Йесойы ныхӕстӕ дын дӕ зондахастыл ӕндавӕд
Йесойы ныхӕстӕ дын дӕ зондахастыл ӕндавӕд
«Хуыцау кӕй рарвыста, уый дзуры Хуыцауы ныхӕстӕ» (ИОАН. 3:34).
1, 2. Йесо Уӕлхох уацамынды цы ныхӕстӕ загъта, уыдон цӕимӕ ис абарӕн ӕмӕ цӕмӕ гӕсгӕ ис зӕгъӕн, ацы уацамынд «Хуыцауы ныхӕстыл» арӕзт у, зӕгъгӕ?
АБОН зӕххыл цы бриллианттӕ ис, уыдонӕй ӕппӕты стырдӕр хуыйны «Африкӕйы Стъалы», йӕ уӕз у 530 караты. Уый ӕцӕгдӕр тынг зынаргъ дур у! Фӕлӕ уымӕй бирӕ зынаргъдӕр сты, Йесо Уӕлхох уацамынды цы ныхӕстӕ загъта, уыдон. Махмӕ уый диссаг нӕ кӕсы, уымӕн ӕмӕ зонӕм, Чырысти кӕй дзырдта Йегъовӕйы зондӕй! Йесойы тыххӕй Библи дзуры: «Хуыцау кӕй рарвыста, уый дзуры Хуыцауы ныхӕстӕ» (Иоан. 3:34–36).
2 Уӕлхох уацамынд радзурынӕн Йесойы, ӕвӕццӕгӕн, ӕрдӕг сахат дӕр нӕ бахъуыдаид. Фӕлӕ дзы ӕрхаста 21 скъуыддзаджы Дзуттаг Фыстытӕй (8 чиныгӕй). Уӕдӕ Уӕлхох уацамынд ӕцӕгдӕр арӕзт у «Хуыцауы ныхӕстыл». Цӕй ӕмӕ ӕркӕсӕм, Хуыцауы уарзон Фырты диссаджы уацамынды цы ахсджиаг
ныхӕстӕ ис, уыдонӕй иуӕй-иутӕй царды куыд спайда кӕнӕм, уымӕ.«Бафидау уал де ’фсымӕримӕ»
3. Йесо йӕ ахуыргӕнинӕгты куы бафӕдзӕхста, маст хӕссын цӕмӕ кӕны, уымӕй, уӕд стӕй цавӕр уынаффӕ радта?
3 Мах, чырыстӕттӕ, стӕм амондджын ӕмӕ иннӕтимӕ хӕларӕй цӕрӕм, уымӕн ӕмӕ хайджын стӕм Хуыцауы сыгъдӕг удӕй ӕмӕ, сыгъдӕг удӕй цы миниуджытӕ гуыры, уыдонӕй, зӕгъӕм, циндзинадӕй ӕмӕ фарнӕй (Гал. 5:22, 23). Йесойы нӕ фӕндыд, цӕмӕй йӕ ахуыргӕнинӕгтӕ сӕ фарн ӕмӕ сӕ циндзинад фесӕфтаиккой, ӕмӕ сӕ уымӕ гӕсгӕ бафӕдзӕхста, маст хӕссын мӕлӕтмӕ кӕй кӕны, уымӕй. (Бакӕс Матфейы 5:21, 22.) Ӕмӕ стӕй загъта: «Дӕ кувинагимӕ нывондхӕссӕнмӕ куы ’рбацӕуай ӕмӕ уым дӕ зӕрдыл куы ’рлӕууа, де ’фсымӕр дӕм цӕуылдӕр хӕрам кӕй у, уый, уӕд дӕ кувинаг уым, нывондхӕссӕны раз ныууадз ӕмӕ ацу, бафидау уал де ’фсымӕримӕ, стӕй уӕд ӕрбаздӕх ӕмӕ дӕ кувинаджы кой дӕр бакӕн» (Матф. 5:23, 24).
4, 5. а) Матфейы 5:23, 24 Йесо цы «лӕвары» кой кодта, уый цы уыд? ӕ) Цӕмӕ гӕсгӕ ис зӕгъӕн, кӕй фӕхъыг кодтам, уыцы ӕфсымӕримӕ бафидауын тынг ахсджиаг кӕй у, уый?
