Уарзондзинад нын ӕххуыс кӕны, цӕмӕй сӕрныллӕг уӕм (1Кр 13:4). Нӕ хотӕ ӕмӕ не ’фсымӕрты куы уарзӕм, уӕд нӕхи уыдонӕй уӕлдӕр не ’вӕрдзыстӕм. Хъуамӕ сын сӕ хорз миниуджытӕ уынӕм ӕмӕ сын, нӕ бон цӕмӕйдӕриддӕр у, уымӕй ӕххуыс кӕнӕм (Фп 2:3, 4). Цас фылдӕр архайӕм, цӕмӕй нӕм ахӕм уарзондзинад уа, уыйас-иу нын Йегъовӕ фылдӕр хъуыддӕгтӕ нӕ бар бакӕндзӕн.

БАКӔС ВИДЕОРОЛИКМӔ «УАРЗОНДЗИНАД ЙӔ СӔР БӔРЗӔНДТЫ НӔ ХӔССЫ» ӔМӔ ДЗУАПП РАТТ АЦЫ ФАРСТАТӔН:

• Авессалом цӕмӕй уыд хайджын?

• Цӕмӕн ис зӕгъӕн, ӕмӕ уыдӕттӕй раст нӕ пайда кодта?

• Нӕ бон цы у аразын, цӕмӕй ма ссӕрбӕрзонд уӕм? (Га 5:26).