«НЕ ’ППӔТ ДӔР арӕх рӕдийӕм»,— дзуры нын Библи Иаковы 3:2 (НД). Ӕвӕццӕгӕн нӕ алчидӕр хъуыды кӕны бирӕ ахӕм цӕвиттонтӕ, Хуыцауы Ныхас куыд дзуры, афтӕ-иу куы нӕ бакодта. Уымӕ гӕсгӕ хорз ӕмбарӕм, Библи куыд раст зӕгъы, уый: «Уынаффӕ ӕмӕ зондамындмӕ хъус, цӕмӕй хӕд-зонд суай» (Ӕмбисӕндтӕ 19:20). Дызӕрдыггаг нӕу, ныридӕгӕн дӕр нӕ царды бирӕ цыдӕртӕ кӕй фӕивтам, Библи нын куыд амоны, уымӕ гӕсгӕ. Фӕлӕ нын не ’мчырыстӕттӕй исчи исты хъуыддаджы фӕдыл уынаффӕ куы радты, уӕд нӕхи куыд фӕдарӕм?

2. Исчи нын уынаффӕ куы радта, уӕд нӕ цы кӕнын хъӕуы?

² Иуӕй-иутӕ сӕхи раст кӕнынмӕ фӕвӕййынц кӕнӕ, «кӕд адӕймаг нӕ амардтон», зӕгъгӕ, фӕкӕнынц, йе та искӕй фӕаххосджын кӕнынц. Фӕлӕ хуыздӕр уаид уынаффӕмӕ байхъусын (Дзуттытӕм 12:11). Кӕй зӕгъын ӕй хъӕуы, не ’ппӕт дӕр ӕнӕххӕст стӕм ӕмӕ хъуамӕ искӕмӕ ӕххӕстдзинадмӕ ма ’нхъӕлмӕ кӕсӕм. Афтӕ ма, цыдӕр гыццыл хъуыддӕгты кӕнӕ, Библи адӕймагӕн йӕхи бар кӕй уадзы, ахӕм фарстаты ӕдзух иннӕтӕн нӕхи уынаффӕгӕнӕг хъуамӕ ма кӕнӕм. Вӕййы ма афтӕ дӕр, ӕмӕ уынаффӕдӕттӕг бӕстон нӕ фӕзоны, хъуыддаг цӕй мидӕг ис, уый ӕмӕ йын ӕй уӕд фӕлмӕнӕй ис бамбарын кӕнӕн. Фӕлӕ уынаффӕ кӕнӕ зондамынд Библийӕ куы уа, уӕд нӕхи куыд хъуамӕ дарӕм?

 Зондзонӕн дӕнцӕгтӕ

3, 4. а) Библийӕ нын цавӕр цӕвиттонтӕ баххуыс кӕндзысты уынаффӕ ӕмӕ зондамындмӕ хъусын? ӕ) Цавӕр ахаст уыди паддзах Саулӕн уынаффӕмӕ ӕмӕ йӕ уый цӕмӕ ’ркодта?

³ Хуыцауы Ныхас нын дзуры, уынаффӕ раттын кӕмӕн хъуыд, ахӕм адӕмы тыххӕй. Хатт та-иу адӕймагӕн хъуыд зонд бацамонын дӕр. Ахӕм хабар ӕрцыд Израилы паддзах Саулыл. Уый нӕ байхъуыста, Иегъовӕ йын амаликӕгты тыххӕй цы бафӕдзӕхста, уымӕ. Амаликӕгтӕ Хуыцауы адӕмы знӕгтӕ кӕй уыдысты, растдӕр уый тыххӕй рахаста Иегъовӕ ахӕм тӕрхон, цӕмӕй сын сӕхи дӕр ӕмӕ сӕ фосы дӕр ныццӕгъдой. Фӕлӕ сын Саул сӕ паддзахы ӕмӕ сӕ фосы хуыздӕрты ныууагъта (1 Паддзахӕдты 15:1—11).

