АХСДЖИАГ ЦӔМӔН У. Кусӕнгӕрзтӕй бирӕтӕ адӕймагӕн ӕрмӕст пайда нӕ хӕссынц, фӕлӕ зиан дӕр. Афтӕ у сӕ хабар социалон сетьтӕн дӕр. Иуӕй-иу чырыстӕттӕ социалон сетьтӕй нӕ пайда кӕнынц. Иннӕ чырыстӕттӕ та сӕ пайда кӕнынц, цӕмӕй сӕ бинонтимӕ ӕмӕ се ’мбӕлттимӕ ныхас кӕной ӕмӕ сӕм фыссой. Фӕлӕ Хӕйрӕджы фӕнды, цӕмӕй социалон сетьтӕй пайда кӕнгӕйӕ ӕмбаргӕ ма уӕм, ӕмӕ нӕ ном фӕчъизи уа ӕмӕ Йегъовӕйӕ адард уӕм. Цӕмӕй зонӕм, тӕссаг нын цӕмӕй у, уый ӕмӕ къӕппӕджы ма бахауӕм, уый тыххӕй хъуамӕ Чырыстийау Библийы уагӕвӕрдтӕм гӕсгӕ архайӕм (Лк 4:4, 8, 12).

НӔХИ ЦӔМӔЙ ХЪУАМӔ ХИЗӔМ

• Социалон сетьтыл ӕгӕр бирӕ рӕстӕг хардз кӕнын. Социалон сетьтыл бирӕ рӕстӕг куы хардз кӕнӕм, уӕд нын уырнындзинадимӕ баст хъуыддӕгтӕн рӕстӕг нал уыдзӕн.

  Библийы уагӕвӕрдтӕ: Еф 5:15, 16; Фп 1:10

• Уырнындзинадӕн тӕссаг цӕмӕй у, ахӕм цӕмӕдӕрты кӕсын. Хӕлд нывтӕм куы кӕсӕм, уӕд, гӕнӕн ис, порнографимӕ кӕсыныл фӕцахуыр уӕм кӕнӕ нӕ уый ӕнӕгъдаудзинадмӕ ӕркӕна. Раст дин чи ныууагъта, уыдон интернеты кӕнӕ сӕхи блогты раст дины ныхмӕ цытӕ фӕфыссынц, уыдӕттӕ куы кӕсӕм, уӕд уый, чи зоны, нӕ уырнындзинадыл ӕвзӕрырдӕм фӕзына.

  Библийы уагӕвӕрдтӕ: Мф 5:28; Фп 4:8

• Чи не ’мбӕлы, ахӕм комментаритӕ фыссын кӕнӕ къамтӕ ӕвӕрын. Зӕрдӕ мӕнгард кӕй у, уымӕ гӕсгӕ, чи зоны, адӕймаджы бафӕнда социалон сетьты, чи не ’мбӕлы, ахӕм комментаритӕ фыссын кӕнӕ къамтӕ ӕвӕрын. Фӕлӕ уый тыххӕй, гӕнӕн ис, искӕй ном фӕчъизи уа кӕнӕ уый иннӕты уырнындзинадӕн зиан ӕрхӕсса.

  Библийы уагӕвӕрдтӕ: Ро 14:13; Еф 4:29

БАКӔСУТ ВИДЕОРОЛИКМӔ «СОЦИАЛОН СЕТЬТЫ КЪӔППӔДЖЫТЫ МА БАХАУ» ӔМӔ АНЫХАС КӔНУТ, УӔ БОН КУЫД У УӔХИ АЦЫ УАВӔРТӔЙ БАХИЗЫН: