Удӕгас кӕй стӕм, уый фӕрцы нӕ бон у бирӕ цыдӕртӕ аразын ӕмӕ цардыл цин кӕнын. Суанг зын уавӕрты дӕр цӕуылдӕрты фӕцин кӕнӕм. Цардӕн кӕй аргъ кӕнӕм, уый цӕмӕй уыдзӕн бӕрӕг? Ӕмӕ йын сӕйраджыдӕр цӕмӕн хъуамӕ аргъ кӕнӕм?

1. Цардӕн цӕмӕн хъуамӕ аргъ кӕнӕм?

Цардӕн хъуамӕ аргъ кӕнӕм, уымӕн ӕмӕ уый у нӕ уарзӕгой Фыд Йегъовӕйы лӕвар. Йегъовӕ у «царды суадон» – удӕгасӕй цыдӕриддӕр ис, уыдӕттӕ иууылдӕр уый сфӕлдыста (Псалом 36:9). «Алкӕмӕн дӕр йӕхӕдӕг дӕтты цард дӕр, улӕфт дӕр ӕмӕ алцыдӕр» (Хъуыддӕгтӕ 17:25, 28). Йегъовӕ нын дӕтты, цӕрынӕн нӕ цы хъӕуы, уыдӕттӕ. Фӕлӕ ма нын уымӕй уӕлдай ноджыдӕр бирӕ цыдӕртӕ дӕтты, цӕмӕй нын цард циндзинад хӕсса. (Бакӕс Хъуыддӕгтӕ 14:17.)

2. Йегъовӕйы диссаджы лӕварӕн кӕй аргъ кӕнӕм, уый цӕмӕй уыдзӕн бӕрӕг?

Йегъовӕ дыл тыхсы, дӕ мады гуыбыны куы сӕвзӕрдтӕ, уӕдӕй фӕстӕмӕ. Хуыцаумӕ йӕ лӕггадгӕнӕг Давид куывта: «Ды мӕ федтай, гуырдз йеддӕмӕ куы ницыма уыдтӕн, уӕд» (Псалом 139:16). Йегъовӕйы цӕсты дӕ цард тынг зынаргъ у. (Бакӕс Матфейы 10:29–31.) Исчи искӕй, кӕнӕ суанг йӕхи дӕр, куы амары, уӕд уый Йегъовӕйӕн тынг зын вӕййы (Рацыд 20:13) a. Тынг зын ма йын вӕййы, ӕнӕхъуаджы нӕ цард тӕссаг уавӕры куы феппарӕм кӕнӕ иннӕты цард бахъахъхъӕныныл куы нӕ фӕархайӕм, уый дӕр. Нӕхи цард дӕр ӕмӕ иннӕты цард дӕр куы хъахъхъӕнӕм, уӕд бӕрӕг уыдзӕн, Хуыцауы диссаджы лӕварӕн кӕй аргъ кӕнӕм.

 ФЫЛДӔР БАЗОН

3. Де ’нӕниздзинадыл тыхс

Нӕхи Йегъовӕйӕн кӕй снывонд кодтам, уымӕ гӕсгӕ нӕ цӕрд ӕнӕхъӕнӕй дӕр дӕттӕм Йегъовӕйӕн лӕггад кӕнынӕн. Зӕгъӕн ис, ӕмӕ нӕ буар Хуыцауӕн нывондӕн радтам. Бакӕсут Ромӕгтӕм 12:1, 2 ӕмӕ стӕй аныхас кӕнут ацы фарстатыл:

• Де ’нӕниздзинадыл цӕмӕн хъуамӕ тыхсай?

• Дӕ бон куыд у де ’нӕниздзинадыл тыхсын?

 5. Аргъ кӕн, чи нӕма райгуырд, ахӕм сывӕллоны цардӕн

Давиды ныхӕстӕй бӕрӕг у, Йегъовӕ йӕ хъус кӕй фӕдары, мады гуыбыны сывӕллон куыд фӕрӕзы, уымӕ. Бакӕсут Псалом 139:13–17 ӕмӕ стӕй аныхас кӕнут ацы фарстайыл:

• Йегъовӕйы цӕсты адӕймаг цӕрын кӕд райдайы: куы райгуыры, уӕд ӕви, йӕ мады гуыбыны куы сӕвзӕры, уӕд?

Йегъовӕ рагон израилӕгтӕн цы закъон радта, уый хъахъхъӕдта сывӕрджын сылгоймӕгты дӕр ӕмӕ, гуыбыны чи уыд, уыцы сывӕллӕтты дӕр. Бакӕсут Рацыд 21:22, 23 ӕмӕ стӕй аныхас кӕнут ацы фарстатыл:

• Йегъовӕ цы цӕстӕй каст, адӕймаджы-иу куы нӕ фӕндыд, афтӕмӕй-иу йӕ аххосӕй, гуыбыны чи уыд, ахӕм сывӕллоны цард куы аскъуыд, уымӕ?

• Йегъовӕ цы цӕстӕй кӕсы, исчи афтӕ барӕй куы бакӕны, уымӕ? b

• Хуыцау уымӕ ахӕм цӕстӕй кӕй кӕсы, уый тыххӕй цы хъуыды кӕныс?

Бакӕсут ВИДЕОРОЛИКМӔ.

Сылгоймаг цардӕн куы аргъ кӕна, уӕддӕр ӕм, чи зоны, афтӕ кӕса, ӕмӕ йын аборт скӕнын йеддӕмӕ ӕндӕр гӕнӕн нӕй. Бакӕсут Исайы 41:10 ӕмӕ стӕй аныхас кӕнут ацы фарстатыл:

• Сылгоймагӕн аборт куы кӕнын кӕной, уӕд ӕххуыс кӕмӕй хъуамӕ агура? Цӕмӕн?

 ЦЫ БАЗЫДТАЙ

Библийы фыст ис, цард кӕй у Йегъовӕйы лӕвар ӕмӕ йын хъуамӕ аргъ кӕнӕм ӕмӕ йӕ хъахъхъӕнӕм. Уый хауы нӕхи цардмӕ дӕр ӕмӕ иннӕты цардмӕ дӕр.

Дӕ зӕрдыл ӕрлӕууын кӕн

• Адӕймаджы цард Йегъовӕйӕн зынаргъ цӕмӕн у?

• Йегъовӕ цы цӕстӕй кӕсы, исчи барӕй искӕй куы амары, уымӕ?

• Цардӕн цӕмӕн аргъ кӕныс?