4 Йесо цы «лӕвары» кой кодта, уый амыдта, Иерусалимы кувӕндоны цы кувинӕгтӕ хастой, уыдонмӕ. Зӕгъӕм, нывондӕн фос кӕй хастой, уый уыди тынг ахсджиаг, уымӕн ӕмӕ уыцы рӕстӕджы, Йегъовӕйӕн чи куывта, уыдонӕн нывӕндтӕ хӕссын ӕнӕмӕнг хъуыддаг уыд. Фӕлӕ Йесо бацамыдта, бирӕ ахсджиагдӕр цы уыд, уымӕ – йе ’фсымӕры чи фӕхъыг кодтаид, уый-иу хъуамӕ йемӕ бафидыдтаид Хуыцауӕн нывонд ӕрхӕссыны размӕ.
5 Цы ис зондӕн райсӕн Йесойы ныхӕстӕй? Иннӕтӕн куыд стӕм, уымӕй кӕнгӕ сты нӕ ахастытӕ Йегъовӕимӕ (1 Иоан. 4:20). Уӕдӕ рагзаманты, Хуыцауӕн нывӕндтӕ чи хаста, уый иннӕтӕн ӕвзӕр куы уыдаид, уӕд йӕ нывӕндтӕ уыдаиккой дзӕгъӕлы. (Бакӕс Михейы 6:6–8.)
Хъуамӕ сӕрныллӕг уӕм
6, 7. Не ’фсымӕримӕ бафидауынӕн нӕ сӕрныллӕгдзинад цӕмӕн хъӕуы?
6 Не ’фсымӕримӕ нӕ бафидауын куы хъӕуа, уӕд куыд бакӕндзыстӕм, уымӕй рабӕрӕг уыдзӕн, сӕрныллӕг стӕм ӕви нӕ. Сӕрныллӕг чырыстон йе ’мчырыстонимӕ нӕ быцӕу кӕндзӕн ӕмӕ йӕ бартыл нӕ тох кӕндзӕн. Тох кӕнын ӕмӕ быцӕу кӕнын хорзмӕ не ’ркӕны – раст афтӕ рауад хабар иухатт рагон Коринфы ӕмбырды. Уый фӕдыл апостол Павел загъта ахӕм арф хъуыды: «Кӕрӕдзийыл хъаст кӕй хӕссут, уый ууыл дзурӕг у, ӕмӕ бынтондӕр фӕхӕрд стут. Хуыздӕр нӕ уаид, ӕмӕ уӕхӕдӕг ӕфхӕрды бынаты куы баззаиккат? Хуыздӕр нӕ уаид, ӕмӕ уӕхӕдӕг сайды куы фӕуиккат?» (1 Кор. 6:7).
7 Йесо афтӕ нӕ загъта, зӕгъгӕ, де ’фсымӕрмӕ бацу ӕмӕ йын бамбарын кӕн, ды раст кӕй дӕ, уый та – зылын. Нӕ нысан хъуамӕ уа йемӕ бафидауын. Уый тыххӕй та хъуамӕ ӕргом зӕгъӕм, нӕ зӕрдӕйы цы ис, уый, ӕмӕ ’мбарӕм, уымӕн дӕр йӕ зӕрдӕ кӕй фӕрыст.
Ӕмӕ кӕд мах фӕрӕдыдыстӕм, уӕд сӕрныллӕгӕй хатыр ракурдзыстӕм.«Кӕд дӕ [дӕ] рахиз цӕст рӕдийын кӕны»
8. Цыбыртӕй радзур Матфейы 5:29, 30 фыст Йесойы ныхӕстӕ.
