Ныййарджытӕ
Йегъовӕ бинонты цардӕн бындур цӕмӕн ӕрӕвӕрдта?
Ныййарджытӕ сӕ зӕрдыл цы хъуамӕ дарой?
Кӕс ма темӕ «Сывӕллӕттӕ; ӕрыгӕттӕ»
-
Цӕвиттонтӕ Библийӕ
-
Рд 33:4, 5. Иаков йӕ сывӕллӕтты нымадта Йегъовӕйы лӕварыл.
-
Рц 1:15, 16, 22; 2:1–4; 6:20. Амрам ӕмӕ Иохаведӕ уыдысты Моисейы ныййарджытӕ, ӕмӕ йӕ куы ӕмбӕхстой, уӕд сӕ цард тӕссаг уавӕры ӕппӕрстой.
-
Ныййарджытыл сӕ сывӕллӕтты раз цавӕр хӕстӕ ис?
Сывӕллӕтты Йегъовӕйы коммӕ кӕсын ахуыр кӕнын хорз цӕмӕн у?
Кӕс ма 2Тм 3:14, 15
-
Цӕвиттонтӕ Библийӕ
-
1См 2:18–21, 26; 3:19. Самуилы йӕ ныййарджытӕ радтой Йегъовӕйы кувӕндоны лӕггад кӕнынмӕ, фӕлӕ йӕ ӕдзухдӕр бӕрӕг кодтой ӕмӕ йӕм фӕкӕсын цӕмӕй хъуыди, уымӕй-иу ӕм фӕкастысты; куы сыстыр, уӕд Йегъовӕйӕн иузӕрдионӕй лӕггад кодта.
-
Лк 2:51, 52. Йесо йӕ ныййарджыты коммӕ каст, кӕд ӕнӕххӕст уыдысты, уӕддӕр.
-
Сывӕллӕтты хъомыл кӕнын куыд хъӕуы, уый фӕдыл ныййарджытӕн сӕ бон кӕм у разамынд ссарын?
Д.з 6:4–9; Еф 6:4; 2Тм 3:14–17
-
Цӕвиттонтӕ Библийӕ
-
Трх 13:2–8. Зӕд Манойӕн куы загъта, лӕппу сын кӕй райгуырдзӕн, уӕд Маной Йегъовӕйӕн балӕгъстӕ кодта, цӕмӕй йын бацамыдтаид, куыд ӕй хъомыл кӕна, уый.
-
Пс 78:3–8. Йегъовӕйы фӕнды, цӕмӕй ныййарджытӕ сӕ сывӕллӕттӕн амоной, Библийӕ цы зонынц, уый.
-
Сывӕллонӕн йӕ ныййарджытӕ Йегъовӕйӕн куы лӕггад кӕной, уӕддӕр уый гӕнӕн цӕмӕн ис, ӕмӕ йӕ Йегъовӕйӕн лӕггад кӕнын ма бафӕнда?
Ныййарджытӕ сӕ сывӕллӕттӕн Хуыцауы закъӕттӕ амонын кӕд хъуамӕ райдайой?
-
Цӕвиттонтӕ Библийӕ
-
Д.з 29:10–12, 29; 31:12; Езд 10:1. Израилӕгтӕ-иу куы ӕрӕмбырд сты, цӕмӕй-иу Йегъовӕйы закъӕттӕ ахуыр кодтаиккой, уӕд-иу сӕ сывӕллӕттӕ дӕр семӕ уыдысты.
-
Лк 2:41–52. Иосиф ӕмӕ Марийӕ алы аз дӕр цыдысты Иерусалиммӕ Куадзӕны бӕрӕгбонмӕ ӕмӕ-иу сӕ сывӕллӕтты дӕр, уыимӕ Йесойы дӕр, семӕ акодтой.
-
Ныййарджытӕн цавӕр цӕвиттонтӕ баххуыс кӕндзысты, цӕмӕй сӕ сывӕллӕтты бахъахъхъӕной, чи сын разиан кӕндзӕн, ахӕм адӕмӕй?
