Ӕлхӕн рӕстӕг кӕсынӕн ӕмӕ ахуыр кӕнынӕн
Ӕлхӕн рӕстӕг кӕсынӕн ӕмӕ ахуыр кӕнынӕн
«Ӕмбӕлон рӕстӕг ӕлхӕн дӕхицӕн, уымӕн ӕмӕ фыдрӕстӕг у» (ЕФЕСӔГТӔМ 5:16, НД).
1. Рӕстӕг пълан кӕнын хорз цӕмӕн у ӕмӕ нӕ рӕстӕгӕй куыд пайда кӕнӕм, уый цӕуыл дзурӕг у?
КУЫД фӕзӕгъынц, рӕстӕг тынг зынаргъ у. Ӕмӕ ӕцӕгдӕр, рӕстӕгӕй пайда кӕнын цы адӕймаг зоны, уымӕн бирӕ хъуыддӕгтӕ бантысы. Зондджын паддзах Соломон фыста: «Алцӕмӕн дӕр ис йӕхи рӕстӕг, арвы бын алы хъуыддагӕн дӕр ис йӕхи афон» (Екклесиаст 3:1). Кӕй зӕгъын ӕй хъӕуы, фылдӕр рӕстӕг нӕ иуы къухы дӕр нӕй, фӕлӕ дзы куыд пайда кӕндзыстӕм, уый алкӕмӕндӕр йӕхицӕй кӕнгӕ у. Царды фыццаг бынаты цы ӕвӕрӕм ӕмӕ нӕ рӕстӕгӕй куыд пайда кӕнӕм, уый хорз ӕвдисы, иууыл зынаргъдӕр нын цы у, уый (Матфейы 6:21).
2. а) Йесо йӕ Уӕлхох уацамынды Хуыцауы базоныны тыххӕй цы загъта? ӕ) Цӕуыл нӕ хъӕуы ахъуыды кӕнын?
2 Хӕрын ӕмӕ фынӕй кӕныныл рӕстӕг ӕнӕхардзгӕнгӕ нӕй, уымӕн ӕмӕ афтӕ домы нӕ организм. Уӕдӕ уӕд цы зӕгъӕн ис нӕ духовон домӕнты тыххӕй та? Мах зонӕм, уыдонӕн дӕр рохгӕнӕн кӕй нӕй, уый. Йӕ Уӕлхох уацамынды Йесо загъта: «Амондджын сты, сӕ духовон домӕнтӕ чи ӕмбары, уыдон» (Матфейы 5:3, НД). «Ӕууӕнкджын ӕмӕ зондджын цагъар» дӕр нын раст уый тыххӕй лӕууын кӕны ӕдзух нӕ зӕрдыл, Библи кӕсынӕн ӕмӕ йӕ ахуыр кӕнынӕн рӕстӕг арын куыд ахсджиаг у, уый (Матфейы 24:45). Чи зоны, ахсджиаг кӕй у, уый ӕмбарӕм, фӕлӕ нӕм афтӕ кӕсы, ӕмӕ йын ницы хуызы ис рӕстӕг йӕ саразынӕн. Кӕд афтӕ у, уӕд ӕркӕсӕм, нӕ царды Хуыцауы Ныхас кӕсынӕн, сӕрмагондӕй йӕ ахуыр кӕнынӕн ӕмӕ йыл хъуыды кӕнынӕн фылдӕр рӕстӕг куыд ис ссарӕн, уымӕ.
Куыд ис рӕстӕг арӕн
3, 4. а) Рӕстӕгӕй куыд пайда кӕнын хъӕуы, уый тыххӕй Павел цавӕр уынаффӕ радта ӕмӕ уымӕ цы хауы? ӕ) Цы нысан кӕнынц Павелы ныхӕстӕ, «ӕмбӕлон рӕстӕг ӕлхӕн дӕхицӕн», зӕгъгӕ?