8 Йесо Уӕлхох уацамынды радта хорз уынаффӕ хӕрзӕгъдаудзинады тыххӕй. Уый зыдта, не ’нӕххӕст буар нӕ кӕй рӕдийын кӕндзӕн, ӕмӕ уымӕ гӕсгӕ загъта: «Уӕдӕ дӕ кӕд дӕ рахиз цӕст рӕдийын кӕны, уӕд ӕй фелвас ӕмӕ йӕ аппар. Цӕйнӕфӕлтау дӕ буар ӕгасӕй дӕр гееннӕмӕ бахауа, фӕлтау де уӕнгтӕй иу фӕхъӕуӕд. Кӕд дӕ дӕ рахиз къух рӕдийын кӕны, уӕд уый дӕр ралыг кӕн ӕмӕ йӕ аппар. Цӕйнӕфӕлтау дӕ буар ӕнӕхъӕнӕй дӕр гееннӕйы хай бауа, фӕлтау де уӕнгтӕй иу фӕхъӕуӕд» (Матф. 5:29, 30).
9. Уый гӕнӕн куыд ис, ӕмӕ нӕ нӕ «цӕст» кӕнӕ нӕ «къух» рӕдийын кӕной?
9 Йесо цы «цӕсты» кой кодта, уый у, не ’ргом цӕмӕдӕр цӕй фӕрцы аздахӕм, уыцы тых, кӕнӕ курдиат, «къух» та амоны, нӕ къухтӕй цы аразӕм, уымӕ. Лӕмбынӕг куы нӕ уӕм, уӕд нӕ «нӕ цӕст» кӕнӕ «нӕ къух», гӕнӕн ис, ӕмӕ фӕрӕдийын кӕной ӕмӕ Хуыцауимӕ мауал цӕуӕм (Райд. 5:22; 6:9). Исты нӕ куы цыбӕл кӕна, ӕмӕ нын Йегъовӕйы закъӕтты сӕрты ахизынӕй тӕссаг куы уа, уӕд хъуамӕ ӕппӕт тыхтӕй архайӕм, цӕмӕй нӕ зӕрдӕйы коммӕ ма бакӕсӕм, ома ахӕсгӕ хуызы нӕ цӕст фелвасӕм, кӕнӕ та нӕ къух ралыг кӕнӕм.
10, 11. Нӕхи ӕнӕгъдаудзинадӕй куыд бахиздзыстӕм?
10 Цы у нӕ бон бакӕнын, цӕмӕй нӕ цӕстытӕ ӕнӕгъдау хъуыддӕгтӕм ма кӕсой? Хуыцауы уарзон адӕймаг Иов загъта: «Ӕз бадзырд сарӕзтон мӕ цӕстытимӕ. Уӕд ма чызгмӕ куыд хъуамӕ бакастаин?» (Иов 31:1). Иовӕн уыди ус, ӕмӕ Иов йӕхицӕн аскъуыддзаг кодта, Хуыцау хӕрзӕгъдаудзинады тыххӕй цы закъӕттӕ радта, уыдоны сӕрты кӕй нӕ ахиздзӕн. Ахӕм зондыл хӕст хъуамӕ уӕм мах дӕр, цардӕмбал нын ис ӕви нӕ, уӕддӕр. Цӕмӕй ӕнӕгъдаудзинадӕй нӕхи бахизӕм, уый тыххӕй хъуамӕ хъусӕм Хуыцауы сыгъдӕг уды разамындмӕ. Уый та, Хуыцауы чи уарзы, уыдонӕн ӕххуыс кӕны, цӕмӕй сӕхиуыл хӕцын фӕразой (Гал. 5:22–25).
