Иуӕй-иутӕ афтӕ хъуыды кӕнынц, ӕмӕ Хуыцауы Ныхасы цыдӕртӕ ивд ӕрцыд. Фӕлӕ пехуымпар Исай ныффыста, Хуыцауы Ныхас кӕй «уыдзӕн ӕнустӕм» (Исай 40:8). Куыд ис базонӕн, Хуыцау цы зӕрдӕвӕрдтӕ ныффыссын кодта, уыдон ивд кӕй не ’рцыдысты?

Хуыцау афтӕ бакодта, цӕмӕй йӕ Ныхасы ивд мацы ӕрцыдаид ӕмӕ йӕ мачи сзыгъуыммӕ кодтаид. Пехуымпартӕ-иу Хуыцауӕн йӕ хъуыдытӕ фыстой, бирӕ чи нӕ лӕууы, ахӕм ӕрмӕгыл. Ӕмӕ цӕмӕй Сыгъдӕг Фыстады текст ма фесӕфтаид, уый тыххӕй йын чидӕртӕ кодтой къопитӕ, ӕмӕ уыцы куыст кодтой тынг лӕмбынӕг. Алы дамгъӕ дӕр-иу банымадтой, цӕмӕй-иу текстмӕ мацы бафтыдтаиккой, мацы дзы фӕивтаиккой кӕнӕ дзы мацы айстаиккой. Фӕлӕ адӕм ӕнӕххӕст кӕй сты, уый тыххӕй, къопитӕ чи кодта, уыдонӕй чидӕртӕ тексты гыццыл рӕдыдтытӕ скодтой.

Хуыцауы ныхӕстӕ фыст кӕм ӕрцыдысты, уыцы рагон къухфыстытӕн абон ис мингай къопитӕ. Уыцы къопиты исты рӕдыд ис ӕви нӕ, уый ӕнцонтӕй сбӕрӕг кӕнӕн ис алыхуызон къопитӕ кӕрӕдзиимӕ абаргӕйӕ. (Фылдӕр базоныны тыххӕй кӕс статья «Библийы исты ивд ӕрцыд?» сайты jw.org.)

Уыцы рагон къухфыстытӕй иутӕ сты, Мард денджызы тыхтӕттӕ кӕй хонынц, уыдон. Уыцы тыхтӕттӕ ссардтой 1947 азы, Мард денджызмӕ хӕстӕг цы лӕгӕттӕ ис, уыдоны. Уыцы рагон къухфыстыты ис Сыгъдӕг Фыстады кӕцыдӕр скъуыддзӕгтӕ, фыст ӕрцыдысты 2 000 азӕй фылдӕры размӕ. Ахуыргӕндтӕ уыцы рагон къухфыстытӕ абарстой, ныртӕккӕ нӕм чи ис, уыцы Сыгъдӕг Фыстады текстимӕ. Ӕмӕ цы сбӕрӕг кодтой?

Ахуыргӕндтӕ сбӕрӕг кодтой, Сыгъдӕг Фыстады текст ӕппындӕр кӕй нӕ хицӕн кӕны рагон къухфыстыты текстӕй. Уымӕ гӕсгӕ фидарӕй ис зӕгъӕн, Хуыцау кӕй нӕ бауагъта, цӕмӕй йӕ Ныхас ивд ӕрцыдаид.

Уӕдӕ Сыгъдӕг Фыстад кӕсгӕйӕ нӕ бон у фидарӕй ӕууӕндын, Хуыцау нын цы зӕгъинаг уыд, растдӕр дзы уый кӕй ис фыст. Ныр та ӕркӕсӕм, нӕ бон цы у Хуыцауы тыххӕй базонын, йӕ пехуымпартӕ цы дзырдтой, уымӕй.