3 Цы рӕстӕджы цӕрӕм, уый ӕмбаргӕйӕ нӕ алкӕйдӕр йӕ хъус дарын хъӕуы апостол Павелы ныхӕстӕм: «Кӕсут, архайут хъавгӕйӕ, ӕнӕмбаргӕты хуызӕн нӕ, фӕлӕ куыд зондджынтӕ, рӕстӕгӕн аргъ кӕнгӕйӕ [«ӕмбӕлон рӕстӕг ӕлхӕн дӕхицӕн», НД], уымӕн ӕмӕ бонтӕ хинӕйдзаг сты. Уӕдӕ ӕнӕмбаргӕ ма ут, фӕлӕ ӕмбарут цы у Хуыцауы фӕндон» (Ефесӕгтӕм 5:15—17). Кӕй зӕгъын ӕй хъӕуы, ацы уынаффӕ хауы нӕ чырыстон царды алы фӕзилӕнмӕ дӕр, ӕмӕ нысан кӕны, кувынӕн, Библи ахуыр кӕнынӕн, фембӕлдтӕм цӕуынӕн рӕстӕг кӕй хъуамӕ арӕм ӕмӕ «Паддзахады Евангели», нӕ бон цас у, уыйбӕрц кӕй хъуамӕ хъусын кӕнӕм, уый (Матфейы 24:14; 28:19, 20).
4 Куыд зыны, афтӕмӕй абон Иегъовӕйы лӕггадгӕнджытӕй бирӕтӕн зын у Библи кӕсынӕн ӕмӕ йӕ лӕмбынӕг ахуыр кӕнынӕн, цас хъӕуы, уыйас рӕстӕг хицӕн кӕнын. Боны
сахӕттӕм бафтауӕн кӕй нӕй, уый алчидӕр зоны, ӕмӕ уымӕ гӕсгӕ Павелы уынаффӕ хъуамӕ нысан кӕна ӕндӕр цыдӕр. Грекъаг ӕвзаджы «ӕмбӕлон рӕстӕг ӕлхӕнын» нысан кӕны, ӕндӕр цӕуылдӕр цы рӕстӕг уыд бахардзгӕнӕн, уый ӕлхӕнын. Вайны дзырдуат уый ӕмбарын кӕны афтӕ: «Иу фадат дӕр нӕ уадзын, алы минутӕй дӕр афтӕ спайда кӕнын, фылдӕр дын куыд бантыса, уымӕн ӕмӕ рӕстӕг ӕмгъуыд нӕ зоны, цы ауадзай, уымӕн раздахӕн нал ис» («Expository Dictionary»). Уӕдӕ кӕм у нӕ бон Библи кӕсынӕн ӕмӕ йӕ ахуыр кӕнынӕн ӕмбӕлон рӕстӕг ӕлхӕнын?Хъуамӕ хъуыддӕгтӕ аразӕм, куыд ахсджиагдӕр сты, уымӕ гӕсгӕ
5. Куыд у нӕ бон, «ахсджиагдӕр цы хъуыддӕгтӕ сты, уый бӕлвырд кӕнын» ӕмӕ нӕ афтӕ аразын цӕмӕн хъӕуы?
5 Царды нӕ ӕрвылбон цы хъуыддӕгтӕ хъӕуы кӕнын, уый ӕддейӕ ма нын бирӕ хъуыддӕгтӕ ис ӕмбырды дӕр. Иегъовӕйӕн лӕггадгӕнгӕйӕ махӕн «бирӕ куыст ис Хицауы хъуыддаджы» (1 Коринфӕгтӕм 15:58, НД). Уымӕ гӕсгӕ Павел Филиппы цӕрӕг чырыстӕтты разӕнгард кодта, «ахсджиагдӕр цы хъуыддӕгтӕ сты, уый бӕлвырд кӕнынмӕ» (Филиппӕгтӕм 1:10, НД). Уый та нысан кӕны, ахсджиаг хъуыддӕгты ’хсӕн дӕр нын кӕцыдӕр иннӕтӕй ахсджиагдӕр кӕй хъуамӕ уа, уый. Хуыцауы хъуыддаг зӕххон хъуыддӕгтӕй кӕддӕриддӕр хъуамӕ лӕууа уӕлдӕр (Матфейы 6:31—33). Фӕлӕ нын ӕмбырды цы хӕслӕвӕрдтӕ ис, уыдонмӕ дӕр нын хъуамӕ уа раст ахаст. Нӕ чырыстон хъуыддӕгтӕй сӕйрагдӕрыл кӕцы нымайӕм, фыццагдӕр дзы цы фӕаразӕм? Цӕуӕг цӕстдарджытӕ куыд хъусын кӕнынц, афтӕмӕй чырыстӕттӕй арӕх ферох вӕййы «ахсджиагдӕр хъуыддӕгтӕй» иу — Библи кӕсын ӕмӕ йӕ сӕрмагондӕй ахуыр кӕнын.
