11 апрелы дыццӕджы Ӕрымысӕн изӕрмӕ ӕрбацӕудзӕн, чи ӕрлӕмӕгъ, уыцы чырыстӕттӕй бирӕтӕ. Уыдон райдыдтой царды фӕндагыл згъорын, фӕлӕ цӕйдӕр аххосӕй сӕ цыд фӕсындӕгдӕр. Афтӕ цӕмӕн рауайы, уый тыххӕй фыст ис брошюрӕйы «Йегъовӕмӕ ӕрбаздӕх» (Дзт 12:1). Чи ӕрлӕмӕгъ, уыдон уӕддӕр Йегъовӕйӕн зынаргъ сты, уымӕн ӕмӕ сӕ йӕ Фырты тугӕй балхӕдта (Хъд 20:28; 1Пт 1:18, 19). Цымӕ сын нӕ бон куыд у баххуыс кӕнын, цӕмӕй фӕстӕмӕ ӕмбырдмӕ ӕрбаздӕхой?

Чи ӕрлӕмӕгъ, уыдоны хистӕр нӕлгоймӕгтӕ фӕагурынц ӕмӕ сын феххуыс кӕнынц, дзугӕй чи адзӕгъӕл, уыцы фысты хорз фыййау куыд фӕагуры, афтӕ (Лк 15:4–7). Уый ууыл дзурӕг у, ӕмӕ сӕ Йегъовӕ уарзы ӕмӕ сыл тыхсы (Йер 23:3, 4). Ӕрмӕст хистӕр нӕлгоймӕгтӕн нӕ, фӕлӕ не ’ппӕтӕн дӕр нӕ бон у ахӕм чырыстӕттӕн ӕххуыс кӕнын. Ахӕм хотӕ ӕмӕ ’фсымӕртӕм хӕларзӕрдӕ куы уӕм ӕмӕ сӕм фӕлмӕнзӕрдӕ куы уӕм, уӕд уый Йегъовӕйӕн ӕхсызгон уыдзӕн ӕмӕ нын раарфӕ кӕндзӕн (Ӕм 19:17; Хъд 20:35). Уымӕ гӕсгӕ ахъуыды кӕн, дӕ бон кӕмӕн у баххуыс кӕнын, ӕмӕ ӕвӕстиатӕй архай!

БАКӔСУТ ВИДЕОРОЛИКМӔ «ЧИ ӔРЛӔМӔГЪ, УЫДОНӔН ӔХХУЫС КӔНӔМ» ӔМӔ АНЫХАС КӔНУТ АХӔМ ФАРСТАТЫЛ:

• Эбби цы сарӕзта, кӕй нӕ зыдта, уыцы хойыл куы сӕмбӕлд, уӕд?

• Чи ӕрлӕмӕгъ, уыдонӕн нӕ баххуыс кӕнын куы фӕнда, уӕд хистӕр нӕлгоймӕгтимӕ цӕмӕн хъуамӕ аныхас кӕнӕм?

• Эбби Лорӕмӕ дыккаг хатт цӕуинаг куы уыд, уӕд йӕхи куыд цӕттӕ кодта?

• Эбби Лорӕйӕн ӕххуыс кӕнгӕйӕ фӕразондзинад ӕмӕ уарзондзинад куыд равдыста?

• Лукайы 15:8–10 стихты фыст фӕсномыг ныхасӕй цӕуыл ахуыр кӕнӕм?

• Иууылдӕр Лорӕйӕн ӕххуыс кӕныныл кӕй архайдтой, уый цавӕр хорз хъуыддагмӕ ’ркодта?