«Афтӕ мӕм куы фӕкӕсы, ӕмӕ мӕ ницы пайда ис, уӕд мӕ Йегъовӕ бафидар кӕны JW Broadcasting-ы^® зарджыты фӕрцы» (Лоррейн, АИШ).

«Дины зарджытӕ» алкӕддӕр хаудысты нӕ лӕггадмӕ (Кол. 3:16). Куы сӕ сахуыр кӕнай, уӕд-иу дӕ бафидар кӕндзысты, нӕдӕр дӕм зарджыты чиныг, нӕдӕр дӕм телефон кӕнӕ планшет куы нӕ уа, уӕд дӕр. Дӕлдӕр цы уынаффӕтӕ ис, уыдон дын баххуыс кӕндзысты, цӕмӕй нӕ зарджытӕ сахуыр кӕнай.

• Зарӕджы ныхӕстӕ бакӕс ӕмӕ сыл лӕмбынӕг ахъуыды кӕн. Цавӕрдӕр ӕрмӕг хорз куы бамбарӕм, уӕд ӕй ӕнцондӕрӕй бахъуыды кӕнӕм. Нӕ зарджыты ныхӕстӕ, уыимӕ, JW Broadcasting-ы чи рацӕуы ӕмӕ нӕм сывӕллӕттӕн цы зарджытӕ ис, уыдоны ныхӕстӕ, ссарӕн ис сайты jw.org. Уый тыххӕй вкладкӕйы «Библиотекӕ» равзар «Музыкӕ».

• Зарӕджы ныхӕстӕ къухӕй рафысс. Уӕд-иу сӕ хуыздӕр бахъуыды кӕндзынӕ (Дык. з. 17:18).

• Зарӕг дӕхицӕн хъӕрӕй зар. Зарӕг-иу цалдӕр хатты азар кӕнӕ-иу ын йӕ ныхӕстӕ цалдӕр хатты бакӕс.

• Афӕлвар, бахъуыды йӕ кодтай ӕви нӕ. Зарӕджы ныхӕстӕм ма кӕс, афтӕмӕй сӕ ӕрхъуыды кӕн ӕмӕ стӕй фен, раст сӕ бахъуыды кодтай ӕви нӕ.