6. Цӕмӕй нӕ бон ӕмбӕлон рӕстӕг «ӕлхӕнын» уа, уый тыххӕй нын нӕ куыстмӕ ӕмӕ хӕдзары хъуыддӕгтӕм хъуамӕ цавӕр ахаст уа?
6 Куыд федтам, афтӕмӕй ӕмбӕлон рӕстӕг «ӕлхӕнын» нысан кӕны «иу фадат дӕр нӕ уадзын, алы минутӕй дӕр афтӕ спайда кӕнын, фылдӕр дын куыд бантыса». Уымӕ гӕсгӕ кӕд, Библи куыд кӕсӕм ӕмӕ йӕ куыд ахуыр кӕнӕм, уымӕй нӕ зӕрдӕ нӕ рухс кӕны, уӕд нӕ алчидӕр ахъуыды кӕнӕд, йӕ рӕстӕг цӕуыл ацӕуы, ууыл. Кӕд нын нӕ куыст исы нӕ рӕстӕг ӕмӕ нӕ хъарутӕн сӕ фылдӕр, уӕд хъуамӕ зӕрдӕбынӕй кувӕм Иегъовӕмӕ, цӕмӕй нын баххуыс кӕна (Псалом 54:23). Чи зоны, нӕ бон суа исты фӕивын, цӕмӕй нын фылдӕр рӕстӕг уа, Иегъовӕйы лӕггадгӕнджытӕ уӕвгӕйӕ нын ахсджиагдӕр цы хъуыддӕгтӕ сты, уыдонӕн, уыимӕ Библи кӕсынӕн ӕмӕ йӕ ахуыр кӕнынӕн дӕр. Куыд фӕзӕгъынц, сылгоймагӕн йӕ куыст йӕ разӕй цӕуы. Уымӕ гӕсгӕ чырыстон хотӕ дӕр хъуамӕ ӕдзухдӕр сӕ зӕрдыл дарой, ахсджиагдӕр цы у, уый, ӕмӕ, хӕдзары хъуыддӕгтӕ кӕнгӕйӕ дӕр, бӕлвырд рӕстӕг хицӕн кӕной Библи кӕсынӕн ӕмӕ йӕ лӕмбынӕг ахуыр кӕнынӕн.
7, 8. а) Цӕмӕй нын Библи кӕсынӕн ӕмӕ йӕ ахуыр кӕнынӕн рӕстӕг уа, уый тыххӕй цавӕр хъуыддӕгтӕ ис ныууадзӕн? ӕ) Цӕй тыххӕй хъӕуы улӕфын ӕмӕ уый нӕ зӕрдыл куы дарӕм, уӕд нын уый куыд баххуыс кӕндзӕн, ахсджиагдӕр цы у, фыццаг бынаты уый ӕвӕрынӕн?
7 Куыд зыны, афтӕмӕй нӕ фылдӕрӕн сӕ бон у, афтӕ ахсджиаг цы хъуыддӕгтӕ не сты, уыдоныл цы рӕстӕг ацӕуы, уый ахуыр кӕнынӕн «ӕлхӕнын». Алчидӕр нӕ ахъуыды кӕнӕд: цас рӕстӕг мын ацӕуы алыхуызон журналтӕ ӕмӕ газеттӕ кӕсыныл, телевизоры раз бадыныл, музыкӕмӕ хъусыныл кӕнӕ видеохъӕзтытыл? Библи кӕсгӕйӕ арвитын фылдӕр рӕстӕг ӕви компьютеры раз бадгӕйӕ? Павел нӕ фӕдзӕхсы: «Ӕнӕмбаргӕ ма ут, фӕлӕ ӕмбарут цы у Хуыцауы фӕндон» (Ефесӕгтӕм 5:17). Куыд зыны, афтӕмӕй Ӕвдисӕнтӕй бирӕтӕ телевизоры раз ӕгӕр бирӕ кӕй фӕбадынц, растдӕр уый тыххӕй нӕу сӕ бон, Библи куыд ӕмбӕлы, афтӕ кӕсын ӕмӕ йӕ сӕрмагондӕй ахуыр кӕнын (Псалом 100:3; 118:37, 47, 48).
