Цӕмӕн хъӕуы Библи кӕсын?

БИБЛИ иннӕ чингуыты хуызӕн нӕу. Ацы чиныджы нын Хуыцау зӕрдӕхӕларӕй амоны, нӕ цард нӕ куыд аразын хъӕуы, уый (1 Фессалоникӕгтӕм 2:13). Йӕ амындтӕм гӕсгӕ куы цӕрай, уӕд дын стыр ахъаз уыдзысты алы хъуыддаджы дӕр. Ды бауарздзынӕ Хуыцауы, ӕмӕ «алкӕцы хорз лӕвар ӕмӕ алкӕцы ӕххӕст лӕвар» Кӕмӕй цӕуы, уый суыдзӕн дӕ хӕлар (Иаковы 1:17). Базондзынӕ, куывды руаджы йемӕ ӕнгом ахастытӕ скӕнӕн куыд ис, уый. Тыхст уавӕрты ӕнкъардзынӕ Хуыцауы ӕххуыс. Дӕ цард Библийы домӕнтӕм гӕсгӕ куы аразай, уӕд та дын Хуыцау ратдзӕн ӕнусон цард (Ромӕгтӕм 6:23).

Библийы ӕцӕгады фӕрцы адӕймаджы цӕстытӕ байгом вӕййынц. Цы фыст дзы ис, уый чи базоны, уыдон фервӕзынц, милуангай адӕймӕгтӕ куырмӕджы цӕуыл ӕууӕндынц ӕмӕ сӕ тасы цы ӕфтауы, уыдӕттӕй. Зӕгъӕм, мӕлӕты фӕстӕ адӕймагыл ӕцӕгӕй цы ’рцӕуы, уый куы базонӕм, уӕд нал фӕтӕрсӕм, мӕрдтӕ нын фыдаудӕн куы кӕной, уымӕй; нал фӕмаст кӕнӕм, нӕ хӕстӕджытӕ, нӕ хӕлӕрттӕй чи амард, уыдон уым хъизӕмар кӕнынц, зӕгъгӕ (Иезекил 18:4). Библи дзуры, мӕрдтӕ кӕй райгас уыдзысты, уый тыххӕй дӕр, ӕмӕ ацы ныфс тынг фидар кӕны, йӕ зынаргъ адӕймаг кӕмӕн амард, уыдоны  (Иоанны 11:25). Ӕнӕуынгӕ сау тыхтӕ нӕ ныхмӕ кӕй хӕцынц, уый базонгӕйӕ, та бамбарӕм, дӕснытӕм цӕуын, хинтӕ кӕнын ӕмӕ ӕндӕр ахӕм хъуыддӕгтӕ куыд тӕссаг сты ӕмӕ абон зӕххыл ахӕм стыр бӕллӕхтӕ цӕмӕн цӕуы, уый.

Хуыцау Библийы цы уагӕвӕрдтӕ сфидар кодта, уыдон нӕ ахуыр кӕнынц ӕнӕниз цард кӕнын. Цӕвиттон, адӕймаг «алцӕмӕндӕр ӕгъдау ӕмӕ бӕрц куы зона», уӕд уый ахъаз уыдзӕн йе ’нӕниздзинадӕн (1 Тимофеймӕ 3:2, НД). Нӕхи «алы буарон ӕмӕ уды чъизидзинадӕй» куы ссыгъдӕг кӕнӕм, уӕд уый фӕрцы дӕр нӕхи бахиздзыстӕм бирӕ низтӕй (2 Коринфӕгтӕм 7:1, НФ). Хуыцау Библийы цы уынаффӕтӕ дӕтты, уыдонмӕ гӕсгӕ куы цӕрай, уӕд бинонты царды дӕр амондджын уыдзынӕ ӕмӕ дӕхицӕн дӕр аргъ кӕндзынӕ (1 Коринфӕгтӕм 6:18).

Хуыцауы Ныхасмӕ гӕсгӕ куы цӕрай, уӕд уыдзынӕ амондджындӕр. Библийӕ цы базонӕм, уый нын хӕссы удӕнцой, ныфс ӕмӕ уый фӕрцы вӕййӕм райгонд. Уый руаджы уыдзыстӕм тӕригъӕдгӕнаг ӕмӕ сахуыр уыдзыстӕм ахӕм хорз миниуджытыл куыд: уарзондзинад, циндзинад, фарн, хорздзинад ӕмӕ уырнындзинад (Галатӕгтӕм 5:22, 23; Ефесӕгтӕм 4:24, 32). Уыцы миниуджытӕ та  нын ӕххуыс кӕнынц, цӕмӕй уӕм хуыздӕр сӕрыхицау кӕнӕ бинойнаг, хуыздӕр фыд кӕнӕ мад, хуыздӕр фырт кӕнӕ чызг.

Нӕ дӕ фӕнды, фидӕны цы уыдзӕн, уый базонын? Библийы пехуымпарӕдтӕ нын ӕвдисынц, цы ахсджиаг рӕстӕджы цӕрӕм, уый. Уыцы пехуымпарӕдтӕ нын, абон дуне цы уавӕры ис, ӕрмӕст уый не ’мбарын кӕнынц, фӕлӕ тагъд Хуыцау зӕххӕй дзӕнӕт кӕй скӕндзӕн, уый дӕр (Раргомад 21:3, 4).

Ӕххуыс Библи ӕмбарынӕн

Чи зоны дӕхӕдӕг дӕр архайдтай Библи кӕсыныл, фӕлӕ йӕ не ’мбӕрстай. Йе та дзы дӕ фарстытӕн дзуапп не ссардтай. Кӕд афтӕ у, уӕд уыцы хъуыддаджы иунӕг нӕ дӕ. Хуыцауы Ныхас йӕхигъӕдӕй йӕ бон никӕмӕн у бамбарын. Уымӕ гӕсгӕ Иегъовӕйы Ӕвдисӕнтӕ ныр 235 бӕстӕйы милуангай адӕмӕн лӕвар амонынц Библи. Ӕхсызгонӕй баххуыс кӕндзысты дӕуӕн дӕр.

Библи хорз базонынӕн иууыл хуыздӕр у, цы сӕйраг ахуырӕдтӕ дзы ис, уыдонӕй райдайын (Дзуттытӕм 6:1). Дарддӕр дын ӕнцондӕр уыдзӕн «хъӕбӕр хӕринаг», ома дзы цы арф ӕцӕгдзинӕдтӕ ис, уыдон ӕмбарын (Дзуттытӕм 5:14). Библи у сӕйраг чиныг. Йӕ бындурыл уагъд литературӕ, зӕгъӕм, брошюрӕ «Хуыцау нӕ цы домы?» та дын уыдзӕн ӕххуыс, Библи алыхуызон фарстаты фӕдыл цы дзуры, уый бамбарынӕн.

 Цӕмӕй Библи бамбарай, уый тыххӕй цӕттӕ дӕ алы къуыри дӕр рӕстӕг арынмӕ?

Библи демӕ ахуыр кӕндзысты, ӕнцондӕр дын кӕд у, уӕд ӕмӕ кӕм у, уым. Бирӕтӕ фӕахуыр кӕнынц сӕ хӕдзары, куыд ничи сӕ хъыгдара, афтӕ. Кӕмӕндӕр та ӕнцондӕр у телефонӕй ахуыр кӕнын. Библи ахуыр кӕныны программӕ афтӕ арӕзт нӕу, цӕмӕй бирӕ адӕмӕн иумӕ амоной. Сӕйраджыдӕр кӕсдзысты дӕ уавӕртӕм, уыимӕ цас зоныс ӕмӕ дӕм цы ахуырад ис, уымӕ дӕр. Фӕлварӕнтӕ дӕттын дзы нӕ хъӕуы, ӕмӕ уымӕ гӕсгӕ къӕмдзӕстыг нӕ кӕндзынӕ. Ды ссардзынӕ дзуапп, Библийӕ дӕм цы фарстытӕ ис, уыдонӕн ӕмӕ базондзынӕ, Хуыцауимӕ ӕнгом ахастытӕ куыд ис скӕнӕн, уый.

Библи ахуыр кӕнынӕн дӕ ӕхца фидын нӕ хъӕуы (Матфейы 10:8). Адӕймаг цыфӕнды диныл хӕст ма уа, йе та йын динимӕ ӕппын куы ницы уа иумӕйагӕй, уӕддӕр ӕй кӕд Хуыцауы Ныхас хуыздӕр базонын фӕнды, уӕд ын ис уый фадат, ӕмӕ йӕ лӕвар ахуыр кӕна.

Кӕй ма у дӕ бон Библи ахуыр кӕнынмӕ фӕхонын? Дӕ бинонты, дӕ хӕлӕрттӕй дӕ кӕй фӕнды, уыдоны. Йе та дӕхӕдӕг иунӕгӕй, кӕд дын афтӕ хуыздӕр у, уӕд.

Бирӕтӕ Библи ахуыр кӕнынӕн алы къуыри дӕр ссарынц сахаты бӕрц. Алы къуыри дӕр дын уымӕй фылдӕр рӕстӕг ис ӕви къаддӕр, уӕддӕр дын Иегъовӕйы Ӕвдисӕнтӕ ӕххуыс кӕндзысты, дӕ уавӕр дӕ куыд амоны, уымӕ гӕсгӕ.

 Хонӕм дӕ ахуырмӕ

Хорз уаид, Иегъовӕйы Ӕвдисӕнты куы ссарис. Дӕ бон у, дӕлдӕр цы адристӕ ис, уыдонӕй сӕм сӕ иуыл ныффыссай. Мах батыхсдзыстӕм, цӕмӕй дӕм Ӕвдисӕнтӕй исчи цӕуа ӕмӕ демӕ хӕдзары лӕвар ахуыр кӕна Библи.

□ Рарвитут мын брошюрӕ «Хуыцау нӕ цы домы?»

□ Мӕн фӕнды Библи хӕдзары лӕвар ахуыр кӕнын.

Кӕд стихты фӕстӕ ницы ис фыст, уӕд ист сты «Ног Фӕдзӕхст ӕмӕ Псалтир»-ӕй, 1994 аз. НД — «Сыгъдӕг Фыстады Ног Дунейы тӕлмац» англисаг ӕвзагыл; НФ — «Ног Фӕдзӕхст», 1993 аз.