БИРӔТӔ хӕйрӕджыты тыххӕй куы фехъусынц, уӕд сӕм уый худӕгау фӕкӕсы. Фӕлӕ уый худӕг нӕу. Адӕмы уырны ӕви нӕ, уӕддӕр сау тыхтӕ ис ӕмӕ сӕ фӕнды, цӕмӕй сӕ бар цӕуа алкӕуылдӕр, уыимӕ Иегъовӕйӕн кувӕг адӕмыл дӕр. Зӕгъын хъӕуы уый, ӕмӕ фыццаджыдӕр уыдоны ныхмӕ тох кӕнынц. Апостол Павел нӕ уый тыххӕй фӕдзӕхсы: «Нӕ тох нӕу туг ӕмӕ стӕгы ныхмӕ, фӕлӕ [ӕнӕуынгӕ] хицӕутты ныхмӕ, тыхты ныхмӕ, ацы дунейы талынгады ӕлдӕртты ныхмӕ, — ӕрвты бын знӕтон зинты [«сау тыхты», НД] ныхмӕ» (Ефесӕгтӕм 6:12, НФ). Сау тыхтӕ абон адӕмы куыд хъыгдарынц, афтӕ никуы ма уыд, уымӕн ӕмӕ Сайтан ӕппӕрст ӕрцыд уӕларвӕй ӕмӕ тынг знӕт у, зоны, цыбыр рӕстӕг ма йын кӕй баззад (Раргомад 12:12).

2. Куыд ис уый гӕнӕн, ӕмӕ сау тыхты ныхмӕ тохы фӕуӕлахиз уӕм?

² Цымӕ уый гӕнӕн ис, ӕмӕ сау тыхты ныхмӕ тохы фӕуӕлахиз уӕм? О, ӕрмӕст алы хъуыддаджы дӕр нӕ ныфс Иегъовӕйыл куы ӕвӕрӕм, уӕд. Мах ӕм хъуамӕ хъусӕм ӕмӕ йӕ Ныхасы цы фыст ис, уымӕ гӕсгӕ архайӕм. Афтӕмӕй нӕхи бахиздзыстӕм, Сайтан, йӕ бар кӕуыл цӕуы, уыдонӕн се ’нӕниздзинадӕн цы зиан ӕрхӕссы, цы ’взӕр митыл сӕ бафтауы ӕмӕ сын цы мӕстытӕ бавзарын кӕны, уымӕй (Иаковы 4:7).

Ацы дунейы ӕлдӕрттӕ ӕрвты бын

3. Сайтан кӕимӕ бацыд карз тохы ӕмӕ куыд?

³ Иегъовӕ нын ацы дунейы уавӕр ирдӕй ӕвдисы, йӕхӕдӕг ӕй уӕлӕрвтӕй куыд уыны, афтӕмӕй. Уый апостол Иоаннӕн  цӕстылуайӕны фенын кодта Сайтаны «стыр... сырх залиаг калмы» (НФ) хуызы. Сайтан гӕппӕвонгӕй лӕууыд Хуыцауы Мессианон Паддзахад аныхъуырынмӕ, куыддӕр 1914 азы уӕлӕрвты райгуырд, афтӕ. Куы ницы йын дзы рауад, уӕд карз тохы бацыд уыцы Паддзахады зӕххон минӕвӕрттимӕ (Раргомад 12:3, 4, 13, 17). Куыд тох кӕны Сайтан? Йӕ адӕмы уылты.

4. Зӕххон хицауӕдтӕн тых чи дӕтты ӕмӕ афтӕ кӕй у, уый кӕцӕй зонӕм?