11 Цӕмӕй ӕнӕгъдау ми ма бакӕнӕм, уый тыххӕй нӕ хъӕуы ахъуыды кӕнын: «Мӕ цӕстытӕн уый бар дӕттын, цӕмӕй мӕ сцыбӕл кӕной, чингуыты кӕй тыххӕй фыссынц, телевизоры кӕй ӕвдисынц ӕмӕ Интернеты тынг ӕнцон ссарӕн кӕй ис, уыцы ӕнӕгъдау хъуыддӕгтӕм?» Нӕ зӕрдыл ма нӕ хъӕуы дарын ахуыргӕнинаг Иаковы ныхӕстӕ дӕр: «Алкӕмӕн дӕр фӕлварӕн вӕййы, йӕхи зӕрдӕйы фӕнд ӕй кӕй сцырен кӕны ӕмӕ йӕ фӕдыл кӕй ацӕуы, уый. Уыцы фӕнд та уидаг куы ауадзы, уӕд ӕркӕны тӕригъӕдмӕ, ӕмӕ тӕригъӕд та, иугӕр ӕрцыд, уӕд ӕркӕны мӕлӕтмӕ» (Иак. 1:14, 15). Уӕдӕ Хуыцауы лӕггадгӕнӕг искӕмӕ мондагӕй куы кӕса, уӕд хъуамӕ йӕ зондахаст афтӕ тынг аива, раст цыма йӕ цӕст фелвӕста ӕмӕ йӕ иуварс аппӕрста, уыйау. (Бакӕс Матфейы 5:27, 28.)
12. Цавӕр уынаффӕ нын баххуыс кӕндзӕн ӕнӕгъдау монцты ныхмӕ тох кӕнынӕн?
12 Нӕ къухтӕй раст хъуыддӕгтӕ куы нӕ кӕнӕм, уӕд, гӕнӕн ис, ӕмӕ Йегъовӕ хӕрзӕгъдаудзинады тыххӕй цы уагӕвӕрдтӕ радта, уыдон фехалӕм. Уымӕ гӕсгӕ хъуамӕ нӕ фидар фӕнд уа, цӕмӕй алкӕддӕр хӕрзӕгъдау уӕм. Уый тыххӕй та нӕ хъӕуы хъусын Павелы уынаффӕмӕ: «Амарут уӕ зӕххон буары фӕндтӕ: хӕтындзинад, чъизи митӕ, монцӕй судзын, фыдбылыз фӕндтӕ, стӕй уӕд зыд, уымӕн ӕмӕ зыд кӕнын у мӕнгхуыцауӕн кувын» (Кол. 3:5). Дзырд «амарут» ӕвдисы, ӕнӕгъдау монцты ныхмӕ тох кӕнын куыд карзӕй хъӕуы, уый.
13, 14. Нӕхи ӕнӕгъдау хъуыдытӕ ӕмӕ хъуыддӕгтӕй цӕмӕн хъуамӕ хизӕм?
13 Вӕййы афтӕ, ӕмӕ адӕймагӕн йе уӕнгтӕй кӕцыдӕр лыг кӕнын бахъӕуы. Амӕлыны бӕсты ахӕм операцийыл, ӕвӕццӕгӕн, алчидӕр сразы уыдзӕн. Цӕмӕй нӕхи ӕнӕгъдау хъуыдытӕ ӕмӕ хъуыддӕгтӕй бахизӕм ӕмӕ Йегъовӕйы хорзӕх ма фесафӕм, уый тыххӕй мах дӕр ахӕсгӕ хуызы хъӕуы нӕ цӕст ӕмӕ нӕ къух «аппарын». Цӕмӕй гееннӕмӕ ма бахауӕм, ома ӕнустӕм сӕфт ма ӕрцӕуӕм, уый тыххӕй хъуамӕ зондӕй дӕр ӕмӕ ӕгъдауӕй дӕр сыгъдӕг уӕм, стӕй мӕнг хуыцӕуттӕн кувынӕй нӕхи ма чъизи кӕнӕм.
14 Нӕ туджы тӕригъӕд кӕй рахастам 1 Кор. 9:27). Уӕдӕ, Йесо хӕрзӕгъдаудзинады тыххӕй цы загъта, уымӕ гӕсгӕ архайӕм ӕмӕ нӕхи афтӕ дарӕм, йӕ нывондӕн ын кӕй аргъ кӕнӕм, уый бӕрӕг куыд уа (Матф. 20:28; Дзут. 6:4–6).