⁴ Иегъовӕ арвыста пехуымпар Самуилы, цӕмӕй Саулӕн йӕ рӕдыд зӕгъа. Куыд дардта йӕхи Саул? Уый йӕхи раст кӕнын райдыдта, куы ныццагътон амаликӕгты, сӕ паддзахы йедтӕмӕ дзы куы никӕй ныууагътон, зӕгъгӕ. О, фӕлӕ Иегъовӕйы бардзырд ахӕм нӕ уыд (1 Паддзахӕдты 15:20). Сӕ фос сын иууыл кӕй нӕ ныццагъта, уый та йӕ адӕмы аххос фӕкодта, зӕгъгӕ, «адӕмӕй фӕтарстӕн ӕмӕ мын куыд загътой, афтӕ бакодтон» (1 Паддзахӕдты 15:24). Куыд зыны, афтӕмӕй уый тынгдӕр йӕ кадыл хъуыды кодта. Ӕмӕ ма Самуилӕн лӕгъстӕ дӕр бакодта, мӕ адӕмы цӕсты мӕ ма бафтау, зӕгъгӕ (1 Паддзахӕдты 15:30). Ӕппынфӕстаг, Иегъовӕ Саулы бӕсты паддзахӕй сӕвӕрдта ӕндӕры (1 Паддзахӕдты 16:1).

5. Паддзах Ози уынаффӕмӕ кӕй нӕ байхъуыста, уый тыххӕй йыл цы ’рцыд?

⁵ Иудӕйы паддзах Ози «йӕ Хуыцау Иегъовӕйы ницӕмӕ ӕрдардта ӕмӕ бацыд Иегъовӕйы кувӕндонмӕ буд ссудзынмӕ» (2 Паралипоменон 26:16). Уый бар та ӕрмӕстдӕр сауджынтӕн уыди. Хистӕр сауджын Озийы бауромынмӕ куы хъавыд, уӕд паддзах фырмӕстӕй рафыхти. Ӕмӕ цы ’рцыд? Библийы дзырдӕуы: «Ӕвиппайды йӕ ныхыл хъотыр  фӕзынд... уымӕн ӕмӕ йыл ӕй Иегъовӕ бафтыдта. Ӕмӕ паддзах Ози хъотырджын уыди суанг йӕ амӕлӕты бонмӕ» (2 Паралипоменон 26:19—21).

6. а) Саул ӕмӕ Ози уынаффӕмӕ цӕуылнӕ байхъуыстой? ӕ) Абон дӕр адӕм уынаффӕмӕ цӕуылнӕ хъусынц?

⁶ Саулӕн дӕр ӕмӕ Озийӕн дӕр афтӕ зын цӕмӕн уыди уынаффӕмӕ байхъусын? Сӕйраджыдӕр сӕрбӕрзонд кӕй уыдысты, сӕхицӕй цыдӕр ӕнхъӕл кӕй уыдысты, уый тыххӕй. Уыцы миниуӕг бирӕтӕн у сӕрнизы хос. Уыдон, ӕвӕццӕгӕн, афтӕ ’нхъӕл сты, ӕмӕ искӕй уынаффӕмӕ куы байхъусой, уӕд сӕ лӕмӕгъ адӕмыл банымайдзысты кӕнӕ иннӕты цӕсты сӕ кад ӕрхаудзӕн. Уӕвгӕ та кӕд исчи ӕцӕг лӕмӕгъ у, уӕд сӕрбӕрзонд адӕймаг. Сӕрбӕрзонддзинад адӕймаджы зонд афтӕ сзыгъуыммӕ кӕны, ӕмӕ йын Иегъовӕ йӕ Ныхас ӕмӕ йӕ организацийы руаджы баххуыс кӕныныл куы фӕархайы, уӕд ӕй нӕ фӕисы. Уымӕ гӕсгӕ нӕ Иегъовӕ фӕдзӕхсы: «Сӕрбӕрзонддзинад кӕны сӕфтмӕ, стырзӕрдӕ та — ӕгадмӕ» (Ӕмбисӕндтӕ 16:18; Ромӕгтӕм 12:3).