⁴ Иоаннӕн уый фӕстӕ фенынчындӕуыд, «алы фӕлтӕрыл ӕмӕ адӕмыл, ӕмӕ ӕвзагыл ӕмӕ адӕмыхӕттытыл» чи хицауиуӕг кӕны, ахӕм сырд авд сӕр ӕмӕ дӕс сыкъаимӕ. Уыцы сырд ӕвдисы, ӕгас зӕххы къорийыл политикӕимӕ цыдӕриддӕр баст у, уый. Иоаннӕн загъдӕуыд, зӕгъгӕ «йын [сырдӕн] ратта залиаг калм [Сайтан Хӕйрӕг] йӕхи тых ӕмӕ йӕхи трон ӕмӕ стыр бартӕ» (НФ) (Раргомад 13:1, 2, 7). О, Сайтан дӕтты зӕххон хицауӕдтӕн тых ӕмӕ стыр бартӕ. Уӕдӕ, апостол Павел куыд фыста, афтӕмӕй ацы «дунейы [ӕцӕг] ӕлдӕрттӕ» сты, зӕххон хицауӕдтӕ сӕ бӕрны кӕмӕн сты, уыцы «сау тыхтӕ» ӕрвты бын. Иегъовӕйӕн лӕггад кӕнын кӕй фӕнды, уыдон уый хъуамӕ хорз ӕмбарой (Лукайы 4:5, 6).

5. Кӕдӕм ӕмбырд кӕнынц абон ацы дунейы хицӕуттӕ?

⁵ Кӕд политикӕйы разамонджытӕй бирӕтӕ цавӕрдӕр диныл хӕст сты, уӕддӕр иу адӕмыхатт дӕр Иегъовӕйы ӕмӕ, Паддзахӕй кӕй сӕвӕрдта, уыцы Йесо Чырыстийы коммӕ нӕ кӕсы. Се ’ппӕт дӕр цыфӕндыйӕ тырнынц, цӕмӕй ӕппӕт бартӕ дӕр уой сӕ къухы. Раргомады чиныг куыд ӕвдисы, афтӕмӕй абон «хӕйрӕджыты ныхӕстӕ» (НД) ацы дунейы хицӕутты ӕмбырд кӕнынц Армагеддоны «хӕстмӕ, Ӕппӕтылхӕцӕг, Хуыцауы... стыр бонмӕ» (Раргомад 16:13, 14, 16; 19:17—19).

6. Цӕмӕ нӕ хъӕуы нӕхимӕ кӕсын, цӕмӕй Сайтаны дунейы фарс чи у, уыдонӕй ма уӕм?

 ⁶ Алы бон дӕр адӕм бахауынц, политикӕ, экономикӕ ӕмӕ динты аххосӕй чи бацайдагъ вӕййы ӕмӕ адӕмы сабыр цӕрын чи нӕ уадзы, ахӕм быцӕуты. Уыцы быцӕуты адӕм, кӕм ныхасӕй, кӕм та хъуыддагӕй, слӕууынц, сӕ адӕмыхатт кӕнӕ знӕмӕй чи у, йе та ӕхсӕнады уыдон хуызӕн уавӕры чи ис, уыдон фарс. Ӕмӕ кӕд сӕхӕдӕг уыцы быцӕуты комкоммӕ нӕ фӕархайынц, уӕддӕр дзы кӕйдӕр фарс вӕййынц. Фӕлӕ кӕйфӕнды фарс ма уой, ӕцӕгӕй кӕй фарс сты? Библи нын ӕргом дзуры: «Ӕппӕт дуне... ис Фыдбылызы къухы» (1 Иоанны 5:19, НД). Уӕдӕ нын цы кӕнгӕ у, цӕмӕй мах дӕр иннӕтау ма фӕсайды уӕм? Алы хъуыддаджы дӕр Хуыцауы Паддзахады фарс лӕууӕм ӕмӕ ацы дунейы быцӕутӕй нӕхи хизӕм (Иоанны 17:15, 16).

Хӕйрӕджы фыдвӕндтӕ

7. Сайтан мӕнг динӕй йӕ фыдвӕндты куыд пайда кӕны?

⁷ Адӕмы равзӕрдӕй фӕстӕмӕ Сайтан, кӕм ӕртхъирӕнтӕй, кӕм та карз фӕдылзылды руаджы архайы адӕмы ӕцӕг Хуыцауӕй фӕиппӕрд кӕныныл. Пайда ма кӕны зынраиртасӕн мадзӕлттӕй дӕр — хин митӕ ӕмӕ фыдвӕндтӕй. Мӕнг дины руаджы адӕмӕн сӕ фылдӕры бакуырм кодта. Уыцы хъуыддаджы афтӕ дӕсны у, ӕмӕ адӕм афтӕ хъуыды кӕнынц, цыма ӕцӕгӕйдӕр Хуыцауӕн лӕггад кӕнынц. Адӕм Хуыцауы дзӕбӕх кӕй нӕ зонынц ӕмӕ ӕцӕгад кӕй нӕ уарзынц, уымӕ гӕсгӕ сӕ бирӕ динтӕ асайынц цыдӕр ӕнӕмбӕрст ӕмӕ ӕнахуыр митӕй, кӕнӕ та цавӕрдӕр диссӕгтӕй (2 Фессалоникӕгтӕм 2:9, 10). Фӕлӕ нӕ Библи фӕдзӕхсы, суанг ма раст диныл хӕст чи у, уыдонӕй дӕр «иутӕ кӕй аздӕхдзысты... сайӕг удтӕм ӕмӕ хӕйрӕджыты ахуырадтӕм хъусгӕйӕ» (1 Тимофеймӕ 4:1). Уый гӕнӕн куыд ис?

8. Кӕд Иегъовӕйӕн кувӕг адӕмӕй стӕм, уӕддӕр нӕ Сайтанӕн йӕ бон куыд у мӕнг динмӕ аздахын?

 ⁸ Хӕйрӕг нын хорз зоны нӕ лӕмӕгъдзинӕдтӕ. Адӕмӕй ма тӕрсӕм? Кӕд о, уӕд, гӕнӕн ис, нӕ хӕстӕджытӕ кӕнӕ нӕ сыхӕгты тасӕй мӕнг динимӕ баст хъуыддӕгтӕ кӕнын райдайӕм. Сӕрбӕрзонд стӕм? Кӕд о, уӕд нын исчи уынаффӕ куы радта кӕнӕ немӕ истӕуыл куы нӕ сразы уа, уӕд ӕм, гӕнӕн ис, фӕхӕрам уӕм (Ӕмбисӕндтӕ 15:10; 29:25; 1 Тимофеймӕ 6:3, 4). Нӕ цӕстӕнгас фӕивыны ӕмӕ Чырыстийы бафӕзмыны бӕсты, гӕнӕн ис, ӕмӕ сиу уӕм, нӕ «зӕрдӕ... [нын] чи ӕлхӕны», зӕгъгӕ, ӕрмӕст Библи куы кӕсай ӕмӕ ӕгъдауджын куы уай, уӕд уый дӕр фаг у, ахӕм адӕмимӕ (2 Тимофеймӕ 4:3). Ӕндӕр диныл ныххӕцӕм ӕви нӕхи куыд фӕнды, афтӕ кувӕм, Сайтанӕн уӕлдай нӕу. Сайтаны ӕрмӕстдӕр уый хъӕуы, цӕмӕй нын Иегъовӕ Хуыцау йӕ Ныхас ӕмӕ йӕ организацийы уылты куыд амоны, афтӕ мауал кувӕм.

9. Нӕлгоймаг ӕмӕ сылгоймаг кӕрӕдзимӕ кӕй тырнынц, уый зонгӕйӕ Сайтан цӕуыл архайы?

