76 (172) зарӕг

Фыццаджыдӕр агурут Хуыцауы Паддзахад

(Матфейы 6:33)

1. Цин Иегъовӕйӕн цы хӕссы,

Аргъ цӕмӕн кӕны уый ныр,

Уый у Паддзахад — йӕ фӕрцы

Алцы сраст кӕндзӕн йӕ Фырт.

Пехуымпарты дӕр уырныдта

Уыцы Паддзахад кӕддӕр.

Ӕмӕ ныр нӕ Раздзог, Йесо,

Уымӕ сиды махмӕ дӕр.

(Базард)

2. Стыр кад махмӕ ’рхауди абон —

Паддзахады куыст кӕнын!

Уый у диссаджы хӕслӕвӕрд —

Ратт дӕ тыхтӕ уымӕ ды.

Райсомыл цы мӕт кӕнӕм мах,

Уӕд цы нуазӕм, цы хӕрӕм?

Хицау ныл йӕ арм уӕд дардзӕн,

Паддзахад куы агурӕм.

(Базард)

3. А дуне тагъд аивгъуыйдзӕн,

Ралӕудзӕн ног дуне уӕд.

Кад Иегъовӕйӕн нӕрдзӕни,

Зӕхх ысуыдзӕни дзӕнӕт.

Хорз хабар хӕссӕм сабыртӕн —

Уадз ’мӕ зоной се ’ппӕт дӕр,

Се стыр ныфс кӕй у Иегъовӕ

’Мӕ йӕ хицаудзинад дӕр.

(БАЗАРД)

Агур Паддзахад фыццагдӕр

’Мӕ Иегъовӕйы рӕстад,

У ӕнувыд ууыл алкӕд,

Хӕсс бӕрзонд йӕ номы кад.