Уынаффӕмӕ хъусӕм

7. Моисейӕн уынаффӕмӕ цы ахаст уыд, уымӕй цӕуыл ахуыр кӕнӕм?

⁷ Сыгъдӕг Фыстады дзырдӕуы, уынаффӕмӕ чи хъуыста, ахӕм адӕймӕгты тыххӕй дӕр, цӕмӕй дзы нӕхицӕн зондӕн исты райсӕм. Цӕвиттонӕн райсӕм Моисейы. Иухатт ын йӕ каис Иофор уынаффӕ радта, цы уӕззау хӕстӕ йыл уыди, уыдон куыд фӕрогдӕргӕнӕн ис, уый тыххӕй. Моисей йӕм байхъуыста ӕмӕ уыцы тӕккӕ дӕр афтӕ бакодта (Рацыд 18:13—24). Моисей, ӕнӕхъӕн адӕмы сӕргълӕууӕг, уынаффӕмӕ цӕмӕн байхъуыста? Уымӕн ӕмӕ сӕрныллӕг адӕймаг уыди. «Моисей уыд, зӕххы цъарыл цы адӕм уыд, уыдонӕй ӕппӕты фӕлмӕндӕр адӕймаг» (Нымӕцтӕ 12:3). Сӕрныллӕгдзинад ахӕм хъӕугӕ миниуӕг цӕмӕн у? Софонийы 2:3 нын куыд дзырдӕуы, афтӕмӕй нӕ цард уымӕй кӕнгӕ у.

8. а) Цавӕр тӕригъӕдтӕ ӕруагъта Давид? ӕ) Нафан Давиды куы базылын кодта, уӕд уый йӕхи куыд дардта? б) Давиды йӕ тӕригъӕдтӕ цӕмӕ ӕркодтой?

 ⁸ Паддзах Давид ӕмуатон фӕци Вирсавиимӕ ӕмӕ цӕмӕй уыцы хабар ма рахъӕр уыдаид, уый тыххӕй йын йӕ лӕг Урийы амарын кодта. Иегъовӕ пехуымпар Нафаны арвыста, Давид стыр тӕригъӕд кӕй ракодта, уый йын зӕгъынмӕ. Уый ӕрфӕсмон кодта ӕмӕ уыцы тӕккӕ басаст: «Ӕз Иегъовӕйы раз ракодтон тӕригъӕд» (2 Паддзахӕдты 12:13). Кӕд Хуыцау Давидӕн ныххатыр кодта, уӕддӕр цы байтыдта, уый ӕркарста. Иегъовӕ йын загъта, йӕ «хӕдзарӕй цирхъ [кӕй] нӕ айстӕуыдзӕн», йӕ устыты йын йӕ «хионӕн» кӕй ратдзӕн, уыцы ӕнӕгъдау мийӕ цы лӕппу райгуырд, уый та кӕй «амӕлдзӕн» (2 Паддзахӕдты 12:10, 11, 14).

9. Исчи нын уынаффӕ куы дӕтта кӕнӕ нын зонд куы амона, уӕд нӕ цы нӕ хъӕуы рох кӕнын?

⁹ Паддзах Давид зыдта, раст уынаффӕмӕ хъусын йӕхицӕн хорз кӕй у. Иу хатт Хуыцауӕй тынг фӕбузныг, иу адӕймаг ын ахӕм уынаффӕ кӕй радта, уый тыххӕй (1 Паддзахӕдты 25:32—35). Уый махӕй дӕр зӕгъӕн ис? Кӕд о, уӕд нӕхи бахиздзыстӕм бирӕ фӕсмойнаг ныхӕстӕ ӕмӕ хъуыддӕгтӕй. Фӕлӕ нын иугӕр ӕнӕмӕнг хъӕуы уынаффӕ раттын кӕнӕ зонд бацамонын, уӕд та ма рох кӕнӕм, уый ууыл дзурӕг кӕй у, ӕмӕ нӕ Иегъовӕ уарзы ӕмӕ не ’нусон фидӕныл тыхсы (Ӕмбисӕндтӕ 3:11, 12; 4:13).

Арфӕйаг миниуджытыл кусӕм

10. Йесо куыд бамбарын кодта, афтӕмӕй, Хуыцауы Паддзахадмӕ бацӕуын кӕй фӕнды, уыдоны цавӕр миниуӕгыл хъӕуы кусын?

¹⁰ Цӕмӕй нын Иегъовӕимӕ ӕмӕ нӕ чырыстон ӕфсымӕртимӕ хорз ахастытӕ уа, уый тыххӕй нӕ хъӕуы арфӕйаг миниуджытыл кусын. Уымӕ разӕнгард кодта Йесо йӕ ахуыргӕнинӕгты, се ’хсӕн сын сывӕллоны куы ’рлӕууын кодта ӕмӕ сын куы загъта: «Куы нӕ раздӕхат ӕмӕ сывӕллӕтты  хуызӕн куы нӕ уат, [уӕд] нӕ бацӕудзыстут Уӕларвон Паддзахадмӕ; ӕмӕ афтӕ, йӕхи чи ӕрныллӕг кӕна, ацы сывӕллоны хуызӕн, уый уыдзӕн стылдӕр Уӕларвон Паддзахады» (Матфейы 18:3, 4). Йесойы ахуыргӕнинӕгты хъуыди сӕрныллӕгдзинадыл кусын, уымӕн ӕмӕ, чи сӕ стырдӕр у, ууыл быцӕу кодтой (Лукайы 22:24—27).

11. а) Кӕй раз хъуамӕ уӕм сӕрныллӕг ӕмӕ цӕмӕн? ӕ) Кӕд сӕрныллӕг стӕм, уӕд нын уынаффӕмӕ цавӕр ахаст уыдзӕн?

¹¹ Апостол Петр фыста: «Уе ’ппӕт [дӕр]... кӕрӕдзийы коммӕ кӕсут; сфӕлындзут уӕхи фӕлмас зонды уагӕй, уымӕн ӕмӕ Хуыцау хъал адӕймаджы ныхмӕ у, фӕлмӕстӕн та дӕтты Йӕ хорзӕх» (1 Петры 5:5, НФ). Мах зонӕм, Хуыцауы раз кӕй хъуамӕ уӕм сӕрныллӕг, фӕлӕ ацы стих куыд амоны, афтӕмӕй ма сӕрныллӕг хъуамӕ уӕм не ’муырнджыты раз дӕр. Афтӕ куы уа, уӕд сын сӕ раст уынаффӕтӕм мӕсты нӕ кӕндзыстӕм, фӕлӕ сӕм байхъусдзыстӕм ӕмӕ дзы нӕхицӕн исты зондӕн дӕр райсдзыстӕм (Ӕмбисӕндтӕ 12:15).

12. а) Сӕрныллӕг адӕймаг ма цы араздзӕн? ӕ) Нӕ уагахаст иннӕтыл куыд ӕндавы, уымӕ хъуамӕ нӕ хъус цӕмӕн дарӕм?

¹² Сӕрныллӕг адӕймаг ӕрмӕст йӕхиуыл нӕ хъуыды кӕны. «Мачи агурӕд йӕхион, фӕлӕ алчидӕр иннӕйы пайдайӕн. [...] Уӕдӕ, хӕргӕ кӕнат, нуазгӕ кӕнат, ӕви ӕндӕр исты кусат, алцыдӕр кӕнут Хуыцауы кадӕн. Ма дӕттут рӕдийындзинад нӕдӕр Иудейтӕн, нӕдӕр Еллинтӕн, нӕдӕр Хуыцауы аргъуанӕн [«ӕмбырдӕн», НФ]»,— фыста апостол Павел (1 Коринфӕгтӕм 10:24—33). Ацы ныхӕстӕй йӕ уый зӕгъын нӕ фӕндыд, ӕмӕ нӕхи мӕт ӕппындӕр мауал кӕнӕм. Павел нӕ уымӕй фӕдзӕхсы, цӕмӕй нӕ митӕй искӕй ахӕм хъуыддагмӕ ма самидин кӕнӕм, ӕмӕ фӕстӕдӕр йӕ зӕрдӕ йӕхиуыл худа.