⁹ Сайтан ма афтӕ дӕр аразы, ӕмӕ адӕймаг, Хуыцауӕй йын цы ӕнкъарӕнтӕ лӕвӕрд ис, уыдонӕн сӕ рохтыл хӕцын мауал фӕраза ӕмӕ ӕфсармы арӕнтӕй ахиза. Ууыл уый архайы, зӕгъӕм, нӕлгоймаг ӕмӕ сылгоймаг кӕрӕдзимӕ кӕй тырнынц, уый зонгӕйӕ. Ацы дунейы бирӕтӕ, Библи хӕрзӕгъдауыл цы нымайы, уый ницӕмӕ дарынц. Ӕмкъайады чи нӕй, ахӕм нӕлгоймаг ӕмӕ сылгоймаг ӕмуатон фӕуой, уый сӕм худинаг нӕ кӕсы, нымайынц ӕй ӕмбӕлон ӕхцондзинад бавзарыны кӕнӕ, сывӕллӕттӕ кӕй нал сты, уый равдисыны фадатыл. Цы зӕгъӕн ис, ӕмкъайады чи ис, уыдоны тыххӕй та? Уыдонӕй бирӕтӕ хӕтынц. Ӕмӕ кӕд алы хатт хъуыддаг уый онг не ’рцӕуы, уӕддӕр дзы иутӕ, ӕндӕримӕ бацӕрыны охыл, цыфӕндыйӕ дӕр сӕ цардӕмбалӕй ахицӕн вӕййынц, йе та йӕ ныууадзынц. Сайтан адӕмы ууыл ардауы,  цӕмӕй цардӕй сӕ бон цы у, уый ныр райсой; сӕ абоны митӕ канд сӕхиуыл ӕмӕ иннӕтыл нӕ, фӕлӕ ма сӕ ахастытыл Иегъовӕ ӕмӕ йӕ Фыртимӕ куыд фӕзындзысты, ууыл та хъуыды дӕр цӕмӕй ма кӕной (1 Коринфӕгтӕм 6:9, 10; Галатӕгтӕм 6:7, 8).

10. Куыд архайы Сайтан, цӕмӕй нӕм ӕнӕгъдау хъуыддӕгтӕ ӕмӕ фыдмитӕ ӕвзӕр ма кӕсой?

¹⁰ Адӕймаджы фӕфӕнды хи аирхӕфсын дӕр. Ӕмӕ алцыдӕр ӕгъдау ӕмӕ уагыл куы вӕййы, уӕд адӕймагӕн йе уонг дӕр фӕрог вӕййы, йӕ сӕр дӕр баулӕфы ӕмӕ йӕ удӕн дӕр ӕхцон вӕййы. Фӕлӕ нын Сайтан куы фӕархайы алыхуызон ирхӕфсӕнты руаджы нӕ зонд баталынг кӕныныл ӕмӕ нӕ Хуыцауӕй фӕиппӕрд кӕныныл, уӕд нӕхи куыд фӕдарӕм? Цӕвиттон, мах хорз зонӕм, Иегъовӕйӕн хӕтын ӕмӕ фыдми ӕнӕуынон кӕй сты. Уӕдӕ, телевизоры ахӕм ралӕвӕрдтӕ куы уа кӕнӕ театры ахӕм истытӕ куы ӕвдисой, уӕд ӕнцад баддзыстӕм ӕмӕ сӕм кӕсдзыстӕм? Стӕй ма мах зонӕм, «фыдзӕрдӕ адӕм... ӕмӕ сайджытӕ ӕнтыстджын [кӕй] уыдзысты фыддзинады, рӕдийындзинадмӕ кӕнгӕйӕ ӕмӕ рӕдийгӕйӕ». Ӕмӕ уымӕ гӕсгӕ хъуамӕ нӕ зӕрдыл дарӕм, Сайтанӕн йе сӕфты бон куыд ӕввахс кӕны, афтӕ ноджы тынгдӕр кӕй архайдзӕн, цӕмӕй уыцы худинаджы хъуыддӕгтӕ цъаммарӕй-цъаммардӕр кӕной (2 Тимофеймӕ 3:13). Гъе ӕмӕ растдӕр уымӕ гӕсгӕ ӕдзухдӕр ууыл хъуамӕ архайӕм, цӕмӕй нӕ Сайтан йӕ фыдвӕндтӕй ма асайа (Уӕвынад 6:13; Псалом 10:5; Ромӕгтӕм 1:24—32).

