Библи нын ӕрмӕст ивгъуыд цауты тыххӕй нӕ дзуры, фӕлӕ ма фидӕны цы ’рцӕудзӕн, уый тыххӕй дӕр. Адӕймагӕн йӕ бон нӕу, райсом цы уыдзӕн, уый развӕлгъау зӕгъын. Уымӕ гӕсгӕ зонӕм, Библи Хуыцауы Ныхас кӕй у, уый. Цы дзуры Библи фидӕны тыххӕй?

Уый дзуры, кӕй уыдзӕн Хуыцауы стыр хӕст. Уыцы хӕсты Хуыцау зӕхх ссыгъдӕг кӕндзӕн ӕвзӕрдзинадӕй дӕр ӕмӕ ӕвзӕр адӕмӕй дӕр, чи йын лӕггад кӕны, уыдоны та бахъахъхъӕндзӕн. Уыцы адӕмӕн Йесо Чырысти – Хуыцауы ӕвӕрд паддзах – ӕрхӕсдзӕн фарн ӕмӕ амонд, уыдон нал дӕр рынчын кӕндзысты, нал дӕр мӕлгӕ.

Мах цин кӕнӕм, Хуыцау зӕххыл ногӕй дзӕнӕт кӕй скӕндзӕн, ууыл, ӕццӕй нӕ? Фӕлӕ цӕмӕй уыцы дзӕнӕты цӕрӕм, уый тыххӕй нӕ хъӕуы цыдӕр аразын. Ацы чиныджы фӕстаг радзырдтӕй базондзыстӕм, Хуыцау йӕ лӕггадгӕнджытӕн цы хорздзинӕдтӕ ӕрцӕттӕ кодта, уыдон ссарыны тыххӕй цы хъуамӕ аразӕм. Уӕдӕ бакӕс ӔСТӔМ ХАЙ ӕмӕ базон, Библи фидӕны тыххӕй цы дзуры, уый.