УЫЙ АХСДЖИАГ ЦӔМӔН У. Кӕд «адӕймаджы зӕрдӕйы хъуыдытӕ... арф дӕттӕ» сты, уӕд фарстатӕ та сты, «сисӕн» сӕ кӕй фӕрцы ис, ахӕм мигӕнӕн (Ӕм 20:5). Фарстаты фӕрцы нӕ бон у адӕймаджы ныхас кӕнынмӕ баразӕнгард кӕнын. Хорз фарстаты фӕрцы ис базонӕн, адӕймагӕн йӕ зӕрдӕйы цы ис, уый. Чырысти ахӕм фарстатӕ дӕттынмӕ хорз арӕхст. Нӕ бон ӕй куыд у бафӕзмын?

УЫЙ КУЫД ИС АРАЗӔН:

• Адӕймагмӕ дӕтт, йӕ хъуыды йын кӕй фӕрцы базондзынӕ, ахӕм фарстатӕ. Чырысти-иу йӕ ахуыргӕнинӕгтӕм ахӕм фарстатӕ лӕвӕрдта, цӕмӕй-иу сын сӕ хъуыды базыдтаид (Мф 16:13–16; кӕс урок «Фарстатӕ дӕттынмӕ арӕхс»). Дӕуӕн та дӕ бон цавӕр фарстатӕ уаид дӕттын, цӕмӕй-иу адӕймагӕн йӕ хъуыды базонай?

• Адӕймагмӕ ахӕм фарстатӕ дӕтт, цӕмӕй раст хъуыдымӕ ӕрцӕуа. Цӕмӕй Петр раст хъуыдымӕ ӕрцыдаид, уый тыххӕй йӕм Чырысти радта, цалдӕр дзуаппы кӕмӕн уыд раттӕн, ахӕм фарстатӕ (Мф 17:24–26). Дӕуӕн та дӕ бон адӕймагмӕ цавӕр фарстатӕ уаид раттын, цӕмӕй раст хъуыдымӕ ӕрцӕуа?

• Адӕймагӕй-иу раппӕл. Иухатт иу чиныджыдӕсны «ӕмбаргӕ адӕймаджы дзуапп» куы радта, уӕд дзы Чырысти раппӕлыд (Мч 12:34). Адӕймаг дын дӕ фарстайӕн дзуапп куы ратта, уӕд дзы дӕ бон куыд у раппӕлын?

БАКӔС ВИДЕОРОЛИКМӔ «ЧЫРЫСТИ ЦЫ КУЫСТ КОДТА, УЫЦЫ КУЫСТ КӔНУТ. ИННӔТЫ АХУЫР КӔНУТ» (1-АГ ХАЙ) ӔМӔ ДЗУАПП РАТТ АЦЫ ФАРСТАТӔН:

• Кӕд ӕфсымӕр, раст цы у, уый дзырдта, уӕддӕр фӕзминаг цӕуылнӕ у?

• Цавӕрдӕр фарста бамбарын кӕнынӕй уӕлдай ма-иу цы хъуамӕ саразӕм?

БАКӔС ВИДЕОРОЛИКЫ 2-АГ ХАЙМӔ ӔМӔ ДЗУАПП РАТТ АЦЫ ФАРСТАТӔН:

• Цӕмӕн ис афтӕ зӕгъӕн, ӕмӕ ӕфсымӕр фарстатӕ дӕттынмӕ арӕхст?

• Иннӕты ахуыр кӕнгӕйӕ ма йӕ нӕ бон цӕмӕй у бафӕзмын?