8 Чи зоны, исчи зӕгъа, зӕгъгӕ, кӕй бон у ӕдзух бадын ӕмӕ ахуыр кӕнын, улӕфын дӕр хъӕуы. Ӕмӕ уый раст у, фӕлӕ уӕддӕр ӕвзӕр нӕ уаид, улӕфгӕйӕ цы рӕстӕг арвитӕм ӕмӕ Библи цас рӕстӕг фӕкӕсӕм кӕнӕ фӕахуыр кӕнӕм, уый абарын. Ахӕм абарст нӕ, гӕнӕн ис, дисы бафтауа. Бӕгуыдӕр, улӕфын ӕмӕ хи аирхӕфсын хорз у, фӕлӕ дзы алцӕмӕндӕр хъуамӕ йӕхи бынат уа. Улӕфын уый тыххӕй хъӕуы, цӕмӕй нӕ бон уа Хуыцауӕн дарддӕр лӕггад кӕнын. Телералӕвӕрдтӕ ӕмӕ видеохъӕзтытӕй та бирӕтӕй адӕймаг улӕфгӕ нӕ бакӕны, фӕлӕ йе уӕнг бынтондӕр амӕлы. Хуыцауы Ныхас та нын ног тыхтӕ ӕфтауы нӕ тыхыл (Псалом 18:8, 9).
Иуӕй-иутӕ куыд арынц рӕстӕг ахуыр кӕнынӕн
9. 1999 азӕн брошюрӕ «Алыбон дӕр ӕвзар Фыстытӕ» цы уынаффӕтӕ дӕтты, уыдонмӕ гӕсгӕ архайын хорз цӕмӕй у?
9 1999 азӕн брошюрӕ «Алыбон дӕр ӕвзар Фыстытӕ»-йы разныхасы дзырдӕуы: «Алыбон дӕр райсомӕй стих кӕсын ӕмӕ йӕм цы хъуыдытӕ ис, уыдон равзарын куыд стыр пайда хӕссы, уый ницӕимӕ ис абарӕн. Дӕхи афтӕ хатдзынӕ, цыма дӕ Кадджын Зондамонӕг Иегъовӕ йӕ Исай 30:20; 50:4; Матфейы 11:28—30). Хуыцауы Ныхасӕн уый бар куы дӕттай, цӕмӕй дӕ алы райсом дӕр хъал кӕна йӕ уынаффӕтӕй, уӕд ӕрмӕст дӕхи зындзинӕдтыл нӕ уӕлахиз кӕндзынӕ, фӕлӕ ма дын „ахуыргӕнинаджы ӕвзаг“ дӕр уыдзӕн, цӕмӕй дӕ бон уа иннӕтӕн ӕххуыс кӕнын» *.
зондамындтӕй райхъал кӕны. Йесо Чырыстийы тыххӕй пехуымпарады дзырдӕуы, уый алы райсом дӕр кӕй хъуыста Иегъовӕйы зондамындмӕ: „Уый [Иегъовӕ] мӕ хъал кӕны алы райсом; ахуыргӕнинагӕн куыд дзурай, афтӕ мын дзуры мӕ хъусы“. Уыцы зондамындты фӕрцы Йесойӕн уыд „ахуыргӕнинаджы ӕвзаг“, ӕмӕ уый „зыдта, ӕфхӕрд адӕймаджы ныхасӕй куыд бафидар кӕнын хъӕуы, уый“ (10. Иуӕй-иутӕ Библи кӕсынӕн ӕмӕ йӕ ахуыр кӕнынӕн рӕстӕг куыд ссарынц ӕмӕ сын уый цы пайда хӕссы?