11. Куыд ис гӕнӕн, ӕмӕ спиритизм цы у, уый чи зоны, ахӕм адӕймаг дӕр йӕ къӕппӕджы бахауа?

¹¹ Мах ма зонӕм, Иегъовӕ кӕй нӕ уарзы, спиритизмимӕ баст чи у, ома дӕсны чи фӕрсы, хинтӕ ӕмӕ кӕлӕнтӕ чи кӕны, йе та, мӕрдтимӕ ныхас кӕныныл чи архайы, ахӕм адӕмы (Дыккаг закъон 18:10—12). Уый нӕ зӕрдыл даргӕйӕ, мах ахӕм адӕммӕ зондагур никуы бацӕудзыстӕм ӕмӕ сӕ  хӕдзармӕ дӕр никуы фӕхондзыстӕм, цӕмӕй нын сӕ хӕйрӕджджын ӕмӕ цӕстфӕлдахӕн митӕ равдисой. Фӕлӕ сӕм телевизоры кӕнӕ Интернеты кӕсдзыстӕм? Ӕмӕ кӕд дӕснымӕ нӕхи дзӕбӕх кӕнынмӕ нӕ бацӕудзыстӕм, уӕд нӕ ноггуырд сывӕллоны къухыл фӕцӕстыйӕ бахизынӕн сырх ӕндах кӕнӕ хӕцъил бабӕтдзыстӕм? Стӕй, Библи хинтӕ ӕмӕ кӕлӕнты ныхмӕ кӕй у, уый зонгӕйӕ цавӕрдӕр гипнозгӕнӕгӕн уый бар ратдзыстӕм, ӕмӕ нӕ йӕ ахӕсты бакӕна? (Галатӕгтӕм 5:19—21).

12. а) Куыд гӕнӕн ис, ӕмӕ нӕ музыкӕ ӕвзӕр хъуыдытыл бафтауа? ӕ) Адӕймаг йӕ конд, йӕ бакаст кӕнӕ йӕ ныхасыуагӕй куыд ӕвдисы, Иегъовӕ кӕй нӕ уарзы, уыдон йӕ зӕрдӕмӕ кӕй цӕуынц? б) Цӕмӕй Сайтаны къӕппӕджы ма бахауӕм, уый тыххӕй нӕ цы кӕнын хъӕуы?

¹² Библи нын куыд дзуры, афтӕмӕй ӕнӕфсарм ӕмӕ цъаммар митӕн сӕ кой дӕр хъуамӕ ма уа не ’хсӕн (Ефесӕгтӕм 5:3—5). Фӕлӕ хӕлд ныхӕстӕ кӕм ис, ахӕм зарджытӕн сӕ музыкӕ нӕ зӕрдӕмӕ куы цӕуа, уӕд та куыд? Цымӕ хӕтындзинад, наркотиктӕ кӕнӕ ӕндӕр цъаммар миты тыххӕй цы зарджытӕ ис, уыдон зардзыстӕм? Науӕд нӕ алчидӕр зоны, ахӕм митӕ чи кӕны, уыдоны зондыл цӕуӕн кӕй нӕй, фӕлӕ сӕ цымӕ сӕ конд, сӕ бакаст, йе та сӕ ныхасыуагӕй бафӕзмдзыстӕм? Куыд мӕнгард у Сайтан ӕмӕ адӕмы йе ’взӕр зондыл куыд дӕсныйӕ ӕфтауы! (2 Коринфӕгтӕм 4:3, 4). Цӕмӕй йӕ къӕппӕджы ма бахауӕм, уый тыххӕй хъуамӕ, ацы дуне чердӕм симы, уыцырдӕм ма симӕм. Нӕ зӕрдыл дарӕм, «дунейы талынгады ӕлдӕрттӕ» чи сты, уый, ӕмӕ нӕ тых нӕ бонӕй сӕ ныхмӕ тох кӕнӕм (1 Петры 5:8).

