Библи чи ахуыр кӕны, уый цӕмӕй Йегъовӕйы хӕлар суа, уый тыххӕй хъуамӕ хорз ӕмбӕлттӕ ’взара (Пс 15:1, 4). Хорз ӕмбӕлттӕ йын, раст цы у, уый аразынӕн ӕххуыс кӕндзысты (Ӕм 13:20; lff 48 урок).

Библи кӕимӕ ахуыр кӕныс, уымӕн йе ’взӕр ӕмбӕлттӕ ныууадзынӕн куы ’ххуыс кӕнай, уӕд-иу ын йе ’нкъарӕнтыл хъуыды кӕн. Ацы дунейы йын цы ӕмбӕлттӕ ис, уыдоны ныууадзын ын, чи зоны, зын уа. Уымӕ гӕсгӕ бӕрӕг уӕд, зӕрдиагӕй йыл кӕй тыхсыс. Зӕгъӕм, дӕ бон ӕм у телефонӕй истытӕ афыссын кӕнӕ йӕм бадзурын, йе та йӕ абӕрӕг кӕнын. Йӕ уырнындзинад фидар кӕнын куы райдайа, уӕд-иу ӕй хотӕ ӕмӕ ӕфсымӕртимӕ искуыдӕм фӕхонут. Уый фӕрцы бамбардзӕн, цы ссардта, уый, цы ныууагъта, уымӕй бирӕ фылдӕр кӕй у (Мч 10:29, 30). Йегъовӕйы бинонтыл кӕй ӕфты, уый дӕуӕн дӕр циндзинад хӕсдзӕн.

БАКӔС ВИДЕОРОЛИКМӔ «БИБЛИ КӔИМӔ АХУЫР КӔНУТ, УЫДОНӔН ӔХХУЫС КӔНУТ, ЦӔМӔЙ ӔВЗӔР ӔМБӔЛТТӔЙ СӔХИ ХИЗОЙ» ӔМӔ ДЗУАПП РАТТ АЦЫ ФАРСТАТӔН:

• Ӕвзӕр ӕмбӕлттӕ кӕй ис схонӕн? (1Кр 15:33).

• Чырыстӕттӕ иумӕ сӕ рӕстӕг куыд фервитынц, ууыл хъуыды кӕнгӕйӕ Джейд йӕ цӕстытыл цы ауайын кодта?

• Нитӕ Джейдӕн куыд баххуыс кодта, цӕмӕй ӕвзӕр ӕмбӕлттӕ ныууагътаид ӕмӕ хорз ӕмбӕлттӕ ссардтаид?