13. Библийы уынаффӕмӕ ӕцӕгдӕр хъусӕм ӕви нӕ, уый цӕмӕй бӕрӕг уыдзӕн?

¹³ Иннӕтӕн куыд хуыздӕр уа, ууыл хъуыды кӕныс? Ууыл  нӕ алкӕйдӕр хъӕуы кусын. Иннӕтыл кӕй мӕт кӕныс, уый бирӕ цӕмӕйдӕрты ис равдисӕн. Цӕвиттонӕн ӕркӕсӕм нӕ дарӕс ӕмӕ нӕ кондмӕ. Ацы хъуыддаджы алкӕмӕндӕр йӕ бар йӕхи у, ӕрмӕст Библи хӕдӕфсарм, сыгъдӕг ӕмӕ аивыл цы нымайы, уый дзы ма рох кӕнӕд, ӕндӕр. Фӕлӕ, зӕгъӕм, базыдтай, кӕм цӕрыс, уым адӕмы зӕрдӕмӕ дӕ конд нӕ цӕуы ӕмӕ уый тыххӕй Хуыцауы Паддзахады хабармӕ нӕ хъусынц. Цы бакӕндзынӕ? Кӕй зӕгъын ӕй хъӕуы, адӕмӕн ӕнусон царды фӕндагыл слӕууынӕн баххуыс кӕнын бирӕ ахсджиагдӕр у, нӕ зӕрдӕмӕ цы цӕуы, уымӕй.

14. Цӕмӕ нӕ хъӕуы сӕрныллӕгдзинадыл кусын ӕмӕ иннӕтыл хъуыды кӕнын?

¹⁴ Ӕцӕг сӕрныллӕгдзинад цы у ӕмӕ иннӕтыл хъуыды кӕнын цы нысан кӕны, уый иууыл хуыздӕр равдыста Йесо. Уый ма суанг йӕ ахуыргӕнинӕгтӕн сӕ къӕхтӕ дӕр ныхсадта (Иоанны 13:12—15). Йесойы тыххӕй Хуыцауы Ныхасы дзырдӕуы: «Йесо Чырыстийы зондахаст уын уӕд. Кӕд уый Хуыцауы халдих уыд, уӕддӕр хъуыды дӕр никуы акодта Хуыцауы ӕмсӕр уӕвыныл. Фӕлӕ йӕхи басаста ӕмӕ цагъары хуыз райста ӕмӕ ӕддаг бакастӕй дӕр сси адӕмы хуызӕн. Ӕмӕ, адӕймаг суӕвгӕйӕ, йӕхи ӕрныллӕг кодта ӕмӕ коммӕгӕс уыд суанг мӕлӕты онг» (Филиппӕгтӕм 2:5—8, НД; Ромӕгтӕм 15:2, 3).

Иегъовӕйы зондамындыл нӕ къух ма ауигъӕм

15. а) Кӕд нӕ фӕнды, цӕмӕй Хуыцауы зӕрдӕйӕн адджын уӕм, уӕд нӕ цы фӕивын хъӕуы? ӕ) Иегъовӕ нӕ алкӕмӕндӕр уынаффӕ ӕмӕ зондамынд куыд дӕтты?

