Ныр адӕмимӕ Библи ахуыр кӕндзыстӕм ног брошюрӕ ӕмӕ ног чиныджы фӕрцы! Мах Йегъовӕмӕ кувӕм, цӕмӕй нын арфӕ кӕна ӕмӕ нӕ бон уа ноджы фылдӕр ахуыргӕнинӕгтӕ цӕттӕ кӕнын (Мф 28:18–20; 1Кр 3:6–9). Ацы ног кусӕнгӕрзтӕй куыд пайда кӕндзыстӕм?

Ацы кусӕнгӕрзтӕ куыд арӕзт сты, уымӕй тынг хицӕн кӕнынц, нырмӕ адӕмимӕ Библи кӕй фӕрцы ахуыр кодтам, ӕппӕт уыцы публикацитӕй. Алы урокмӕ дӕр-иу дӕхи хорз бацӕттӕ кӕн. Библийы ахуыр куы уадзай, уӕд-иу ацы амындтӕм гӕсгӕ архай *.

• Библи кӕимӕ ахуыр кӕныс, уыимӕ ӕрмӕг иумӕ бакӕсут, стӕй фарстатыл аныхас кӕнут.

• «Бакӕсут» фыст кӕм ис, уыцы стихтӕм уӕ хъус ӕрдарут. Адӕймагӕн бамбарын кӕн, стихтӕ темӕимӕ куыд баст сты.

• Видеороликтӕм се ’ппӕтмӕ дӕр иумӕ бакӕсут ӕмӕ сӕм цы фарстатӕ ис, уыдоныл аныхас кӕнут.

• Бацархайут, цӕмӕй иу урок иу хаттӕн рацӕуат.

Уацамынды адӕймагӕн фыццаг ратт брошюрӕ, цӕмӕй бамбарай, бафӕнддзӕн ӕй Библи ахуыр кӕнын ӕви нӕ. (Кӕс рамкӕ « Адӕймагимӕ фыццаг хатт куы ныхас кӕнай, уӕд ын дӕ бон куыд у брошюрӕ „Амондджынӕй цӕр ӕнустӕм!“ раттын?».) Брошюрӕ иумӕ куы равзарат ӕмӕ адӕймаджы дарддӕр Библи ахуыр кӕнын куы фӕнда, уӕд ын ратт чиныг ӕмӕ цыппӕрӕм урокӕй йемӕ ахуыр кӕнын райдай. Кӕд искӕимӕ чиныг «Нӕ бон цы у базонын» кӕнӕ чиныг «Хуыцауы уарзт» ахуыр кӕнут, уӕд рахизут чиныгмӕ «Амондджынӕй цӕр ӕнустӕм!». Ацы чиныг кӕцы урокӕй райдайдзыстут ахуыр кӕнын, уый дӕхи бон у аскъуыддзаг кӕнын.

БАКӔС ВИДЕОРОЛИКМӔ «ӔГАС ЦУ БИБЛИЙЫ АХУЫРМӔ» ӔМӔ ДЗУАПП РАТТ АЦЫ ФАРСТАТӔН:

• Библи кӕимӕ ахуыр кӕнӕм, уыдон ног чиныгӕй цы базондзысты?

• Библи ахуыр кӕнын кӕимӕ райдайӕм, уыдонӕн-иу ацы видеоролик цӕмӕн хъуамӕ равдисӕм?

• Библи кӕимӕ ахуыр кӕнӕм, уый йӕ разы цавӕр нысӕнттӕ хъуамӕ ӕвӕра? (Кӕс рамкӕ « Алы хайы сӕйраг темӕ ӕмӕ нысӕнттӕ».)