Хӕрзифтонг стӕм уӕлахизӕн

13. Кӕд ӕнӕххӕст стӕм, уӕддӕр нӕ алкӕмӕндӕр йӕ бон куыд у Сайтаны дунейыл уӕлахиз кӕнын?

¹³ Йесо йӕ мӕлӕты размӕ йӕ апостолтӕн загъта: «Фидар  лӕуут: Ӕз фӕуӕлахиз дӕн дунейыл» (Иоанны 16:33, «Мах дуг» № 5, 1992). Уыдонӕн дӕр сӕ бон уыд, цӕмӕй фӕуӕлахиз уыдаиккой. Йесо ацы ныхӕстӕ куы загъта, уымӕй иу-60 азы фӕстӕ апостол Иоанн ныффыста: «Йесо Хуыцауы Фырт кӕй у, ууыл чи ӕууӕнды, уый йедтӕмӕ ӕндӕр чи уӕлахиз кӕны дунейыл?» (1 Иоанны 5:5, НД). Йесойы амындтӕм куы хъусӕм ӕмӕ уыйау Хуыцауы Ныхасыл куы ӕууӕндӕм, уӕд бӕрӕг уыдзӕн, махӕн дӕр уый хуызӕн уырнындзинад кӕй ис, уый. Цы ма хъӕуы ноджыдӕр? Хъуамӕ нӕхи бӕттӕм, Йесо цы ӕмбырды Сӕргълӕууӕг у, уыцы ӕмбырдыл. Исты тӕригъӕд куы ракӕнӕм, уӕд хъуамӕ зӕрдӕбынӕй ӕрфӕсмон кӕнӕм ӕмӕ алцыдӕр саразӕм, цӕмӕй нын Хуыцау Йесойы нывонды руаджы нӕ рӕдыд ныббара. Афтӕмӕй, кӕд алцӕмӕй ӕххӕст ӕмӕ ӕнӕрӕдийгӕ не стӕм, уӕддӕр нӕ бон у уӕлахиз кӕнын (Псалом 129:3, 4).

14. Бакӕс Ефесӕгтӕм 6:13—17, стӕй ацы абзацы цы фарстытӕ ӕмӕ библион стихтӕ амынд цӕуы, уыдон, ӕмӕ зӕгъ, цы монон хотыхты кой дзы цӕуы, уыдонӕй нӕ алкӕцыдӕр куыд хъахъхъӕны, уый тыххӕй.

 ¹⁴ Цӕмӕй уыцы хъуыддаджы ӕнтыстджын уӕм, уый тыххӕй хъуамӕ нӕхи сифтонг кӕнӕм «Хуыцауы ӕппӕт хӕцӕнгӕрзтӕй», иу дӕр дзы ма ферох кӕнӕм. Дӕ хорзӕхӕй, бакӕн ма дӕ Библийы Ефесӕгтӕм 6:13—17 ӕмӕ бакӕс уыцы хӕцӕнгӕрзты тыххӕй. Уый фӕстӕ, дӕлдӕр цы фарстытӕ ис, уыдонӕн дзуапп дӕтгӕйӕ, ахъуыды кӕн, уыцы хӕцӕнгӕрзтӕй нӕ алкӕцыдӕр куыд хъахъхъӕны, ууыл.

 «Астӕутӕ ӕцӕгадӕй баст»

 Кӕд ӕцӕгад зонӕм, уӕддӕр нын Библи иудадзыг ахуыр кӕнын, хъуыды йыл кӕнын ӕмӕ фембӕлдтӕм цӕуын куыд ахъаз уыдзӕн? (1 Коринфӕгтӕм 10:12, 13; 2 Коринфӕгтӕм 13:5; Филиппӕгтӕм 4:8, 9).

