Бахъуыды кодтай?

«Хъахъхъӕнӕн мӕсыг»-ы фӕстаг номыртӕ дӕ зӕрдӕмӕ фӕцыдысты? Ӕркӕс-ма, цымӕ ацы фарстатӕн дзуапп раттын дӕ бон бауид.

• Чи уыд Оливетан ӕмӕ йӕ тӕлмац цымыдисаг цӕмӕй у?

Оливетан уыди французаг лӕг ӕмӕ йӕ зыдтой Пьер Робертӕй. 16 ӕнусы Реформацийы рӕстӕг Библи ратӕлмац кодта французаг ӕвзагмӕ. Дзырд «епископы» бӕсты фыста «цӕстдарӕг», «аргъуаны» бӕсты – «ӕмбырд», Хуыцауы ном та ныффыста «Йегъовӕ» (1.9, 18–20 фӕрстӕ).

• Хуыцау левиттӕн куы загъта, ӕз дӕн уӕ хай, зӕгъгӕ, уӕд ӕй цы зӕгъын фӕндыд?

Израилы мыггӕгтӕй алкӕмӕндӕр уыди йӕхи зӕххы хай, левиттӕн та Йегъовӕ загъта, зӕгъгӕ, ӕз дӕн уӕ хай (Ным. 18:20). Уыдон кӕд зӕхх бынӕн нӕ истой, уӕддӕр сӕм ӕрхауд уӕлдай кад – Хуыцауӕн лӕггад кӕнын. Фӕлӕ сӕ Йегъовӕ уӕддӕр цух ницӕмӕй уагъта. Абон Хуыцауы Паддзахады тыххӕй хорз хабар чи хъусын кӕны, уыдон дӕр хъуамӕ ма дызӕрдыг кӕной, Хуыцау сӕ кӕй ницы цух ныууадздзӕн (15.9, 7, 8, 13 фӕрстӕ).

• Вавилойнӕгтӕ рагон Иерусалим кӕцы аз ныппырх кодтой, уый куыд ис базонӕн?

Рагон историктӕ иу хъуыдыйыл хӕст не сты, Вавилоны паддзӕхтӕ чи уыдысты ӕмӕ сӕ бынӕтты цас фесты, уый фӕдыл. Фӕлӕ ахуыргӕндтӕ разы сты, Кир II Вавилон кӕй бацахста н. э. размӕ 539 азы. Дзуттӕгтӕ уацарӕй ссӕрибар сты ӕмӕ сӕ райгуырӕн бӕстӕмӕ ӕрцыдысты н. э. размӕ 537 азы. Библийы куыд фыст ис, афтӕмӕй уацары уыдысты 70 азы. Уымӕ гӕсгӕ Иерусалим хъуамӕ пырхгонд ӕрцыдаид н. э. размӕ 607 азы (2 Аз. 36:21, 22; Йер. 29:10; Дан. 9:1, 2) (1.10, 26–31 фӕрстӕ).

• Чырыстӕттӕ цӕй фӕрцы бамбардзысты, кӕцыдӕр ирхӕфсӕнтӕ пайда сты ӕви нӕ?

Кӕцыдӕр ирхӕфсӕн пайда у ӕмӕ Хуыцауы зӕрдӕмӕ цӕуы ӕви нӕ, уый тыххӕй хъӕуы ахъуыды кӕнын ахӕм фарстатыл: Цавӕр ирхӕфсӕн у? Цас рӕстӕг ыл бахардз кӕндзынӕ? Дӕ рӕстӕг кӕимӕ ӕрвитдзынӕ? (15.10, 9–12 фӕрстӕ).

• Аборт кӕнӕн ис?

Хуыцауы цӕсты цард табуйаг у, ӕмӕ, мады гуыбыны чи сӕвзӕры, уыцы сывӕллоны дӕр нымайы удыл (Пс. 139:16). Хуыцау загъта, зӕгъгӕ, чи нӕма райгуырд, ахӕм сывӕллонӕн зиан чи ӕрхӕсса, уыцы адӕймагӕй дзуапп кӕй ӕрдомдзӕн. Уӕдӕ, чи нӕма райгуырд, уыцы сывӕллоны цард чи аскъуына, уый йӕ цӕсты у лӕгмар (Рац. 21:22, 23) (1.11, 6 фарс).

• Ӕмбисӕндтӕ 7:6–23 куыд ӕххуыс кӕнынц, цӕмӕй нӕхи хизӕм порнографийӕ?

Дзырд дзы цӕуы, ӕрыгон лӕппу кӕй фӕцӕйцыд, хӕтаг сылгоймаг кӕм цард, уыцы уынджы. Сылгоймаг ӕй рӕсугъд ӕмӕ адджын ныхӕстӕй фӕсайдта. Цӕмӕй адӕймагыл ӕвзӕр хъуыдытӕ ма фӕтых уой ӕмӕ порнографимӕ ма бакӕса, уый тыххӕй хъуамӕ Йегъовӕмӕ кува ӕмӕ дзы ӕххуыс кура, цалынмӕ Интернеты ӕвзӕр нывтӕ нӕ фена, уӕдмӕ (15.11, 9, 10 фӕрстӕ).

• Кӕцӕй зонӕм, зӕхх 2012 азы кӕй нӕ фесӕфдзӕн, уый?

Иуӕй-иуты уырны, 2012 азы бӕсты сӕфт кӕй уыдзӕн, уымӕн ӕмӕ рагон адӕмыхатт майӕйы къӕлиндар фӕуд кӕны уыцы аз. Фӕлӕ уымӕн гӕнӕн нӕй – Йегъовӕ зӕхх сфӕлдыста цӕрынӕн. Библи дзуры, зӕхх ӕнустӕм кӕй уыдзӕн (Еккл. 1:4; Ис. 45:18) (1.12, 10 фарс).

• Библийы фысджытӕй н. э. 33 азы Фӕндзайӕм боны чи уыди?

Куыд зыны, афтӕмӕй, Грекъаг Фыстытӕ чи ныффыста, уыдонӕй ӕхсӕзӕй уыдысты Фӕндзайӕм боны. Ӕртӕ апостолы – Матфей, Иоанн ӕмӕ Петр. Йесойы дыууӕ ӕфсымӕры Иаков ӕмӕ Иудӕ. Ӕвӕццӕгӕн ӕрыгон Марк дӕр уым уыд (1.12, 22 фарс).