10 Чырыстӕттӕй бирӕтӕ аразынц афтӕ: уыдон райсомӕй раджы бакӕсынц ӕрвылбоны стих ӕмӕ йӕм цы хъуыдытӕ лӕвӕрд цӕуы, уыдон, стӕй ма Библи дӕр, йе та фылдӕр иртасӕнтӕ дӕр ауадзынц. Францы иу иузӕрдион хо, пионер, алыбон дӕр сысты раджы ӕмӕ 30 минуты дӕргъы фӕкӕсы Библи. Цӕй фӕрцы у йӕ бон уал азы дӕргъы алыбон дӕр афтӕ аразын? Байхъусӕм ын йӕхимӕ: «Мӕн тынг фӕнды Библи кӕсын ӕмӕ цы фӕнды ма уа, уӕддӕр кӕсын мӕ пъланмӕ гӕсгӕ!» Чи зоны, алкӕмӕн нӕу йӕ бон райсомӕй кӕсын, фӕлӕ кӕдфӕнды ма уа, уӕддӕр ахсджиаг у, цӕмӕй Библи кӕсӕм нӕ пъланмӕ гӕсгӕ. Рене Мика 40 азӕй фылдӕр лӕггад кодта пионерӕй Европӕйы ӕмӕ Цӕгат Африкӕйы. Уый дзуры: «1950-ӕм азы мӕ разы сӕвӕрдтон нысан: алы аз дӕр Библи ӕнӕхъӕнӕй хъуамӕ кӕсон, ӕмӕ йӕ абоны онг бакастӕн 49 хатты. Афтӕ мӕм кӕсы, ӕнӕ уымӕй мын ме Сфӕлдисӕгимӕ ахӕм ӕнгом ахастытӕ нӕ уаид. Хуыцауы Ныхасыл кӕй фӕхъуыды кӕнын, уый мын дӕтты ӕгӕрон хъару ӕмӕ уый фӕрцы хуыздӕр ӕмбарын Иегъовӕйы диссаджы миниуджытӕ, зӕгъӕм йӕ рӕстдзинад ӕмӕ ма ӕндӕртӕ» *.
«Дзулы хай» «афоныл»
11, 12. а) «Ӕмбаргӕ хӕдзармӕгӕсӕг» цавӕр «дзулы хай» дӕтты? ӕ) Цӕмӕ гӕсгӕ ис зӕгъӕн, ӕмӕ «дзулы хай» лӕвӕрд кӕй цӕуы афоныл?
11 Цӕмӕй ӕнӕниз уӕм, уый тыххӕй нӕ алыхатт Лукайы 12:42). Сӕдӕ дыууын азы дӕргъы «афоныл... дзулы хай» лӕвӕрд цӕуы, журнал «Хъахъхъӕнӕг мӕсыг» ӕмӕ Библийы бындурыл ноджыдӕр цы чингуытӕ ӕмӕ брошюрӕтӕ цӕуы, уыдоны уылты.
дӕр хъӕуы афойнадыл хӕрын. Цӕмӕй нӕ уырнындзинад ма фӕцуда, уый тыххӕй та Библи алыбон дӕр хъӕуы кӕсын ӕмӕ йӕ иртасын. Лукайы Евангелийы мах кӕсӕм Йесойы ныхӕстӕ: «Чи у ӕууӕнкджын ӕмӕ ӕмбаргӕ хӕдзармӕгӕсӕг, кӕцыйы ӕлдар сӕвӕрдта йӕ ӕххуырстыты сӕргъыл, цӕмӕй уыдонӕн афоныл сӕ дзулы хай дӕтта?» (12 Ахъуыды ма кӕнӕм дзырд «афоныл». Нӕ «Кадджын Зондамонӕг» Иегъовӕ йӕ Фырт ӕмӕ цагъары къорды уылты йӕ адӕмӕн Библийӕ кӕцыдӕр ахуырӕдтӕ ӕмбарын кӕны ӕмӕ нӕхи куыд хъуамӕ дарӕм, уый тыххӕй разамынд дӕтты, растдӕр куы фӕхъӕуы, уыцы афон. Раст цыма не ’ппӕтӕн дӕр иумӕ нӕ хъусы дзырдӕуы: «Рахизырдӕм дӕр куы аздӕхат ӕмӕ галиуырдӕм дӕр, уӕд хъусдзыстут уӕ фӕстӕ дзурӕджы хъӕлӕс: «Мӕнӕ фӕндаг, цӕут ыл» (Исай 30:20, 21). Фӕлӕ адӕймаг Библи ӕмӕ библион публикацитӕ хицӕнӕй лӕмбынӕг куы фӕкӕсы, уӕд арӕх фӕхаты, цы фыст дзы ис, уый комкоммӕ уымӕ кӕй хауы, уый. О, Хуыцау нын йӕ уынаффӕ ӕмӕ йӕ разамынд алкӕддӕр радты йӕ афоныл ӕмӕ нын уымӕй баххуыс кӕны рӕдыдӕй ныхи бахизынӕн ӕмӕ раст уынаффӕ рахӕссынӕн.
