Израилӕгтӕ Сырх денджызыл куы ахызтысты, уымӕй дыууӕ мӕйы фӕстӕ ӕрбахӕццӕ сты Синайы хохмӕ. Уым Йегъовӕ семӕ скодта бадзырд, ӕмӕ афтӕмӕй систы йӕ адӕм. Уый сӕ хъахъхъӕдта ӕмӕ сӕ цух ницӕмӕй уагъта – хӕринагӕн сын лӕвӕрдта маннӕ, стӕй сӕ дзаумӕттӕ нӕ ихсыдысты ӕмӕ-иу цардысты, ӕдас сын кӕм уыд, ахӕм рӕтты. Ныййарджытӕ, уӕ сывӕллӕттӕн бамбарын кӕнут, Йегъовӕ израилӕгтӕн Закъон цӕмӕн радта, кувӕндон сын цӕмӕн саразын кодта ӕмӕ сын сауджынтӕ цӕмӕн сӕвӕрдта. Бамбарын сын кӕнут, ахсджиаг кӕй у, цӕмӕй-иу, цы дзырд раттӕм, уый сӕххӕст кӕнӕм, сӕрныллӕг уӕм ӕмӕ Йегъовӕйыл алкӕддӕр иузӕрдион уӕм.