕр.
5) Ног дуне-иу нӕ цӕстытыл куы ауайын кӕнӕм.
Ног дунейы цавӕр цард уыдзӕн, уый тыххӕй Библийы бирӕ ис фыст (Ис. 35:5–7; 65:21–25; Рарг. 21:3, 4). Стӕй ма нӕ литературӕйы вӕййы бирӕ рӕсугъд нывтӕ дӕр. Цымӕ уыцы нывтӕ цӕмӕн хъӕуынц? Цӕмӕй нын ног дуне нӕ цӕстытыл ауайын кӕнын ӕнцондӕр уа ӕмӕ-иу дзы нӕхи дӕр фенӕм. Йегъовӕ Хуыцауӕй хуыздӕр ничи зоны, цы диссаджы курдиатӕй нӕ схайджын кодта, уымӕн цы стыр тых ис, уый. Зӕрдӕ нын цӕмӕй ӕвӕры, уыдӕттӕ-иу нӕ цӕстытыл куы ауайын кӕнӕм, уӕд сыл тынгдӕр ӕууӕнддзыстӕм ӕмӕ нын ӕнцондӕр уыдзӕн Хуыцауыл иузӕрдионӕй баззайын, кӕд зындзинӕдтӕ ӕвзарӕм, уӕддӕр.
Нӕ бон алыхуызон хабӕрттӕ нӕ цӕстытыл ауайын кӕнын кӕй у, уыцы курдиат нын Йегъовӕ уымӕн радта, ӕмӕ нӕ уарзгӕ кӕны. Уыцы курдиат нын тынг ӕххуыс кӕны, цӕмӕй Хуыцауӕн, куыд ӕмбӕлы, афтӕ лӕггад кӕнӕм. Уӕдӕ дзы алы бон дӕр зондджынӕй пайда кӕнӕм, ӕмӕ афтӕмӕй ӕвдисӕм, не Сфӕлдисӕгӕй йӕ диссаджы лӕвары тыххӕй бузныг кӕй стӕм.