Ахуыр кӕн хорз хӕрын
13. Адӕймаг куыд ӕмбӕлы, афтӕ кӕй нӕ фӕхӕры, уый цӕмӕй бӕрӕг вӕййы?
13 Афоныл нын цы «дзулы хай» цӕуы лӕвӕрд, цӕмӕй уымӕй ӕххӕст пайда исӕм, уый тыххӕй хъуамӕ хӕрӕм, куыд ӕмбӕлы, афтӕ. Тынг ахсджиаг у, цӕмӕй нын уа Библи кӕсыны ӕмӕ йӕ сӕрмагондӕй ахуыр кӕныны пълан ӕмӕ ма цӕмӕй уыцы пъланмӕ гӕсгӕ архайгӕ дӕр кӕнӕм. Куыд ӕмбӕлы, афтӕ хӕрыс дӕ уырнындзинадӕн ахъаз хӕринаг ӕмӕ алы къуыри дӕр лӕмбынӕг ахуыр кӕныс Библи? Ӕви нын афтӕ зӕрдиагӕй цы хӕрзад хӕринӕгтӕ цӕттӕ кӕнынц, уыдонӕй талф-тулфты, куыд фӕзӕгъынц, лӕугӕйӕ акомдзӕгтӕ кӕныс, йе та дзы иуӕй-иутӕм ӕвналгӕ дӕр нӕ бакӕныс? Иуӕй-иутӕ куыд ӕмбӕлы, афтӕ кӕй нӕ хордтой, уый тыххӕй фӕцудыдта сӕ уырнындзинад йе та бынтондӕр ныууагътой ӕцӕгады фӕндаг (1 Тимофеймӕ 1:19; 4:15, 16).
14. Ӕрмӕг нӕм зонгӕ куы кӕса, уӕддӕр ӕй лӕмбынӕг бацӕттӕ кӕнын пайда цӕмӕн у?
14 Чи зоны, исчи зӕгъа: ӕз зонын Библийы сӕйраг ахуырӕдтӕ, стӕй бирӕ статьяты ногӕй дӕр ницы вӕййы. Ӕмӕ уымӕ гӕсгӕ цы ӕнӕмӕнгхъӕуӕг у алы къуыри дӕр ахуыр кӕнын ӕмӕ ӕмбырды фембӕлдтӕм цӕуын. Фӕлӕ Библи дзуры, цы зонӕм, уый дӕр нын ногӕй нӕ зӕрдыл ӕрлӕууын кӕнын кӕй фӕхъӕуы, уый тыххӕй (Псалом 118:95, 99; 2 Петры 3:1; Иудӕйы 5) Хорз хӕринаггӕнӕг иу цӕмӕйдӕр алыхуызон хӕринӕгтӕ куыд саразы, афтӕ ӕууӕнкджын цагъар дӕр Хуыцауы ныхасӕй цӕттӕ кӕны алыхуызон хӕринӕгтӕ. Хорз зонгӕ фарстытӕ цы статьяты фӕцӕуынц ӕвзӕрст, уыдоны дӕр вӕййы тынг ахсджиаг хъуыдытӕ. Ӕрмӕгӕй цас пайда райсдзыстӕм, уый та баст у, йӕ сахуыр кӕнынӕн цас рӕстӕг ӕмӕ цас хъарутӕ ратдзыстӕм, ууыл.
Цы пайда хӕссы Библи кӕсын ӕмӕ йӕ ахуыр кӕнын
15. Библи кӕсын ӕмӕ йӕ ахуыр кӕнын куыд ӕххуыс кӕны Хуыцауы Ныхас хуыздӕр амонынӕн?
