7 (19) зарӕг

Цин кӕнӕм ӕнӕхъӕн бон

(Псалом 31:11)

1. Хъӕлдзӕг у! Зар ’мӕ каф!

Мах Хуыцауӕй стӕм рӕвдыд,

Райгӕ алы куыст кӕн,

Ӕмӕ цин кӕн ууыл ды.

Махӕн алцы фаг у. Хуыцау нӕ фарс у.

Цы ма дзы курӕм уымӕй фылдӕр ныр?!

Ссардтам удӕнцой, фарн,

Цардӕй райгонд ныр ыстӕм.

Ис нын алцыдӕр фаг —

Мах Хуыцаумӕ ’нгом лӕууӕм.

Зӕрдӕ цинӕй дзаг у, нӕ фӕндаг раст у,

Зӕрдӕрайгӕйӕ стыр тыллӕг кӕрдӕм.

2. Цин ӕцӕгад хӕссы —

Мах сӕрибар ныр ыстӕм!

Йесо бардзырд дӕтты,

Ӕмӕ йӕ ӕххӕст кӕнӕм.

Стӕм йӕ тугӕй ӕлхӕд, йӕ зондыл ӕвӕрд,

’Мӕ уый уылты Хуыцауӕй ’взӕрст ыстӕм.

’Рцыд йӕ Паддзахад ныр,

Уый нын цинты-цин хӕссы!

Ис нын зондджын цагъар,

Йесо йе ’вджид мах кӕны.

Рухсы мах фӕцӕуӕм, ныфсвидар кӕнӕм.

Гъе уыцы ныфс мах хъусын кӕнӕм ныр.

3. Махӕн стырдӕр цин нӕй —

Хорз уац адӕммӕ хӕссӕм.

Ссарӕм сабырты мах,

Ӕмӕ амондджын вӕййӕм!

Кӕд ’мӕ ӕмбырд уарзӕм, нӕ цин у уазӕг,—

Фӕрнӕй ӕмӕ сабырӕй уӕд цӕрӕм.

Дзурӕм Паддзахадыл,

Цин кӕнӕм ӕнӕхъӕн бон.

«Бирӕ адӕм» фӕзынд.

Кӕс, нӕ сын зыны кӕрон!

Уадз Иегъовӕ алкӕд нӕ уд ӕфсадӕд.

Ӕрмӕстдӕр уымӕн кадджын у йӕ ном!