Циндзинад ӕмӕ Хуыцауы ӕппӕлындзинад конгресты

Библи Иртасджытӕ ивгъуыд ӕнусы 80-ӕм азты райдианы бамбӕрстой, бынӕттон ӕмбырды фембӕлдты йеддӕмӕ ма сын пайдаджын кӕй уыдаид се ’муырнӕг ӕфсымӕртимӕ ӕндӕр бӕстӕтӕй зонгӕ кӕнын дӕр. Афтӕмӕй уыдон уагътой ӕрвылазон конгресстӕ, кӕцыты уал райдианы ӕмбырд кодтой Иугонд Штатты ӕппӕт хӕйттӕй Библи Иртасджытӕ, фӕстӕдӕр та Канадӕйӕ дӕр. Конгресстӕ уыдысты духовон асатӕг кӕныны рӕстӕгӕн, цалдӕр боны дӕргъы арф библион ахуырад кӕм лӕвӕрдтой, ӕмӕ иуылдӕр цин кодтой кӕрӕдзийы ныфсӕвӕрдыл. Конгресты характерон хицӕндзинад сси ног уырнджыты аргъуыд. Ноджыдӕр ма пайда кодтой конгресстӕй, ӕхсӕнадӕн стыр ӕвдисӕнад раттынӕн (Ромӕгтӕм 1:11, 12).

Абон Иегъовӕйы Ӕвдисӕнтӕ конгресстӕ регуляронӕй уадзынц. Фылдӕр хатт 18—25 ӕмбырды иумӕ сты район, кӕцыйы вӕййы кӕнӕ лӕггад кӕны цӕуӕг цӕстдарӕг. Афӕдз дыууӕ хатты вӕййы конгрестӕ, иубойнонтӕ кӕнӕ дыууӕбойнонтӕ, кӕцытӕм ӕрцӕуынц иу районы ӕмбырдтӕ кӕнӕ йӕ хӕйттӕ.

Афӕдз иу хатт вӕййы ӕртӕ-цыппарбойнон областон конгрестӕ, кӕцытӕ иу бынатмӕ сӕмбырд кӕнынц мингай адӕмы. Уыцы конгрестӕ ахъаз сты Иегъовӕйы Ӕвдисӕнты ӕмӕ ма сӕ архайдмӕ интересгӕнӕг иннӕ адӕмы духовон рӕзтӕн дӕр; уыимӕ ма ӕвдисӕйнад исы ӕхсӕнад дӕр.

Ӕппӕт уыцы конгрессты программӕтӕ цӕттӕ кӕны Иегъовӕйы Ӕвдисӕнты Разамонӕг совет, ӕппӕт дунейы хыгъдӕй Ӕвдисӕнты домӕнӕй. Программӕмӕ хауынц раныхӕстӕ, уынаффӕтӕ, цардӕй ист ситуациты равдыст, хонынц ма сӕ демонстрацитӕ, дзурынц сӕ цӕуӕг цӕстдарджытӕ ӕмӕ фӕлтӕрдджын Ӕвдисӕнтӕ. Ӕвдисӕнтӕй иуӕй-иутӕ радзурынц, царды сӕ къухы куыд ӕфты чырыстон уагахаст ӕнӕхуыцау дунейы, кӕнӕ цавӕр фӕстиуджытӕ бафты сӕ къухы хъусынгӕнгӕйӕ. Областон конгрессӕн ма йӕ иу хицӕндзинад у библион драмӕтӕ ӕмӕ нырыккон ӕрмӕгыл, чырыстӕттӕ абоны проблеммӕтимӕ куыд фӕразынц, уый ӕвдисӕг драмӕтӕ.

Конгрессимӕ баст ӕппӕт куыстытӕ Иегъовӕйы Ӕвдисӕнтӕ бархийӕ сӕхӕдӕг кӕнынц. Арендӕгонд бӕстыхайы хӕрдзтӕ ӕмӕ ӕндӕр хӕрдзтӕ мысайнӕгтӕй ӕмбӕрзт цӕуынц. Бацӕуӕн лӕвар, ӕмӕ дзы ӕхца не ’мбырд кӕнынц.

Иегъовӕйы Ӕвдисӕнты бынӕттон ӕмбырды дӕ бон у базонай, кӕд ӕмӕ куыд цӕудзӕн конгрестӕ дӕ районы. Бамбарын ма дын кӕндзысты ноджыдӕр, уырдӕм куыд цӕугӕ у ӕмӕ кӕм ӕхсӕвиуат кӕндзынӕ.

Ахӕм конгрестӕ ӕххуыс кӕнынц Иегъовӕйы Ӕвдисӕнтӕн ӕмӕ ма ӕппӕт уыдонмӕ ӕрбаиууӕвджытӕн, канд се ’мбырд фенынӕн нӕ, фӕлӕ ма ӕппӕтдунеон ӕфсымӕрадӕн аргъ кӕнынӕн дӕр (1 Петры 2:17).

• Цавӕр пайда истой рагон Библи Иртасджытӕ сӕ конгрестӕй?

• Ӕрфысс конгрессы программӕ ӕмӕ йӕ арӕзт.

 [Нывтӕ 18 фарсыл]

Библион драмӕ областон конгрессы (АИШ).

Ӕхсӕнадӕмон конгресс (Польшӕ).

Ӕхсӕнадӕмон конгресс (Аргентинӕ).

Районон конгресс (Япон).

Делегаттӕ исынц библион литературӕ (Швейцари).

Аргъуыд ӕхсӕнадӕмон конгрессы (ХАР).

Ног библион публикацийы рауагъд (Канадӕ).

Конгрессы делегаттӕ зарӕджы рӕстӕджы (Испани).