Иу дӕр нӕ ахӕм нӕй, мӕлӕт цы маст ӕмӕ зӕрдӕрыст бавзарын кӕны, уый чи нӕ зоны. Фӕлӕ адӕймаг куы амӕлы, уӕд ууыл алцыдӕр фӕвӕййы? Цымӕ, чи амард, уыдон ӕнустӕм ферох сты? Ӕппындӕр сын ницыуал ныфс ис?

МӔРДТӔ РОХ НЕ СТЫ

«Ингӕнты чидӕриддӕр ис, уыдон... рацӕудзысты» (Иоанны 5:28, 29).

Хуыцау йӕ зӕрдыл дары, чи амард, уыдоны; ингӕнты чи ис, уыдон фӕстӕмӕ цардмӕ раздӕхдзысты.

ЧИ АМАРД, УЫДОН РАЙГАС УЫДЗЫСТЫ ЗӔХХЫЛ ЦӔРЫНӔН

«Райгас уыдзысты рӕстгӕнджытӕ дӕр ӕмӕ фыдгӕнджытӕ дӕр» (Хъуыддӕгтӕ 24:15).

Миллиардтӕ райгас уыдзысты, цӕмӕй зӕххыл ӕнустӕм фӕрнӕй цӕрой.

МӔРДТӔ КӔЙ РАЙГАС УЫДЗЫСТЫ, УУЫЛ НӔ БОН У ФИДАРӔЙ ӔУУӔНДЫН

«[Хуыцауӕн] стъалытӕ... иууылдӕр нымад сты, алкӕцы дӕр дзы хоны йӕ номӕй» (Псалом 147:4).

Кӕд Хуыцау алкӕцы стъалы дӕр йӕ номӕй хоны, уӕд ын ӕппындӕр зын нӕ уыдзӕн, райгас кӕнинаг кӕй у, уыдоны ӕрхъуыды кӕнын.