УЫЙ АХСДЖИАГ ЦӔМӔН У. Йегъовӕ рӕстдзинады мыггӕгтӕ сырӕзын кӕны, «ӕнусон царды фӕндагыл цӕуын кӕй фӕнды», уыдоны зӕрдӕты (Хъд 13:48; 1Кр 3:7). Мах Йегъовӕимӕ ӕмгуыст кӕнӕм, ӕмӕ уацамынды нӕ хъарутӕ саразӕм, рӕстдзинад йӕ зӕрдӕмӕ чи айсы, уыдонӕн ӕххуыс кӕнынмӕ (1Кр 9:26). Библи чи ахуыр кӕны, уыдон хъуамӕ бамбарой, цӕмӕй фервӕзой, уый тыххӕй сӕ донаргъуыд райсын ӕнӕмӕнг кӕй хъӕуы (1Пт 3:21). Мах сын ӕххуыс кӕнӕм, цӕмӕй Чырыстийы ахуыргӕнинӕгтӕ суой: сӕ царды ивындзинӕдтӕ скӕной, хъусын кӕной, иннӕты ахуыр кӕной ӕмӕ сӕ цард Йегъовӕйӕн снывонд кӕной (Мф 28:19, 20).

УЫЙ КУЫД ИС АРАЗӔН

• Библи кӕимӕ ахуыр кӕнӕм, уыдонӕн-иу сӕ зӕрдыл ӕрлӕууын кӕнӕм, семӕ Библи уый тыххӕй кӕй ахуыр кӕнӕм, цӕмӕй Йегъовӕйы базоной ӕмӕ йын йӕ зӕрдӕ рухс кӕной (Ин 17:3).

• Ӕххуыс сын кӕнӕм, цӕмӕй сӕ сӕ уырнындзинад фидар кӕнынӕн цы хъыгдары, уыдӕттӕй сӕхи хизой, зӕгъӕм, се ’взӕр хъуыддӕгтӕ ӕмӕ ’взӕр ӕмбӕлтты ныууадзой.

• Фидар сӕ кӕнӕм, донаргъуыды размӕ дӕр ӕмӕ донаргъуыды фӕстӕ дӕр (Хъд 14:22).

БАКӔСУТ ВИДЕОРОЛИКМӔ «ЙЕГЪОВӔ ДЫН БАХХУЫС КӔНДЗӔН» ӔМӔ ДЗУАПП РАТТУТ АЦЫ ФАРСТАТӔН:

• Адӕймаг йӕ ныфс цӕуылнӕ фӕхӕссы Йегъовӕйӕн дзырд раттынмӕ ӕмӕ донаргъуыд райсынмӕ?

• Хистӕр нӕлгоймӕгтӕн сӕ бон куыд у, Библи чи ахуыр кӕны, уыдонӕн сӕ уырнындзинад фидар кӕнын?

• Исайы 41:10 стихӕй Йегъовӕйы тыххӕй нӕ бон цы у базонын?

• Цавӕр миниуджытӕ нӕм хъуамӕ уа, цӕмӕй Йегъовӕйӕн иузӕрдионӕй лӕггад кӕнӕм, кӕд ӕнӕххӕст стӕм, уӕддӕр?