 «Рӕстдзинады згъӕр»

 Кӕй уагӕвӕрдтӕ сты раст? (Раргомад 15:3).

 Бамбарын кӕн, адӕймаг Иегъовӕйы раст закъӕттӕм куы нӕ хъуса, уӕд йӕ уырнындзинад куыд фӕцуддзӕни (Дыккаг закъон 7:3, 4; 1 Паддзахӕдты 15:22, 23).

 «Къахы дарӕс... фарн хъусын кӕнынӕн»

 Адӕммӕ кӕй цӕуӕм ӕмӕ сын, Хуыцау сабыр царды сӕраппонд цы аразы, уый тыххӕй кӕй хъусын кӕнӕм, уый фӕрцы цӕмӕй хызт стӕм? (Псалом 72:2, 3; Ромӕгтӕм 10:15; 1 Тимофеймӕ 5:13).

 «Уырнындзинады уарт»

 Кӕд нын фидар уырнындзинад ис, уӕд нӕ исчи дызӕрдыггаг хъуыдытыл бафтауын кӕнӕ нӕ тас бауадзыныл куы архайа, уӕд цы кӕндзыстӕм? (4 Паддзахӕдты 6:15—17; 2 Тимофеймӕ 1:12).

  «Ирвӕзындзинады згъӕрхуд»

 Ӕнусон царды ныфс нын кӕй ис, уый нӕ куыд хъахъхъӕны цардмӕ мулчы цӕстӕй кӕсынӕй? (1 Тимофеймӕ 6:7—10, 19).

 «Удон [монон] кард»

 Исчи нын нӕ уырнындзинад кӕнӕ иннӕты уырнындзинад ӕрлӕмӕгъ кӕныныл куы архайа, уӕд фидарӕй цӕуыл ӕмӕ кӕуыл хъуамӕ ӕууӕндӕм? (Псалом 118:98; Ӕмбисӕндтӕ 3:5, 6; Матфейы 4:3, 4).

 Цы ма нӕ хъӕуы ноджыдӕр сау тыхтимӕ тохы? Цас арӕх хъуамӕ кӕнӕм афтӕ? Кӕй тыххӕй нӕ нӕ хъӕуы рох кӕнын? (Ефесӕгтӕм 6:18, 19).

15. Сау тыхтимӕ тохы нӕ бон куыд у размӕ бырсын?

¹⁵ Мах, Чырыстийы ӕфсӕддонтӕ, иунӕг не стӕм сау тыхтимӕ тохы, не ’фсад у стыр. Кӕд хӕрзифтонг стӕм ӕмӕ Хуыцауы хӕцӕнгӕрзтӕй се ’ппӕтӕй дӕр раст пайда кӕнӕм, уӕд ныл уыцы хӕсты ницы фыдбылыз ӕрцӕудзӕн. Уый нӕ, фӕлӕ ма немӕ Хуыцауӕн чи лӕггад кӕны, уыдонӕн ӕххуыс ӕмӕ ныфсы хос дӕр уыдзыстӕм. Мах кӕддӕриддӕр размӕ бырсдзыстӕм, Хуыцауы Мессианон Паддзахады, Сайтан афтӕ карзӕй цы уӕларвон хицауады ныхмӕ тох кӕны, уый тыххӕй хорз хабар хъусын кӕнгӕйӕ.

Цыбыр афӕлгӕст

• Иегъовӕйы лӕггадгӕнджытӕ ацы дунейы быцӕуты цӕуылнӕ архайынц?

• Сайтан чырыстӕтты уырнындзинад цавӕр фыдвӕндты руаджы хъавы амарынмӕ?

• Хуыцауы монон хӕцӕнгӕрзтӕ нӕ куыд хъахъхъӕнынц сау тыхтимӕ тохы?

[Фарстатӕ ахуыр кӕнынӕн]

[Нывтӕ 76 фарсыл]

Адӕмтӕ ӕмбырд кӕнынц Армагеддонмӕ.