-
Цӕвиттонтӕ Библийӕ
-
Рц 19:4; Д.з 32:11, 12. Йегъовӕ йӕхи абарста, йӕ лӕппынты йӕ базыртыл чи хӕссы, чи сӕ хъахъхъӕны ӕмӕ сыл чи тыхсы, ахӕм цӕргӕсимӕ.
-
Ис 49:15. Йегъовӕ зӕрдӕ бавӕрдта, мад йӕ гыццыл сывӕллоныл куыд фӕтыхсы ӕмӕ йӕ куыд фӕхъахъхъӕны, уымӕй тынгдӕр кӕй тыхсдзӕн йӕ лӕггадгӕнджытыл.
-
Мф 2:1–16. Хӕйрӕг архайдта гыццыл Йесойы амарыныл, стъалыдӕсныты паддзах Иродмӕ куы арвыста, уӕд, фӕлӕ Йегъовӕ йӕ Фырты бахъахъхъӕдта – Иосифӕн загъта, цӕмӕй йӕ бинонты Египетмӕ акодтаид.
-
Мф 23:37. Йесойы Хуыцауы адӕмы бахъахъхъӕнын куыд тынг фӕндыд, уый абарста, карк йӕ цъиуты йӕ базырты бын куыд ӕрбамбырд кӕны ӕмӕ сӕ куыд фӕхъахъхъӕны, уыимӕ.
-
Ныййарджытӕ сӕ сывӕллӕттимӕ цӕмӕн хъуамӕ ныхас кӕной, нӕлгоймаг ӕмӕ сылгоймаджы ’хсӕн цы вӕййы, ууыл?
-
Цӕвиттонтӕ Библийӕ
-
Лв 15:2, 3, 16, 18, 19; Д.з 31:10–13. Моисейы закъоны ӕргом фыст ис, нӕлгоймаг ӕмӕ сылгоймаджы ’хсӕн цы вӕййы, уый тыххӕй; Йегъовӕйы фӕндыд, цӕмӕй-иу Закъон куы кастысты, уӕд-иу ӕм сывӕллӕттӕ дӕр хъуыстаиккой.
-
Пс 139:13–16. Давид Йегъовӕйӕн арфӕ кодта, адӕймагӕн йӕ буар куыд диссаджы конд у ӕмӕ йӕ бон цот уадзын кӕй у, уый тыххӕй.
-
Ӕм 2:10–15. Йегъовӕ нын цы зонд ӕмӕ зонындзинӕдтӕ дӕтты, уыдон нӕ ӕвзӕр ӕмӕ мӕнгард адӕмӕй хъахъхъӕндзысты.
-
Ныййарджытӕ сӕ сывӕллӕттӕн зонд фӕлмӕнӕй цӕмӕн хъуамӕ амоной?
Ӕм 13:24; 29:17; Йер 30:11; Еф 6:4
Кӕс ма Пс 25:8; 145:9; Кл 3:21
-
Цӕвиттонтӕ Библийӕ
-
Пс 32:1–5. Йегъовӕ Давиды йӕ тӕригъӕды тыххӕй бафхӕрдта, фӕлӕ Давид куы базыдта, йӕ тӕригъӕдтыл зӕрдиагӕй чи ӕрфӕсмон кӕны, уыдонӕн Йегъовӕ кӕй ныххатыр кӕны, уӕд ын уый удӕнцой ӕрхаста.
-
Ион 4:1–11. Ионӕ смӕсты ӕмӕ Йегъовӕимӕ тызмӕгӕй ныхас кодта; Йегъовӕ Ионӕимӕ фӕлмӕнӕй ӕмӕ фӕразонӕй ныхас кодта; уый фӕрцы Ионӕ базыдта, Йегъовӕ куыд фӕлмӕнзӕрдӕ у, уый.
-
Ныййарджытӕ сӕ сывӕллӕттӕн зонд кӕй фӕамонынц ӕмӕ сӕ кӕй бафхӕрынц, уый сӕ уарзондзинадыл дзурӕг цӕмӕн у?