ӕмӕ ӕнӕххӕст кӕй стӕм, уымӕ гӕсгӕ нӕ хӕрзӕгъдау цард кӕныныл хъӕуы бирӕ фыдӕбон кӕнын. Павел загъта: «Мӕ буар хъизӕмарӕй марын ӕмӕ дзы цагъар аразын, цӕмӕй афтӕ ма рауайа, ӕмӕ иннӕтӕн фехъусын кӕнгӕйӕ мӕхӕдӕг аккаг нӕ дӕн» (Рӕдау ут
15, 16. а) Рӕдаудзинады хъуыддаджы Йесо куыд у фӕзминаг? ӕ) Лукайы 6:38 фыст Йесойы ныхӕстӕ цӕуыл дзурӕг сты?
15 Йесо цы дзырдта ӕмӕ куыд цард, уымӕй нӕ разӕнгард кӕны рӕдаудзинадмӕ. Ӕнӕххӕст адӕмӕн баххуыс кӕныны тыххӕй уый ӕрцыд зӕхмӕ. (Бакӕс 2 Коринфӕгтӕм 8:9.) Йесо йӕхи фӕцух кодта, уӕлӕрвты йын цы кад уыд, уымӕй, цӕмӕй адӕймаг суыдаид ӕмӕ йӕ цард радтаид тӕригъӕдджын адӕмы тыххӕй,– уыдонӕй та чидӕртӕ хъуамӕ уӕлӕрвты райстаиккой хӕзнатӕ, ома сын Паддзахады йемӕ бынтӕй хай уыдаид (Ром. 8:16, 17). Кӕй зӕгъын ӕй хъӕуы, Йесо рӕдаудзинадмӕ разӕнгард кодта, куы загъта:
16 «Дӕттут, ӕмӕ уын дӕтдзысты. Уӕ роны уын ӕркӕндзысты рӕдауӕй, ӕрнӕмдзысты йӕ, сцӕгъддзысты йӕ ӕмӕ йӕ дзӕбӕх байдзаг кӕндзысты. Уымӕн ӕмӕ уӕхӕдӕг цы барӕнӕй барат, ахӕм барӕнӕй бардзысты сымахӕн дӕр» (Лук. 6:38). «Уӕ роны уын ӕркӕндзысты», зӕгъгӕ, амоны, рагзаманты цы ӕгъдау уыд, уымӕ: ӕлхӕнӕг-иу йӕ уӕрӕх уӕлӕдарӕсы фӕдджи басчъил кодта, ронӕй-иу ӕй ӕрбабаста ӕмӕ-иу ын дзы цы стыр дзыпп рауад, уым ын-иу уӕйгӕнӕг ныккодта хор. Мах дӕр рӕдауӕй куы дӕттӕм, уӕд, гӕнӕн ис, ӕмӕ нӕхицӕн дӕр рӕдауӕй «нӕ роны ӕркӕной», чи зоны, тыхст куы уӕм, уыцы рӕстӕг (Еккл. 11:2).
17. Рӕдаудзинадӕй нын Йегъовӕ фӕзминаг куыд у ӕмӕ нын рӕдаудзинад цавӕр хъуыддӕгты хӕссы циндзинад?
17 Йегъовӕ уарзы ӕмӕ хорзӕхджын кӕны, рӕдау чи у, уыдоны. Ацы хъуыддаджы уый хуызӕн ничи ис. Йегъовӕ йӕ иунӕггуырд Фырты радта, «цӕмӕй йыл чидӕриддӕр ӕууӕнды, уый ма фесӕфа, фӕлӕ йын уа ӕнусон цард» (Иоан. 3:16). Павел фыста: «Рӕдау тауӕг... кӕрдгӕ дӕр ӕркӕндзӕн рӕдауӕй. Уӕдӕ алчидӕр кӕнӕд, йӕхицӕн куыд загъта, афтӕ – мацы кӕнӕд ӕвӕндонӕй кӕнӕ тыххӕй кӕнӕгау, уымӕн ӕмӕ Хуыцау, зӕрдиагӕй чи дӕтты, уый уарзы» (2 Кор. 9:6, 7). Хуыцауы хъуыддагӕн нӕ рӕстӕг, нӕ хъарутӕ ӕмӕ нӕ фӕрӕзтӕ куы не ’вгъау кӕнӕм, уӕд нын уый ӕрхӕсдзӕн циндзинад ӕмӕ стыр хорзӕхтӕ. (Бакӕс Ӕмбисӕндты 19:17; Лукайы 16:9.)
