7–13 октябры
ПСАЛОМТӔ 92–95
84 зарӕг ӕмӕ куывд | Разныхас (1 мин.)
1. Йегъовӕйӕн лӕггад кӕнынӕй хуыздӕр ницы ис!
(10 мин.)
Йегъовӕ уый аккаг у, цӕмӕй йын лӕггад кӕнӕм (Пс 92:1, 4; w18.04 26 ф., 5 абз.).
Йегъовӕ нын ӕххуыс кӕны, цӕмӕй раст уынаффӕтӕ хӕссӕм ӕмӕ амондджын уӕм (Пс 92:5; w18.11 20 ф., 8 абз.).
Йегъовӕ йӕ ацӕргӕ лӕггадгӕнджытӕн аргъ кӕны (Пс 92:12–15; w20.01 19 ф., 18 абз.).
АХЪУЫДЫ КӔН: «Цы мӕ хъыгдары, цӕмӕй мӕхи Йегъовӕйӕн снывонд кӕнон ӕмӕ донаргъуыд райсон?»
2. Цавӕр хӕзнатӕ ссардтай?
(10 мин.)
-
Пс 92:5. Ацы ныхӕстӕй Йегъовӕйы зонды тыххӕй цы ис базонӕн? (cl-U 176 ф., 18 абз.)
-
Ацы къуыри Библийӕ цы сӕртӕ кастыстӕм, уыдоны цавӕр хӕзнатӕ ссардтай?
3. Библийӕ бакӕсинаг
(4 мин.): Пс 94:1–23 (th 5 урок)
4. Ныхас райдайын
(4 мин.). ХЪУСЫН КӔНӔМ, ФАДАТ КУЫ ФӔЗЫНЫ, УӔД. Адӕймагимӕ ныхас кӕнгӕйӕ фадат ссар, цӕмӕй йын радзурай, адӕмимӕ Библийыл кӕй фӕныхас кӕныс (lmd 5 урок, 3 пункт).
5. Адӕймаджы ногӕй бабӕрӕг кӕнын
(3 мин.). ХЪУСЫН КӔНӔМ, ФАДАТ КУЫ ФӔЗЫНЫ, УӔД. Кӕддӕр Библи ахуыр кӕныныл чи не сразы, ахӕм адӕймагӕн Библи ахуыр кӕныны тыххӕй зӕгъ (lmd 8 урок, 4 пункт).
6. Ахуыргӕнинӕгтӕ цӕттӕ кӕнын
(5 мин.). Аныхас кӕн, Библи кӕимӕ ахуыр кӕныс, фӕлӕ йӕ царды чи ницы ивы, уыцы адӕймагимӕ (lmd 12 урок, 5 пункт).
5 зарӕг
7. Тыхст хъуыдытӕ ӕрыгӕтты сӕ быны куы скӕнынц
(15 мин.). Раныхас фарстатӕ ӕмӕ дзуаппытимӕ.
Йегъовӕйӕн кӕй лӕггад кӕнӕм, уый ууыл дзурӕг нӕу, ӕмӕ-иу нӕм тыхст хъуыдытӕ нӕ фӕзындзӕн. Зӕгъӕм, хатт-иу Давидӕн тыхст хъуыдытӕ ӕнцой нӕ лӕвӕрдтой (Пс 13:2; 139:23). Ӕмӕ нӕ рӕстӕджы дӕр бирӕ хотӕ ӕмӕ ’фсымӕртӕ сты ахӕм уавӕры. Хъыгагӕн, се ’хсӕн ӕрыгӕттӕ дӕр ис. Тыхст хъуыдытӕ сӕ сӕ быны кӕй скӕнынц, уый тыххӕй сын ӕнӕуи хъуыддӕгтӕ аразын дӕр тынг зын вӕййы, зӕгъӕм, скъоламӕ кӕнӕ ӕмбырдтӕм цӕуын. Хатт ма сын суанг, паническая атака чи хуыйны, уый дӕр райдайы кӕнӕ сӕм сӕхи амарыны хъуыдытӕ фӕзыны.
Ӕрыгӕттӕ, кӕд уӕ тыхст хъуыдытӕ сӕ быны скӕнынц, уӕд уӕ ныййарджытимӕ кӕнӕ фӕлтӕрдджын чырыстонимӕ аныхас кӕнут. Йегъовӕмӕ кувут, цӕмӕй уын баххуыс кӕна (Фп 4:6). Ӕмӕ уын уый ӕнӕмӕнг баххуыс кӕндзӕн (Пс 94:17–19; Ис 41:10). Ӕркӕсӕм Стингы хабармӕ.
Равдис ВИДЕОРОЛИК «Йегъовӕ мын алкӕддӕр ӕххуыс кодта». Стӕй хъусджыты бафӕрс:
• Стингӕн Библийӕ цавӕр стих баххуыс кодта ӕмӕ куыд?
• Йегъовӕ йыл куыд батыхст?
Ныййарджытӕ, уӕ бон у уӕ сывӕллӕттӕн ӕххуыс кӕнын, цӕмӕй тыхст хъуыдытимӕ тох кӕной. Лӕмбынӕг-иу сӕм байхъусут, фӕразон-иу ут, дзурут-иу сын, кӕй сӕ уарзут, стӕй сын ӕххуыс кӕнут, цӕмӕй ма дызӕрдыг кӕной, Йегъовӕ сӕ бирӕ кӕй уарзы, ууыл (Тит 2:4; Иак 1:19). Йегъовӕйӕ курут, цӕмӕй-иу уын уӕ зӕрдӕтӕ ӕрсабыр кӕна ӕмӕ-иу уын тыхтӕ ратта, ӕмӕ уӕ бон уа уӕ сывӕллӕттӕн ӕххуыс кӕнын.
Гӕнӕн ис, ма зонӕм, ӕмбырды чидӕр тыхст хъуыдытимӕ кӕй тох кӕны, кӕнӕ ма ’мбарӕм, йӕ зӕрдӕйы цы ис, уый. Фӕлӕ нӕ бон у архайын, цӕмӕй ӕмбырды алчидӕр уына, кӕй йӕ уарзынц ӕмӕ йын кӕй аргъ кӕнынц (Ӕм 12:25; Дзт 10:24).
8. Библийы ахуыр ӕмбырдимӕ
(30 мин.): bt 16 сӕр, 6–9 абз., рамкӕ 150 ф.
