Дыккаг бацыдтӕ куы фӕкӕнӕм кӕнӕ Библийы ахуыртӕ куы фӕуадзӕм, уӕд-иу хъуамӕ адӕймагӕн сӕйраг хъуыдытӕ бамбарынӕн ӕххуыс кӕнӕм. Афтӕ куы кӕнӕм, уӕд-иу ын йӕ зӕрдӕ бацагайдзыстӕм ӕмӕ-иу сӕйраг хъуыдытӕ бахъуыды кӕндзӕн.

Дӕхи дыккаг бацыдмӕ кӕнӕ Библийы ахуырмӕ куы цӕттӕ кӕнай, уӕд-иу рахицӕн кӕн, цӕвиттоны руаджы дӕ кӕй фӕнды бамбарын кӕнын, уыцы сӕйраг хъуыдытӕ. Стӕй равзар, адӕймаг хорз кӕй зона, ахӕм хуымӕтӕг цӕвиттон (Мф 5:14–16; Мч 2:21; Лк 14:7–11). Цӕвиттон ӕвзаргӕйӕ-иу дӕ зӕрдыл дар, адӕймаг цавӕр адӕмыхаттӕй у, цавӕр уавӕрты схъомыл ӕмӕ цы куыст кӕны, уый (Лк 5:2–11; Ин 4:7–15). Адӕймаг сӕйраг хъуыдытӕ куы бамбара, уӕд ын уый уыдзӕн цины хос, ӕмӕ ды дӕр цин кӕндзынӕ.

БАКӔС ВИДЕОРОЛИКМӔ «АХУЫРГӔНИНӔГТӔ ЦӔТТӔ КӔНЫНЫ ХЪУЫДДАГ ХӔССЫ ЦИНДЗИНАД. АРӔХСТДЖЫНДӔРӔЙ ХЪУСЫН КӔНУТ. ЦӔСТУЫНГӔ ЦӔВИТТОНТӔЙ ПАЙДА КӔНУТ» ӔМӔ ДЗУАПП РАТТ АЦЫ ФАРСТАТӔН:

• Библи кӕимӕ фӕахуыр кӕнӕм, уыдонӕн Библийы стихтӕ ӕмбарын кӕнын цӕмӕн фӕхъӕуы?

• Ромӕгтӕм 5:12 цы фыст ис, уый Нитӕ цӕстуынгӕ цӕвиттоны фӕрцы куыд бамбарын кодта?

• Хорз цӕстуынгӕ цӕвиттонтӕ нӕ хъусджытӕн куыд баххуыс кӕнынц?

• Йегъовӕйы организаци нын иннӕты ахуыр кӕнынӕн цы кусӕнгӕрзтӕ ӕмӕ видеороликтӕ дӕтты, уыдонӕй уацамынды цӕмӕн хъуамӕ пайда кӕнӕм?