Хорзӕй цы фӕаразыс, уый-иу «адӕмыл ма ныхъхъӕр кӕн»
18. Нӕ уӕларвон Фыдӕй нын хӕрзиуӕг кӕд нӕ уыдзӕн?
18 «Уӕхи адӕмы цӕстмӕ Матф. 6:1). «Рӕстгӕнӕг» у, Хуыцауы фӕндон чи ӕххӕст кӕны, ахӕм адӕймаг, ӕмӕ Йесойӕн дӕр йӕ ныхас ууыл уыд. Уый афтӕ зӕгъынмӕ нӕ хъавыд, ӕмӕ Хуыцауы зӕрдӕмӕ цы хъуыддӕгтӕ цӕуы, уыдон адӕмы раз нӕй кӕнӕн, уымӕн ӕмӕ йӕ ахуыргӕнинӕгтӕн афтӕ загъта, зӕгъгӕ, «уӕ рухс... кӕлӕд адӕммӕ» (Матф. 5:14–16). Фӕлӕ нын нӕ уӕларвон Фыдӕй «хӕрзиуӕг нӕ уыдзӕн», театры артисттау нӕхи «адӕмы цӕстмӕ» куы ӕвдисӕм ӕмӕ куы архайӕм, цӕмӕй сӕ дисы бафтауӕм. Ахӕм зӕрдӕйы уаг нын куы уа, уӕд Хуыцаумӕ нӕ баввахс уыдзыстӕм ӕмӕ Хуыцауы Паддзахады къухдариуӕджы бын ӕнусон арфӕдзинӕдтӕй не схайджын уыдзыстӕм.
ма ӕвдисут, ӕз рӕстгӕнӕг дӕн, зӕгъгӕ, уымӕн ӕмӕ уын уӕд уӕ уӕларвон Фыдӕй хӕрзиуӕг нӕ уыдзӕн» (19, 20. Куыд ӕмбарын хъӕуы, зӕгъгӕ, «дӕ галиу къух ма зонӕд, дӕ рахиз къух цы аразы, уый»?
19 Раст зондахаст нын куы уа, уӕд хъусдзыстӕм Йесойы уынаффӕмӕ: «Уӕдӕ мӕгуыртӕн куы ӕххуыс кӕнай, уӕд ӕй адӕмыл ма ныхъхъӕр кӕн – афтӕ фӕкӕнынц цӕстмӕхъустӕ ӕмбырдгӕнӕнты ӕмӕ уынгты, цӕмӕй адӕм сӕ хорзы кой кӕной. Ӕцӕг уын зӕгъын: уыдон райстой сӕ хӕрзиуӕг» (Матф. 6:2). Йесо ӕмӕ йӕ апостолтӕм уыди иумӕйаг ӕхца мӕгуыртӕн ӕххуыс кӕнынӕн ӕмӕ-иу искӕмӕн куы баххуыс кодтой, уӕд-иу уый ничи базыдта (Иоан. 12:5–8; 13:29). Мах дӕр искӕмӕн куы баххуыс кӕнӕм, уӕд-иу ӕй фарисейтау ма ныхъхъӕр кӕнӕм. Йесо сӕ схуыдта цӕстмӕхъустӕ, уымӕн ӕмӕ-иу мӕгуыртӕн кӕй баххуыс кодтой, уый тыххӕй-иу «ӕмбырдгӕнӕнты ӕмӕ уынгты» дзырдтой. Уыцы цӕстмӕхъустӕ «райстой сӕ хӕрзиуӕг». Фарисейтӕн сӕ хӕрзиуӕг уыди, адӕм-иу сыл кӕй бацин кодтой кӕнӕ-иу ӕмбырдгӕнӕны зындгонд раввинтимӕ разӕй кӕй бадтысты, ӕрмӕст уый,– уымӕн ӕмӕ сӕ Йегъовӕ ӕппындӕр ницӕмӕй схорзӕхджын кодтаид (Матф. 23:6). Куыд хъуамӕ кодтаиккой Чырыстийы ахуыргӕнинӕгтӕ та? Йесо уыдонӕн цы загъта, уый махмӕ дӕр хауы:
20 «Ды та мӕгуыртӕн куы ӕххуыс кӕнай, уӕд дӕ галиу къух ма зонӕд, рахиз къух цы аразы, уый, цӕмӕй дын дӕ хорзракӕнд мачи фена. Ӕмӕ дын уӕд дӕ хорздзинад бафиддзӕн дӕ уӕларвон Фыд – алцыдӕр чи уыны, уый» (Матф. 6:3, 4). Исты куы фӕаразӕм, уӕд арӕхдӕр фӕархайӕм нӕ дыууӕ къухӕй дӕр. Уӕдӕ ныхӕстӕ «дӕ галиу къух ма зонӕд, рахиз къух цы аразы, уый», зӕгъгӕ, афтӕ ’мбарын хъӕуы ӕмӕ иннӕтӕн хорзӕй цы фӕвӕййӕм, уый кӕй ма хъуамӕ дзурӕм, суанг нын ӕввахс чи у, уыдонӕн дӕр – раст галиу къух рахиз къухмӕ куыд ӕввахс у, афтӕ ӕввахс нын чи у, уыдонӕн дӕр.