¹⁵ Тӕригъӕдджын уӕвгӕйӕ, цӕмӕй Хуыцауы арфӕйаг миниуджытӕй хайджын уӕм, уый тыххӕй нӕ хъӕуы нӕ зондахаст ӕмӕ нӕ уагахаст фӕивын. Хъуамӕ сфӕлындӕм «ног адӕймаджы» (Колоссӕгтӕм 3:5—14, НФ). Уынаффӕ ӕмӕ нын зондамынд баххуыс кӕндзысты, цы нӕ фӕивын хъӕуы, уый бамбарынӕн, стӕй та йӕ куыд фӕивын хъӕуы, уый  фенынӕн дӕр. Уыцы хъуыддаджы нын иууыл стырдӕр ӕххуыс у Библи (2 Тимофеймӕ 3:16, 17). Иегъовӕйы организаци цы библион ӕрмӕг уадзы ӕмӕ нын цы фембӕлдтӕ вӕййы, уыдон нын ӕххуыс кӕнынц нӕ цард Хуыцауы Ныхасмӕ гӕсгӕ аразынӕн. Кӕд цавӕрдӕр уынаффӕ фыццаг хатт нӕ фехъуыстам, уӕддӕр нӕ кӕй хъӕуы, ууыл сразы уыдзыстӕм  ӕмӕ дзы куыд хуыздӕр спайда кӕнӕм, ууыл архайдзыстӕм?

16. Иегъовӕ нӕ алкӕмӕндӕр куыд ӕххуыс кӕны?

¹⁶ Иегъовӕ ныл зӕрдӕбынӕй ауды ӕмӕ нын ӕххуыс кӕны нӕ зындзинӕдты. Милуантӕн стыр ахъаз фӕци, семӕ хӕдзары Библи кӕй ахуыр кӕнынц, уый. Ныййарджытӕ сӕ сывӕллӕтты уынаффӕ цух кӕй нӕ уадзынц ӕмӕ сын зонд кӕй амонынц, уый руаджы сӕ бахизынц бирӕ бӕллӕхтӕ ӕмӕ фӕсмойнаг митӕй (Ӕмбисӕндтӕ 6:20—23). Ӕмбырды иуӕй-иутӕ арӕх уынаффӕагурӕг бацӕуынц фӕлтӕрд хъусынгӕнджытӕм ӕмӕ сын уыдон баххуыс кӕнынц арӕхстджындӕрӕй хъусын кӕнынӕн. Рӕстӕгӕй-рӕстӕгмӕ хистӕр нӕлгоймӕгтӕн дӕр сӕ бон у кӕрӕдзи кӕнӕ та, Хуыцауӕн бирӕ азты дӕргъы чи лӕггад кӕны, ахӕм хъусынгӕнджыты зондӕй бафӕрсын. Уырнындзинады фӕлтӕрд чи у, уыдон-иу Библийы руаджы бараст кӕнӕнт, раст фӕндагыл сӕвӕрын кӕй хъӕуы, уыдоны, ӕрмӕст уый кӕнын хъӕуы фӕлмӕнӕй. Искӕмӕн уынаффӕ куы дӕттай, уӕд дӕ рох ма уӕд, кӕй дӕ хъӕуы «дӕхи [дӕр] хъахъхъӕнын фыдӕвзарӕнты бахауынӕй» (Галатӕгтӕм 6:1, 2, НФ). О, иунӕг ӕцӕг Хуыцауӕн ӕмвӕнд-ӕмзондӕй кувынӕн махӕй алкӕйдӕр хъӕуы уынаффӕ ӕмӕ зондамынд.

Цыбыр афӕлгӕст

• Иегъовӕ нын зӕрдӕбынӕй алкӕмӕндӕр куыд ӕххуыс кӕны, цы нӕ фӕивын хъӕуы, уый фенынӕн?

• Бирӕтӕн уынаффӕмӕ байхъусын зын цӕмӕн вӕййы ӕмӕ уый тӕссаг цӕмӕй у?

• Цавӕр арфӕйаг миниуджытӕ нын баххуыс кӕндзысты уынаффӕмӕ хъусынӕн ӕмӕ нын уыцы хъуыддаджы Йесо фӕзминаг куыд у?

[Фарстатӕ ахуыр кӕнынӕн]

[Ныв 142 фарсыл]

Ози уынаффӕмӕ нӕ байхъуыста ӕмӕ йыл Хуыцау хъотыр бафтыдта.

[Ныв 142 фарсыл]

Моисей байхъуыста Иофоры уынаффӕмӕ ӕмӕ йын уый стыр ахъаз фӕци.