15 Библи кӕсын ӕмӕ йӕ ахуыр кӕнын пайда хӕссы бирӕ хъуыддӕгты. Уый нын ӕххуыс кӕны нӕ сӕйрагдӕр чырыстон хӕс ӕххӕст кӕнынӕн, бӕлвырддӕр зӕгъгӕйӕ та нӕ цӕмӕй алчидӕр суа «Хуыцауы раз... аккаг ӕмӕ ӕнӕазым кусӕг, ӕцӕгады дзырд раст чи амоны, ахӕм» (2 Тимофеймӕ 2:15, НФ). Уымӕй уӕлдай ма цас фылдӕр кӕсӕм ӕмӕ ахуыр кӕнӕм Библи, уыйас хуыздӕр ӕмбардзыстӕм Хуыцауы хъуыдытӕ. Ӕмӕ уӕд Павелау махӕн дӕр нӕ бон уыдзӕн адӕмимӕ «Фыстытӕй ныхас кӕнын» ӕмӕ сын Иегъовӕйы фӕндоны тыххӕй диссаджы ӕцӕгдзинад «ӕргом кӕнын ӕмӕ ӕвдисын» (Куыстытӕ 17:2, 3). Уый фӕрцы уыдзыстӕм хуыздӕр ахуыргӕнджытӕ, нӕ раныхӕстӕ ӕмӕ нӕ уынаффӕтӕ та тынгдӕр ахъаз уыдзысты иннӕты уырнындзинадӕн (Фӕсномыг ныхӕстӕ 1:5).
16. Хуыцауы Ныхас кӕсын ӕмӕ йӕ ахуыр кӕнын нӕ алкӕмӕндӕр цы пайда хӕссы?
16 Уый ӕддейӕ цас фылдӕр ӕмӕ арфдӕр иртасӕм Хуыцауы Ныхас, уыйас нӕ бон уыдзӕн, алы хъуыддаджы дӕр Иегъовӕйы куыд фӕнды, афтӕ аразын (Псалом 24:4; 118:9, 10; Фӕсномыг ныхӕстӕ 6:20—23). Тыхджындӕр кӕндзысты нӕ чырыстон миниуджытӕ дӕр: цас хуыздӕр зонгӕ кӕнӕм Хуыцауимӕ, уыйас уыдзыстӕм сӕрныллӕгдӕр, иузӕрдиондӕр ӕмӕ амондджындӕр (Дыккаг закъон 17:19, 20; Раргомад 1:3). Библийӕ цы базонӕм, уымӕй царды куы спайда кӕнӕм, уӕд нӕ цинӕн кӕрон нал вӕййы, уымӕн ӕмӕ нӕхи цӕстӕй фенӕм, Хуыцауы сыгъдӕг уд ныл сӕрибарӕй кӕй ӕндавы, ӕмӕ уый фӕрцы нӕ алы хъуыддаджы дӕр тынгдӕр зыны сыгъдӕг уды дыргъ (Галатӕгтӕм 5:22, 23).
17. Библи цас рӕстӕг кӕсӕм, куыд ӕй кӕсӕм ӕмӕ йӕ куыд ахуыр кӕнӕм, уый куыд ӕндавы нӕ ахастытыл Иегъовӕимӕ?
17 Иууыл ахсджиаг та уый у, ӕмӕ ӕндӕр хъуыддӕгтыл цы рӕстӕг бахардз кӕниккам, уый Хуыцауы Ныхас кӕсынӕн ӕмӕ йӕ ахуыр кӕнынӕн куы «ӕлхӕнӕм», уӕд ссардзыстӕм, ӕмбал кӕмӕн нӕй, ахӕм хъӕздыгдзинад — Хуыцауимӕ ӕнгом ахастытӕ. Павел куывта, цӕмӕй йе ’мчырыстӕттӕм уыдаид «Йӕ [Хуыцауы] фӕндоны тыххӕй дырыс зонындзинӕдтӕ ӕмӕ ма Хуыцауы зонд ӕмӕ ӕмбарынад дӕр, цӕмӕй сӕ хъуыддӕгтӕй Иегъовӕйы ма худинаг кодтаиккой, фӕлӕ йын алцӕмӕй дӕр йӕ зӕрдӕ райын кодтаиккой» (Колоссӕгтӕм 1:9, 10, НД). Цӕмӕй мах дӕр нӕ хъуыддӕгтӕй «Иегъовӕйы ма худинаг кӕнӕм», уый тыххӕй нӕм хъуамӕ уа «йӕ фӕндоны тыххӕй дырыс зонындзинӕдтӕ ӕмӕ Хуыцауы зонд ӕмӕ ӕмбарынад». Иегъовӕйы арфӕдзинад ӕмӕ йӕ хорзӕх райсдзыстӕм ӕви нӕ, уый баст у, Библийӕ цас кӕсӕм, куыд ӕй кӕсӕм ӕмӕ йӕ куыд ахуыр кӕнӕм, ууыл.