21. Нӕ Фыд нӕ куыд схорзӕхджын кӕндзӕн?
21 Искӕмӕн исты куы фӕуӕм, ӕмӕ уый тыххӕй нӕхицӕй куы не ’ппӕлӕм, уӕд нын нӕ «хорзракӕнд» ничи фендзӕн. Нӕ Фыд Йегъовӕ нӕ фӕстӕдӕр схорзӕхджын кӕндзӕн: йӕ хӕлӕрттӕ суыдзыстӕм, нӕ тӕригъӕдтӕ нын ныббардзӕн ӕмӕ нын ӕнустӕм цӕрыны фадат ратдзӕн (Ӕмб. 3:32; Иоан. 17:3; Еф. 1:7). Уый та бирӕ хуыздӕр у, адӕм дӕ ӕппӕлой, уымӕй!
Хорз ныхӕстӕн стыр аргъ ис
22, 23. Йесойы ныхӕстӕн цӕмӕн хъуамӕ аргъ кӕнӕм?
22 Ӕцӕгдӕр, Уӕлхох уацамынды ис тынг бирӕ рӕсугъд «бриллианттӕ». Нӕ бон дзы ссарын у, аргъ кӕмӕн нӕй, ахӕм ныхӕстӕ, циндзинад нын суанг ацы фыддунейы чи ’рхӕсдзӕн, ахӕмтӕ. О, амондджын уыдзыстӕм, Йесойы ныхӕстӕн куы аргъ кӕнӕм ӕмӕ сын бар куы дӕттӕм, цӕмӕй нын нӕ зондахастыл ӕмӕ нӕ цардыл ӕндавой.
23 Йесо цы ныхӕстӕ загъта, уыдонмӕ «чи хъуса ӕмӕ сӕ чи ӕххӕст кӕна, уый» арфӕгонд ӕрцӕудзӕн. (Бакӕс Матфейы 7:24, 25.) Цӕй уӕдӕ Йесойы уынаффӕтӕм хъусӕм. Уӕлхох уацамынды ма цы загъта, ууыл фылдӕр дзырд цӕудзӕн иннӕ статьяйы.
Цавӕр дзуапп ратдзынӕ?
• Кӕй фӕхъыг кодтам, уыцы ӕфсымӕримӕ бафидауын ахсджиаг цӕмӕн у?
• Цӕмӕй нӕ нӕ «рахиз цӕст» ма рӕдийын кӕна, уый тыххӕй цы хъуамӕ аразӕм?
• Цӕмӕн хъуамӕ уӕм рӕдау?
[Фарстатӕ ахуыр кӕнынӕн]
[Ныв 11 фарсыл]
Куыд хорз у, де ’мчырыстонимӕ куы бафидауай, уый!
[Нывтӕ 13 фарсыл]
Йегъовӕ хорзӕхджын кӕны, рӕдау чи у, уыдоны