18. Йесо Иоанны 17:3-ӕм стихы цы загъта, уымӕ гӕсгӕ куы архайӕм, уӕд нӕм цавӕр арфӕдзинӕдтӕ ӕнхъӕлмӕ кӕсы?
18 «Ӕнусон цард та уый у, цӕмӕй зоной Дӕу, иунӕг ӕцӕг Хуыцауы, ӕмӕ Дӕуӕй ӕрвыст Йесо Чырыстийы» (Иоанны 17:3, «Мах дуг» №5, 1992). Ацы стих Иегъовӕйы Ӕвдисӕнтӕ арӕх ӕрхӕссынц, Хуыцауы Ныхас ахуыр кӕнын куыд ахсджиаг у, уый иннӕтӕн ӕмбарын кӕнгӕйӕ. Фӕлӕ уый афтӕ ахсджиаг у махӕй алкӕмӕндӕр. Ӕнустӕм цӕрдзыстӕм ӕви нӕ, уый баст у, Иегъовӕ ӕмӕ йӕ Фырт Йесо Чырыстийы хуыздӕр базоныныл архайдзыстӕм ӕви нӕ, ууыл. Ӕрмӕст ма ахъуыды кӕн: ахӕм рӕстӕг никуы уыдзӕн, цӕмӕй адӕймаг зӕгъа, ныр алцыдӕр зонын Иегъовӕйы тыххӕй, зӕгъгӕ — цӕргӕ-цӕрӕнбонты фылдӕрӕй-фылдӕр кӕндзысты нӕ зонындзинӕдтӕ! (Екклесиаст 3:11; Ромӕгтӕм 11:33).
[Фиппаинӕгтӕ]
^ 9 абз. Мыхуыры йӕ рауагъта Хъахъхъӕнӕг Мӕсыджы Ӕхсӕнад.
^ 10 абз. Кӕс «Хъахъхъӕнӕг мӕсыг», 1995 аз, 1 май, 20, 21 ф., статья «Кӕд фӕкӕсынц Библи ӕмӕ сын цы пайда хӕссы», (уыр.).
Фарстытӕ фӕлхат кӕнынӕн
• Нӕ рӕстӕгӕй куыд пайда кӕнӕм, уый цӕуыл дзурӕг у?
• Цӕмӕй нын Библи кӕсынӕн ӕмӕ йӕ ахуыр кӕнынӕн рӕстӕг уа, уый тыххӕй цавӕр хъуыддӕгтӕ ис ныууадзӕн?
• Хуыцауы Ныхас цас рӕстӕг кӕсӕм, куыд ӕй кӕсӕм ӕмӕ йӕ куыд ахуыр кӕнӕм, уымӕ нӕ нӕ хъус цӕмӕн хъӕуы дарын?
• Цы пайда нын хӕссы Фыстад кӕсын ӕмӕ йӕ ахуыр кӕнын?
[Фарстатӕ ахуыр кӕнынӕн]
[Нывтӕ 26 фарсыл]
Кӕд нын бирӕ хъуыддӕгтӕ ис, уӕддӕр нӕ царды Хуыцауы хъуыддаг фыццаг бынаты куы ӕвӕрӕм, уӕд нын уый хӕсдзӕн стыр пайда.
[Нывтӕ 28, 29 фарсыл]
Библи ӕдзухдӕр куы кӕсӕм ӕмӕ йӕ куы ахуыр кӕнӕм, уӕд нӕ бон уыдзӕн «ӕцӕгады дзырд раст амонын».